Ibyakozwe 11:3 - Kinyarwanda Bibiliya Ntagatifu

³ «Ubonye ngo uragenderera abatagenywe kandi ugasangira na bo!»

Bibiliya Yera

³ “Ko wagendereye abatakebwe, ugasangira na bo?”

Bibiliya Ijambo ry'imana D

³ “Ubonye ngo uragenderera abatakebwe ukanasangira na bo?”

Bibiliya Ijambo ry'imana

³ “Ubonye ngo uragenderera abatakebwe ukanasangira na bo?”

Ibyakozwe 11:3 Iomraidhean Croise

Matayo 9:11

Abafarizayi babibonye, babaza abigishwa be bati «Ni iki gituma umwigisha wanyu asangira n’abasoresha n’abanyabyaha?»

Luka 15:2

Abafarizayi n’abigishamategeko batangira kwijujuta, bavuga bati «Uyu muntu ko yakira abanyabyaha akanasangira na bo!»

Yohana 18:28

Nuko bavana Yezu kwa Kayifa, bamujyana mu rugo rw’Umutware w’igihugu, hakaba mu gitondo, ariko bo ntibinjira mu rugo rw’Umutware ngo batandura, batararya Pasika.

Ibyakozwe 10:23

Nuko Petero abinjiza mu nzu, arabacumbikira. Bukeye, arahaguruka ajyana na bo, aherekejwe na bamwe mu bavandimwe b’i Yope.

Ibyakozwe 10:28

maze arababwira ati «Muzi ko ku Muyahudi bibujijwe kugirana umubano cyangwa se umushyikirano n’abanyamahanga. Nyamara Imana yanyeretse ko nta muntu n’umwe nkwiriye kunena cyangwa ngo mwite uwahumanye.

Ibyakozwe 10:32

Wohereze rero abantu i Yope, utumire Simoni uhimbwa irya Petero aze hano. Acumbitse mu rugo rwa Simoni w’umukannyi, iruhande rw’inyanja’.

Ibyakozwe 10:48

Nuko ategeka ko bababatiza mu izina rya Yezu Kristu. Maze basaba Petero kugumana na bo iminsi mike.

1 Abakorinto 5:11

Mu by’ukuri rero, nabandikiye mbabuza kugenderana n’umuntu wiyita umuvandimwe, kandi ari umusambanyi, umunyabugugu, usenga ibigirwamana, usebanya, umusinzi, cyangwa umwambuzi ndetse n’umuntu nk’uwo nguwo ntimukanasangire.

Abagalatiya 2:12

Koko rero, mbere y’uko haza abantu bo mu gice cya Yakobo, yasangiraga n’abanyamahanga. Aho baziye, aravunura, aritarura, byo gutinya abagenywe.

2 Yohana 1:10

Nihagira umuntu uza abagana, atari uzanye izo nyigisho, ntimukamwakire iwanyu, ndetse ntimukamuramutse;