Ibyakozwe 14:9 - Kinyarwanda Bibiliya Ntagatifu

⁹ Umunsi umwe, yari ateze amatwi Pawulo yigisha, Pawulo na we amwitegereje, abona ko afite ukwemera guhagije kugira ngo akire,

Bibiliya Yera

⁹ Uwo yumvise Pawulo avuga na we amuhanze amaso, abona ko afite kwizera kwamuhesha gukizwa.

Bibiliya Ijambo ry'imana D

⁹ Yicaye aho atega Pawulo amatwi. Pawulo amwitegereje abona yizeye gukira indwara,

Bibiliya Ijambo ry'imana

⁹ Yicaye aho atega Pawulo amatwi. Pawulo amwitegereje abona yizeye gukira indwara,

Ibyakozwe 14:9 Iomraidhean Croise

Matayo 13:58

Nuko aho ntiyahakorera ibitangaza byinshi, abitewe n’ukutemera kwabo.

Matayo 15:28

Nuko Yezu aramusubiza ati «Wa mugore we, ukwemera kwawe kurakomeye; nibikumerere uko ubishaka!» Ako kanya umukobwa we arakira.

Matayo 8:10

Yezu abyumvise, aratangara maze abwira abamukurikiye, ati «Ndababwira ukuri, muri Israheli nta muntu nigeze nsangana ukwemera nk’uku.

Matayo 9:22

Yezu akebutse aramurabukwa, aravuga ati «Humura, mwana wanjye, ukwemera kwawe kuragukijije.» Ako kanya umugore arakira.

Mariko 10:52

Yezu aramubwira ati «Genda, ukwemera kwawe kuragukijije.» Ako kanya arahumuka, maze akurikira Yezu.

Mariko 2:5

Yezu abonye ukwemera kwabo, abwira icyo kirema ati «Mwana wanjye, ibyaha byawe urabikijijwe.»

Mariko 8:25

Yezu arongera ashyira ibiganza ku maso ye, undi atangira kubona bigaragara, arakira, abona neza ibintu byose uko biri.

Ibyakozwe 10:4

Undi amuhanga amaso, ubwoba buramutaha, ni ko gusubiza ati «Ni iki se, Nyagasani?» Umumalayika aramubwira ati «Amasengesho yawe n’ubuntu bwawe byageze ku Mana, ntibyibagirwa.

Ibyakozwe 3:4

Nuko Petero, ari hamwe na Yohani, aramwitegereza maze aramubwira ati «Ngaho turebe! »