Ibyakozwe 8:10 - Kinyarwanda Bibiliya Ntagatifu

¹⁰ Abantu bose kuva ku muto kugera ku mukuru bakamwihambiraho, bavuga bati «Uyu muntu arimo Ububasha bw’Imana, ubwo bita Ubuhangange.»

Bibiliya Yera

¹⁰ Baramwumvaga bamwitayeho bose, abakomeye n'aboroheje bati “Uyu muntu ni we Mbaraga y'Imana yitwa ikomeye.”

Bibiliya Ijambo ry'imana D

¹⁰ Nuko abantu bose bakamurangarira, abakuru n'abato bavuga bati: “Uyu muntu arimo ububasha bw'Imana, ubwo bita Indahangarwa.”

Bibiliya Ijambo ry'imana

¹⁰ Nuko abantu bose bakamurangarira, abakuru n'abato bavuga bati: “Uyu muntu arimo ububasha bw'Imana, ubwo bita Indahangarwa.”

Ibyakozwe 8:10 Iomraidhean Croise

Yeremiya 31:34

Ntibazongera kwigishanya bavuga ngo «Menya Uhoraho», kuko bose bazaba banzi, uhereye ku muto kugeza ku mukuru — uwo ni Uhoraho ubivuze — nkabababarira ubugome bwabo, sinongere no kwibuka icyaha cyabo ukundi.

Yeremiya 42:1

Abatware bose b’ingabo, barimo Yohanani mwene Kareya na Azariya mwene Hoshaya, n’imbaga yose, abakuru n’abato,

Yeremiya 6:13

Kuva ku muto kugera ku mukuru, bose bararuwe n’inyungu zabo, abahanuzi n’abaherezabitambo bose bakifata nabi.

Yeremiya 8:10

Nuko rero abagore babo ndabaha abandi, imirima yabo nyiteze abayigabiza; kuko bose, ari umuto n’umukuru, bararuwe n’inyungu zabo; abahanuzi n’abaherezabitambo bose, bakifata nabi.

Yonasi 3:5

Abantu b’i Ninivi bemera Imana, batangaza igisibo, bambara ibigunira, kuva ku mukuru kugeza ku muto.

Ibyakozwe 14:11

Rubanda rero ngo babone ibyo Pawulo amaze gukora, batera hejuru bavuga mu rurimi rwabo kavukire rwo muri Likawoniya, bati «Imana zisa n’abantu zaje muri twe!»

Ibyakozwe 28:6

Abo bantu bategereza ko ari bubyimbirwe, cyangwa se ko yikubita hasi agapfa, ariko ngo bamare umwanya bategereje, babona nta cyo abaye. Ni ko kwigarura bavuga bati «Ni imana!»

1 Abakorinto 1:24

Naho ku batowe, baba Abayahudi cyangwa Abagereki, Kristu uwo ni we bubasha bw’Imana n’ubuhanga bwayo.

2 Abakorinto 11:19

Mwebwe muzwiho ubwitonzi, mwihanganira abasazi nta ngorane!

Abefeso 4:14

Ubwo rero ntituzaba tukiri abana basabayangwa, maze ngo twangaranwe n’umuyaga ubonetse wose w’inyigisho ziturutse ku buhendanyi bw’abantu no ku buriganya bwabo bubayobya.

2 Petero 2:2

Hari benshi kandi bazabakurikira muri ubwo buyobe bwabo, maze batume inzira y’ukuri isuzugurika.

Ibyahisuwe 13:3

Umwe muri ya mitwe yacyo wasaga n’uwakomeretse bwo gupfa, ariko uruguma rwacyo ruhita rukira. Nuko isi yose iratangara, ihita iyoboka cya Gikoko.