Ibyakozwe 1:12 - Kinyarwanda Bibiliya Ntagatifu

¹² Bava ku musozi witwa uw’Imizeti bagaruka i Yeruzalemu, — uwo musozi ukaba bugufi ya Yeruzalemu, nk’urugendo bemerewe gukora ku isabato—.

Bibiliya Yera

¹² Basubira i Yerusalemu bavuye ku musozi witwa Elayono, uri bugufi bw'i Yerusalemu nk'urugendo rwo kugendwa ku isabato.

Bibiliya Ijambo ry'imana D

¹² Nuko basubira i Yeruzalemu bavuye ku musozi w'Iminzenze, uri nko muri kirometero imwe.

Bibiliya Ijambo ry'imana

¹² Nuko basubira i Yeruzalemu bavuye ku musozi w'Iminzenze, uri nko muri kirometero imwe.

Ibyakozwe 1:12 Iomraidhean Croise

Zekariya 14:4

Uwo munsi, azashinga ibirenge bye ku musozi w’imizeti uteganye na Yeruzalemu, aherekera mu burasirazuba. Uwo musozi w’imizeti uzasadukamo kabiri, uhereye iburasirazuba werekeza iburengerazuba, uhinduke igisiza kinini cyane. Igice kimwe cy’uwo musozi kizashyiguka kigana mu majyaruguru, ikindi kigane mu majyepfo.

Matayo 21:1

Igihe begereye Yeruzalemu, bageze i Betifage ku musozi w’Imizeti, Yezu yohereza babiri mu bigishwa be.

Matayo 24:20

Nimusabe kugira ngo ihunga ryanyu ritazaba mu itumba cyangwa ku munsi w’isabato.

Matayo 24:3

Nuko amaze kwicara ku musozi w’Imizeti, abigishwa be baraza baramwegera, baramubaza biherereye, bati «Tubwire igihe ibyo bizabera, n’ikizaba ikimenyetso cy’ukuza kwawe n’icy’iherezo ry’isi.»

Matayo 26:30

Bamaze kuririmba zaburi, barasohoka bagana ku musozi w’Imizeti.

Luka 19:29

Nuko agiye kugera i Betifage n’i Betaniya, hafi y’umusozi witwaga uw’Imizeti, yohereza babiri mu bigishwa be.

Luka 21:37

Ku manywa Yezu yigishirizaga mu Ngoro, ariko nijoro akajya kurara ku musozi w’Imizeti.

Luka 24:50

Hanyuma abajyana ahagana i Betaniya, maze arambura amaboko abaha umugisha.

Luka 24:52

Bamaze kumupfukamira, bagarukana ibyishimo byinshi i Yeruzalemu.

Yohana 11:18

Kuva i Betaniya kugera i Yeruzalemu, hari nk’intera y’amasitadi cumi n’atanu.