Ibyakozwe 7:42 - Kinyarwanda Bibiliya Ntagatifu

⁴² Nuko Imana irabazibukira, irabareka ngo basenge inyenyeri zo mu kirere, nk’uko byanditswe mu gitabo cy’Abahanuzi ngo ’Hari ubwo se mwigeze kuntura ibitambo n’amaturo, muryango wa Israheli, mu myaka mirongo ine yose mwamaze mu butayu?

Bibiliya Yera

⁴² Nuko Imana irahindukira irabazibukira, ibarekera gusenga ingabo zo mu ijuru nk'uko byanditswe mu gitabo cy'abahanuzi ngo ‘Yemwe muryango w'Abisirayeli, Mbese mwantambiriye amatungo abazwe cyangwa ibitambo, Imyaka mirongo ine mu butayu?

Bibiliya Ijambo ry'imana D

⁴² Nuko Imana irabazibukira, irabareka ngo basenge inyenyeri nk'uko byanditswe mu gitabo cy'abahanuzi ngo ‘Mwa Bisiraheli mwe, ya myaka mirongo ine mwamaze mu butayu sinigeze mbaka ibitambo n'amaturo.

Bibiliya Ijambo ry'imana

⁴² Nuko Imana irabazibukira, irabareka ngo basenge inyenyeri nk'uko byanditswe mu gitabo cy'abahanuzi ngo ‘Mwa Bisiraheli mwe, ya myaka mirongo ine mwamaze mu butayu sinigeze mbaka ibitambo n'amaturo.

Ibyakozwe 7:42 Iomraidhean Croise

2 Abami 17:16

Bareka amategeko yose y’Uhoraho Imana yabo, biremera amashusho abiri y’inyana, bashinga n’ibiti byeguriwe ibigirwamana byabo, baramya izuba, ukwezi n’inyenyeri byo mu kirere kandi biyegurira Behali.

2 Abami 21:3

Yongeye kubaka amasengero y’ahirengeye yari yarashenywe na se Hezekiya, yubakisha intambiro za Behali kandi ashingisha ibiti byeguriwe ibigirwamana byabo nk’uko Akabu, umwami wa Israheli, yari yarabigenje kera. Aramya izuba, ukwezi n’inyenyeri byo mu kirere, arabikorera.

Zaburi 95:10

Mu myaka mirongo ine nazinutswe iyo nyoko, maze ndavuga nti ’Ni imbaga y’umutima wararutse, ntibazi amayira yanjye!’

Yesaya 43:23

Ntiwanzaniye intama kugira ngo uzintwikire, kandi ntiwanyubahirije untura ibitambo byawe. Sinigeze nguhatira kunzanira amaturo atabarika, cyangwa ngo nkunanize nkwaka ububani.

Yesaya 63:10

Ariko bo barijujuse, bababaza umwuka we mutagatifu, ni bwo rero abateye umugongo, maze we ubwe abarwanya nk’umwanzi.

Yesaya 66:4

Nanjye nzashimishwa n’ingaruka mbi z’ibikorwa byabo, nzabateze ibibatera ubwoba, kuko nahamagaye, ntihagire unyumva. Bakoreye ikibi mu maso yanjye, bahitamo ibitanshimisha.

Yeremiya 19:13

Bazahumanya amazu y’i Yeruzalemu n’ay’abami ba Yuda, ahinduke nka Tofeti; ni koko ayo mazu yose batwikiraho ibitambo basenga ibinyarumuri byo mu kirere, bakanayamishaho ibitambo biseswa baramya izindi mana, azahumana uko angana.’»

Yeremiya 8:2

Bazayadendeza imbere y’izuba, y’ukwezi n’imbere y’ibindi binyarumuri byo mu kirere, byo bacuditse na byo, bakabigaragira, bakabikurikira, bakabigisha inama ndetse bakanabipfukama imbere. Ayo magufa, ntazarundarundwa ngo ahambwe; azahama aho afumbire ubutaka.

Ezekiyeli 20:25

Ndetse nageze n'aho mbaha amategeko y'amananiza n'amabwiriza atashoboraga kubabeshaho,

Ezekiyeli 20:39

Namwe rero, muryango wa Israheli, dore uko Nyagasani Uhoraho avuze : Ngaho buri muntu nagende akureho ibigirwamana bye, ahasigaye mbarahiye ko muzanyumva, ntimuzongere ukundi kwandavuza izina ryanjye ritagatifu, muryandurisha ibitambo n'ibigirwamana byanyu !

Ezekiyeli 8:16

Hanyuma anjyana imbere y’igikari cy’Ingoro y’Uhoraho. Nuko mbona abantu bagera kuri makumyabiri na batanu bari mu muryango w’Ingoro y’Uhoraho, hagati y’urwinjiriro n’urutambiro. Bari bateye umugongo Ingoro y’Uhoraho birebera mu burasirazuba, ari na ko bunamira izuba bareba aho rirasira.

Hoseya 4:17

Efurayimu yo yisunze ibigirwamana, nimuyireke!

Yohana 6:45

Mu gitabo cy’Abahanuzi haranditse ngo ’Bose baziyigishirizwa n’Imana.’ Umuntu wese wumvise Data akigishwa, aransanga.

Ibyakozwe 13:40

Muririnde rero mutagubwaho n’ibyavuzwe n’abahanuzi bagira bati

Ibyakozwe 7:36

Ni we wabavanye mu Misiri, akora ibitangaza n’ibimenyetso bikomeye muri icyo gihugu, ku Nyanja itukura no mu butayu mu gihe cy’imyaka mirongo ine.

Ivugururamategeko 17:3

maze akajya kuyoboka izindi mana, akazipfukama imbere, agasenga izuba, ukwezi cyangwa ikindi kintu cyose mu biri ku ijuru, kandi narabibujije,

Ivugururamategeko 4:19

Uramenye ntuzararame ureba ku ijuru, ngo witegereze izuba, ukwezi cyangwa inyenyeri, n’ibindi byose bitatse ijuru, maze ngo utwarwe, ubipfukamire ubiramya. Koko rero, ibyo ni ibintu Uhoraho Imana yawe yahaye abantu bose bari mu nsi y’ijuru;

Abeheburayo 3:9

aho abasekuruza banyu bangeragereje, bashaka kunyinja, n’ubwo bari barabonye ibikorwa byanjye, mu myaka mirongo ine.

Yosuwa 24:20

Nimwitandukanya n’Uhoraho mugakorera ibigirwamana by’amahanga, azahindukira abagirire nabi, abatsembe nyuma y’ineza yose yabagiriye.»