Hoseya 8:2 - Kinyarwanda Bibiliya Ntagatifu

² Barantakira, bagira bati «Mana yanjye, twebwe Abayisraheli turakuzi.»

Bibiliya Yera

² Bazantakira bati ‘Mana yacu twebwe Abisirayeli, turakuzi.’

Bibiliya Ijambo ry'imana D

² Barantakambira bati: ‘Mana yacu, turakwemera!’

Bibiliya Ijambo ry'imana

² Barantakambira bati: ‘Mana yacu, turakwemera!’

Hoseya 8:2 Iomraidhean Croise

2 Abami 10:16

avuga ati «Ngwino tujyane, urebe ishyaka ndwanira Uhoraho!» Bajyana mu igare rye.

2 Abami 10:29

Icyakora Yehu ntiyaretse gukurikiza ibyaha Yerobowamu mwene Nebati yakoresheje Abayisraheli, basenga amashusho y’inyana za zahabu y’i Beteli n’i Dani.

Yeremiya 7:4

Nimusigeho kwibeshyeshya amagambo atagira aho ashingiye, muvuga ngo: Ingoro y’Uhoraho! Ingoro y’Uhoraho! Uhoraho ari hano!

Hoseya 5:15

Nzagenda nigumire iwanjye kugeza ko bazumva igicumuro cyabo, maze bagashakashaka uruhanga rwanjye; koko kandi igihe bazaba bari mu mubabaro, ni bwo bazanshakashaka.

Hoseya 8:3

Nyamara Israheli yazibukiriye ibyiza, none umwanzi nayikurikirane.

Mika 3:11

Abatware bayo baraca imanza ari uko babonye ruswa, abaherezabitambo bayo barigishiriza kuronka inyungu, abahanuzi bayo barahanura ari uko bahawe feza. Kandi bagatinyuka kwishingikiriza Uhoraho, bavuga bati «Uhoraho ari muri twe, icyago ntikizatugwirira!»

Matayo 25:11

Hanyuma ba bakobwa bandi baraza, barahamagara bati ’Nyagasani, Nyagasani, dukingurire!’

Matayo 7:21

Umbwira wese ngo ’ Nyagasani, Nyagasani ', si we uzinjira mu ngoma y’ijuru, ahubwo ni ukora ibyo Data uri mu ijuru ashaka.

Luka 13:25

Koko rero, nimuzaba mukiri hanze, igihe nyir’urugo azahaguruka agakinga, n’aho muzakomanga kangahe muvuga muti ’Shobuja, dukingurire’, azabasubiza ati ’Sinzi iyo muturuka.’

Tito 1:16

Biratana ko bazi Imana, nyamara bakayihakana mu migirire yabo. Bateye isesemi, bakaba ibyigomeke; no ku cyitwa igikorwa cyiza cyose, nta cyo bamaze.

1 Yohana 2:4

Uvuga rero ati «Ndamuzi», ariko ntakurikize amategeko ye, aba ari umubeshyi, kandi nta kuri kuba kumurimo.