Hoseya 8:10 - Kinyarwanda Bibiliya Ntagatifu

¹⁰ N’ubwo baha amaturo atagira ingano abanyamahanga, ngiye kubakoranya bidatinze, maze mu gihe gito bazashengurwe n’umutwaro umwami w’abami agiye kubagerekaho.

Bibiliya Yera

¹⁰ Ni ukuri naho bahongera abanyamahanga, ngiye kubateza ayo mahanga kandi bazatuba bidatinze, ku bw'umutwaro umwami w'ibikomangoma azabakorera.

Bibiliya Ijambo ry'imana D

¹⁰ Naho bagurira ibihugu by'amahanga, ubu ngiye kubakoranyiriza hamwe mbahane. Hasigaye igihe gito, umwami wa Ashūru akabicisha agahato.

Bibiliya Ijambo ry'imana

¹⁰ Naho bagurira ibihugu by'amahanga, ubu ngiye kubakoranyiriza hamwe mbahane. Hasigaye igihe gito, umwami wa Ashūru akabicisha agahato.

Hoseya 8:10 Iomraidhean Croise

2 Abami 14:26

Koko rero, Uhoraho yabonye uko Abayisraheli basuzugurwa bikabije, kandi bakaba barabuze umuntu n’umwe, yaba umucakara cyangwa se uwigenga, wabarengera.

2 Abami 17:3

Salimanasari, umwami w’Abanyashuru aramutera; Hozeya aratsindwa ahinduka umugaragu we, akajya amuha umusoro.

2 Abami 17:4

Ariko nyuma, umwami w’Abanyashuru amenya ko Hozeya yamugambaniye; koko rero, Hozeya yari yohereje intumwa i Sayisi, ku mwami wa Misiri, kandi ntiyaha umwami w’Abanyashuru amakoro nk’uko yari asanzwe abigenza buri mwaka. Umwami w’Abanyashuru afata Hozeya aramufunga.

1 Ngoma 5:26

Nuko Imana y’Abayisraheli ibaterereza Pulu, umwami w’Abanyashuru, na Tegalati‐Falazari, umwami w’Abanyashuru, banyaga Abarubeni, n’Abagadi, n’igice cya kabiri cy’umuryango wa Manase, babajyana i Hala, i Habori, no ku ruzi rwa Gozani, na n’ubu baracyariyo.

Yesaya 10:8

Aravuga ati «Mbese, abagaba b’ingabo banjye bo si abami?

Yesaya 30:2

Baramanuka bakajya mu Misiri batangishije inama, bagashakira ubuhungiro mu ngoro ya Farawo, n’ubwihisho mu gihugu cya Misiri.

Yesaya 36:13

Nuko umufasha w’ingando arahagarara avuga mu ijwi riranguruye mu rurimi rw’Abayuda, ati «Nimwumve amagambo y’umwami mukuru, umwami w’Abanyashuru !

Yeremiya 42:2

begera umuhanuzi Yeremiya, baramubwira bati «Ibyo tugusaba ubyumve! Dutakambire kuri Uhoraho Imana yawe, twebwe abacitse ku icumu — ni koko, dore dusigaye turi mbarwa kandi twarahoze turi benshi nk’uko nawe ubyirebera —

Ezekiyeli 16:33

Ubundi indaya zose barazihonga; ariko wowe uhonga ubwawe abakunzi bawe bose, ukabaha amaturo ugira ngo baturuke impande zose, bahururiye uburaya bwawe.

Ezekiyeli 16:37

ngiye kugukoranyirizaho abakunzi bawe bakunyuze, abo wakunze bose ndetse n’abo wanze, nkwambike ubusa imbere yabo babone ubwambure bwawe bwose uko bwakabaye.

Ezekiyeli 22:20

Nk’uko bakoranyiriza mu itanura rimwe feza, umuringa, icyuma, porombi n’itini kugira ngo babishongeshe, nanjye ni ko nzabakorakoranyiriza mu burakari bwanjye no mu mujinya wanjye, maze mbashongeshe.

Ezekiyeli 23:5

Nuko Ohola aba indaya aho kuba uwanjye, yishakira abakunzi mu Banyashuru,

Ezekiyeli 26:7

Koko Nyagasani Uhoraho aravuze ati ’Dore i Tiri mpohereje Nebukadinetsari, umwami wa Babiloni n’umwami w’abami, ahatere aturutse mu majyaruguru, afite amafarasi, amagare y’intambara, ingabo n’imbaga nyamwinshi y’abantu.

Hoseya 10:10

Ndaje nzanywe no kubahana! Abanyamahanga bazakoranira kubarwanya, igihe bazahanirwa bya bicumuro byombi byahakorewe.

Hoseya 12:2

Efurayimu itungwa n’umuyaga, buri munsi ikiruka inyuma y’umuyaga w’iburasirazuba, bityo ikagwiza ibinyoma n’urugomo: igirana amasezerano na Ashuru, ikagemura amavuta mu Misiri.

Hagayi 2:6

Koko rero, Uhoraho, Umugaba w’ingabo, avuze atya: Hasigaye igihe gito maze ngahubanganya ijuru n’isi, inyanja n’ubutaka.