Hoseya 8:8 - Kinyarwanda Bibiliya Ntagatifu

⁸ Israheli irayongobejwe, barasuzugurwa n’amahanga, mbese nk’abantu batagira agaciro,

Bibiliya Yera

⁸ Abisirayeli barayongobejwe, ubu bari mu banyamahanga bameze nk'ikibindi kigawa na bose,

Bibiliya Ijambo ry'imana D

⁸ Abisiraheli bazajyanwa ho iminyago, bagenza nk'abanyamahanga, nta kamaro bagifite.

Bibiliya Ijambo ry'imana

⁸ Abisiraheli bazajyanwa ho iminyago, bagenza nk'abanyamahanga, nta kamaro bagifite.

Hoseya 8:8 Iomraidhean Croise

2 Abami 18:11

Umwami w’Abanyashuru ajyana Abayisraheli muri Ashuru, ajya kubatuza mu karere ka Kala, ku ruzi rwa Habori muri Gozani, no mu migi y’Abamedi.

Yesaya 30:14

Bikamera nk’ikibindi cy’umubumbyi kijanjagurikamo utujanju dutoya tutazasubirana, ku buryo mu tumene twacyo batabonamo n’urujyo, rwo kurahura umuriro wo gucana mu nzu, cyangwa rwo kudahisha amazi mu iriba.

Yeremiya 22:28

Ese Koniyahu uwo ntiyaba ari nk’ikibindi cyamenetse, cyangwa icyungo kitagikenewe? Ni kuki babajugunye we n’abana be, bakabata mu gihugu batazi?

Yeremiya 25:34

Bashumba, nimuboroge kandi mutabaze! Nimwikurunge hasi, mwebwe batware b’ubushyo, kuko igihe cyanyu cyo kwicwa cyageze, muzabagwa ak’ibisekurume by’intama.

Yeremiya 48:38

Hejuru y’amazu y’i Mowabu no ku bibuga baraboroga. Mowabu ndayivunaguye, nk’igikoresho kitanshimishije — uwo ni Uhoraho ubivuze.

Yeremiya 50:17

Israheli yari intama iri ukwayo, intare ziyihiga. Umwami w’Ashuru ni we wayanjamye ubwa mbere; hakurikiraho Nebukadinetsari, umwami w’i Babiloni arayihenebereza.

Yeremiya 51:34

Nebukadinetsari, umwami w’i Babiloni yarandiye, aranyunyuza, ansiga ndi igikanka. Yaranconshomeye nk’igisimba, amaze guhaga umusokoro wanjye, aranjugunya.

Amaganya 2:16

Abanzi bawe bose barakwasamiye, baravuza induru, bagahekenya amenyo, bavuga bati «Twaramuyongobeje! Koko uyu ni wo munsi twari dutegereje, none tuwugezeho, turawubonye!»

Amaganya 2:2

Uhoraho yatsembye inzuri zose za Yakobo, atazibabariye; mu burakari bwe asenya ibigo by’umwari wa Yuda; yabirunze hasi, ahindanya igihugu n’abatware bacyo.

Amaganya 2:5

Uhoraho yahindutse nk’umwanzi atsemba Israheli, yatsembye iminara yayo yose, asenya n’ibigo byayo; umwari w’i Siyoni amugwiriza amaganya n’umubabaro.

Amaganya 4:2

Byagenze bite kugira ngo abana ba Siyoni, bo bagereranywaga na zahabu inogereye, bageze aho gufatwa nk’ibibindi by’ibumba, byabumbwe n’ibiganza by’umubumbyi?

Amaganya 5:2

Umurage wacu wigaruriwe n’abanyamahanga, amazu yacu agabizwa abantu tutazi.

Ezekiyeli 36:3

Kubera ibyo, mwana w’umuntu, hanura noneho uti ’Yemwe, misozi ya Israheli, nimutege amatwi iri jambo Nyagasani Uhoraho abafitiye. Barabayogoje, mutangatangwa impande zose, mwigarurirwa n’amahanga yose n’abantu baho babishongoraho.

Abalewi 26:33

Mwebwe ubwo muzaba mwarakwiriye imishwaro mu mahanga yose, kandi na ho nzahabakurikiza inkota. Igihugu cyanyu kizazima, imigi yanyu isigare ari amatongo.

Abaroma 9:22

Bityo rero Imana yashatse kwerekana uburakari bwayo no kugaragaza ububasha bwayo. Yihanganiye bihagije ibibumbano bibi byari bikwiriye kujanjagurwa.

Ivugururamategeko 28:25

Uhoraho azatuma uneshwa n’ababisha bawe musakiranye: uzaza inzira imwe ubateye, ubahunge uciye inzira ndwi zinyuranye. Ingoma zose zigize icyo gihugu zizakwinuka, ziguhe akato.

Ivugururamategeko 28:64

Uhoraho azagutatanyiriza mu mahanga yose, uhereye ku mpera y’isi ukageza ku yindi; kandi nugerayo, uzayoboka imana zindi wowe n’abasokuruza bawe mutigeze mumenya: imana zikozwe mu biti cyangwa amabuye!