Hoseya 8:9 - Kinyarwanda Bibiliya Ntagatifu

⁹ bitewe n’uko bazamutse bakajya muri Ashuru, ya ndogobe y’ishyamba yibera yonyine, Efurayimu ikagurira amacuti!

Bibiliya Yera

⁹ kuko bazamutse bakajya muri Ashuri nk'imparage iri ukwayo, Efurayimu yiguriye abakunzi.

Bibiliya Ijambo ry'imana D

⁹ Bagiye gutakambira Abanyashūru, Abefurayimu ntibava ku izima, bameze nk'indogobe y'ishyamba yigize ingunge. Baguriye ibihugu by'incuti kugira ngo bibarinde.

Bibiliya Ijambo ry'imana

⁹ Bagiye gutakambira Abanyashūru, Abefurayimu ntibava ku izima, bameze nk'indogobe y'ishyamba yigize ingunge. Baguriye ibihugu by'incuti kugira ngo bibarinde.

Hoseya 8:9 Iomraidhean Croise

2 Abami 15:19

Pulu, umwami w’Abanyashuru, atera igihugu, ariko Menahemu amuhongera amatalenta igihumbi ya feza, kugira ngo amutize amaboko maze ubwami bwe bukomere.

Yesaya 30:2

Baramanuka bakajya mu Misiri batangishije inama, bagashakira ubuhungiro mu ngoro ya Farawo, n’ubwihisho mu gihugu cya Misiri.

Yesaya 30:6

Iteka ryaciriwe ku bikoko by’i Negevu: Mu gihugu giteye ubwoba, kandi cyuje umubabaro, igihugu gituwe n’intare y’ingore n’iy’ingabo, kigaturwa n’inzoka z’impiri, n’ibiyoka biguruka, ni ho banyujije ubukungu n’ubutunzi bwabo babuhekesheje indogobe n’ingamiya, babushyiriye igihugu kitabafitiye akamaro.

Yeremiya 2:24

cyangwa indogobe y’ingore imenyereye ubutayu! Iyo yarinze ireha umuyaga, ni nde wayirindura? Ingabo ziyishaka ntizirirwa ziruha, ziyitegera mu kwezi kwayo.

Hoseya 12:1

Efurayimu irantangatanga n’ibinyoma, inzu ya Israheli ikabigirisha uburiganya. (Ariko inzu ya Yuda yo iracyari kumwe n’Imana, ntihemukira Nyir’ubutagatifu.)

Hoseya 12:2

Efurayimu itungwa n’umuyaga, buri munsi ikiruka inyuma y’umuyaga w’iburasirazuba, bityo ikagwiza ibinyoma n’urugomo: igirana amasezerano na Ashuru, ikagemura amavuta mu Misiri.

Hoseya 2:10

Ntiyigeze amenya ko ari jye wamuhaga ingano, divayi nshyashya n’amavuta matoto; namukungahaje kuri feza na zahabu, ari na byo bakoresherezaga Behali.

Hoseya 5:13

Efurayimu yabonye uburwayi bwayo, na Yuda ibona igikomere cyayo; Efurayimu ni ko kwirukira muri Ashuru, kandi yohereza intumwa ku mwami mukuru. Nyamara na we ntazashobora kubavura, cyangwa ngo abomore igikomere cyanyu.

Hoseya 7:11

Efurayimu ni nk’inuma y’injiji idatekereza, baratakira Misiri, bakirukankira no muri Ashuru;