Hoseya 9:12 - Kinyarwanda Bibiliya Ntagatifu

¹² Ndetse n’iyo babyirura abahungu, nababagomwa bataraba abagabo; ni koko, bazabona ishyano nimara kwitandukanya na bo!

Bibiliya Yera

¹² Naho barera abana babo, nzababambura he kugira umuntu usigara, ndetse bazabona ishyano igihe nzabarekera!

Bibiliya Ijambo ry'imana D

¹² Nubwo bagira abana bakabarera, nzababagomwa he gusigara n'umwe. Abefurayimu bazabona ishyano ubwo nzaba mbaretse!

Bibiliya Ijambo ry'imana

¹² Nubwo bagira abana bakabarera, nzababagomwa he gusigara n'umwe. Abefurayimu bazabona ishyano ubwo nzaba mbaretse!

Hoseya 9:12 Iomraidhean Croise

Hoseya 7:13

Nibagushe ishyano kuko bampunze, barimbuke kuko banyigometseho! Nanjye se naba uwo kubacungura, kandi bambwira ibinyoma?

Hoseya 9:16

Efurayimu yarafashwe none imizi yayo yarumagatanye, ntibazongera kwera imbuto ukundi. Ndetse nibanabyara, nzabagomwa ibyo byiza bibarutse.

Ivugururamategeko 32:25

Hanze, inkota izavuga ibamareho abana, no mu mazu yabo haganze ubukangarane. Umuhungu w’umusore azapfa rumwe n’umukobwa w’inkumi, umwana uri ku ibere apfe rumwe n’umugabo umeze imvi.

Ivugururamategeko 31:17

Icyo gihe uburakari bwanjye buzawugurumanira, mbatererane, mbahishe amaso, bapfe bashire, ibyago n’imibabaro myinshi bibibasire. Nuko icyo gihe bazavuge bibaza bati ’Igituma ibi byago byadusaritse, aho si uko Imana yacu itakiri muri twe?’

Hoseya 9:13

Efurayimu ndabona imeze nka Tiri, yubatse ahantu hatohagiye, nyamara bazayihatira gutanga abana ngo bicwe!

Amaganya 2:20

«Uhoraho, reba kandi witegereze; abo wakoreye ibi ni bande? Byagenze bite kugira ngo ababyeyi barye abana babo, bya bitambambuga byabateraga ubwuzu? Byagenze bite kugira ngo abaherezabitambo n’abahanuzi bicirwe icyarimwe mu Ngoro y’Uhoraho?

Yeremiya 15:7

Nabagoshoje intara, mbatatanyiriza mu midugudu yo mu gihugu. Umuryango wanjye ndawutsemba, nywuvutsa abana, ariko ntiwahinduye imyifatire.

Yobu 27:14

abana abyara bazicwa n'inkota, abamukomokaho bazicwa n'inzara.

2 Abami 17:23

bituma Uhoraho abirukana imbere ye, nk’uko yari yarabivugishije abagaragu be bose b’abahanuzi. Abayisraheli bakurwa mu gihugu cyabo, bajyanwa muri Ashuru, ari na ho bakiri na n’ubu.

2 Abami 17:18

Nuko Uhoraho arakarira bikabije Abayisraheli, abirukana imbere ye, hasigara umuryango wa Yuda wonyine.

1 Samweli 16:14

Icyo gihe umwuka w’Imana wari wavuye muri Sawuli, kandi umwuka mubi utumwe n’Uhoraho wamubuzaga uburyo.

Abacamanza 4:16

Baraki akurikirana amagare n’ingabo kugera i Harosheti‐Goyimu; ingabo zose za Sisera azimarira ku nkota; ntiyasigaza n’umwe.

Ivugururamategeko 28:32

Abahungu bawe n’abakobwa bawe bazagabizwa undi muryango, amaso yawe ahere mu kirere, ananizwe no kubashakisha buri munsi, nyamara ari nta cyo ushobora kubikoraho na busa.

Kubara 26:65

Nk’uko Uhoraho yari yarababwiye ko bazagwa mu butayu, koko nta n’umwe waharokotse uretse Kalebu mwene Yefune, na Yozuwe mwene Nuni.

Yeremiya 6:8

Isubireho, Yeruzalemu! Naho ubundi nzitandukanya nawe, maze nguhindure ubutayu, igihugu kidatuwe.

Malaki 2:12

Buri muntu wese ugenza atyo, Uhoraho arakamwima umwishingira n’umuvugizi mu mahema ya Yakobo, ndetse ntakabone n’umuturira igitambo cyo kumusabira kuri Uhoraho, Umugaba w’ingabo.

Kubara 14:34

Mbese uko iminsi yabaye mirongo ine yo gutata igihugu, umunsi umwe nzawubara ho umwaka, maze mu gihe cy’imyaka mirongo ine, muzashengurwe n’intimba y’ibyaha byanyu, maze muzamenyereho icyo ari cyo umugayo wanjye.

Ivugururamategeko 28:18

Umuvumo uzaza mu bana bawe, mu myaka yo mu mirima yawe, mu nka zawe zihaka no mu ntama zawe zonsa.

Amaganya 2:22

Wampagurukirije abaterabwoba bankikije, mbese nk’abantu batumiriwe umunsi mukuru; ntihagira urokoka cyangwa ucika ku icumu, ku munsi w’uburakari bw’Uhoraho. Abo nirereye nkabakuza, umwanzi yabantsembyeho.»