Hoseya 6:3 - Kinyarwanda Bibiliya Ntagatifu

³ Nidushishikarire kumenya Uhoraho, nta shiti, azatunguka nk’umuseke ukebye, azatugeraho ameze nk’imvura yuhira imyaka, mbese nk’uko imvura y’umuhindo isomya ubutaka.»

Bibiliya Yera

³ Dushishikarire kumenya, tugire umwete wo kumenya Uwiteka: azatunguka nk'umuseke utambika nta kabuza, azatuzaho ameze nk'imvura, nk'imvura y'itumba isomya ubutaka.”

Bibiliya Ijambo ry'imana D

³ Nimuze tumenye Uhoraho, dushishikarire kumumenya, nk'uko umuseke utabura gukeba, ni ko na we atazabura kutugoboka. Nk'uko imvura itabura kugwa, ni ko atazabura kutugeraho, azatugeraho nk'imvura y'itumba isomya ubutaka.”

Bibiliya Ijambo ry'imana

³ Nimuze tumenye Uhoraho, dushishikarire kumumenya, nk'uko umuseke utabura gukeba, ni ko na we atazabura kutugoboka. Nk'uko imvura itabura kugwa, ni ko atazabura kutugeraho, azatugeraho nk'imvura y'itumba isomya ubutaka.”

Hoseya 6:3 Iomraidhean Croise

2 Samweli 23:4

Asa n’umuseke ukebye mu gitondo izuba rirashe, agasa n’igitondo kitagira igicu ku muhituko w’imvura, ubwo ibyatsi bibengeranishwa n’urumuri.

Yobu 29:23

ugasanga bampanze amaso, nk’abategereje imvura, bakasama nk’abarangamiye iy’umuhindo.

Zaburi 19:4

Nanone, nta nkuru, nta n’amagambo, kuko ijwi ryabyo ritumvikana!

Zaburi 19:6

maze na ryo, ak’umukwe usohotse mu nzu y’ubugeni, rikishimira gukataza mu nzira yaryo.

Zaburi 63:8

kuko utahwemye kuntabara, nzavugiriza impundu aho nibereye mu gicucu cy’amababa yawe.

Zaburi 65:9

Ku nkiko z’isi baratangarira ibimenyetso werekana, ab’iburasirazuba n’iburengerazuba wabateye kuvuza impundu.

Zaburi 72:6

amere nk’imvura igwa mu rwuri, mbese nk’imvura y’umurindi ibobeza ubutaka!

Imigani 4:18

Inzira y’intungane yo, ni nk’umuseke ukebye ugatangaza kugeza ku manywa y’ihangu;

Yesaya 2:3

Abantu b’ibihugu byinshi bahaguruke, bavuga bati «Nimuze tuzamuke, tujye ku musozi w’Uhoraho, ku Ngoro y’Imana ya Yakobo. Azatwereka inzira ze, tuzikurikire.» Ni byo koko, amategeko ava i Siyoni, i Yeruzalemu hagaturuka ijambo ry’Uhoraho.

Yesaya 32:15

. . . kugeza ko umwuka uturutse mu ijuru udusenderaho. Nuko ubutayu buhinduke ubusitani burumbuka, naho ubusitani burumbuka bwitwe ishyamba.

Yesaya 44:3

kuko uwishwe n’inyota nzamuha amazi, uwumiranye mubere isoko idudubiza; nzasendereza umwuka wanjye mu rubyaro rwawe, n’umugisha wanjye ku nkomoko yawe.

Yesaya 5:6

Nzawureka ube ikigunda, ntuzicirwa cyangwa ngo uhingirwe, uzameremo amahwa n’imifatangwe, nzabuze n’ibicu kuwugushaho imvura.

Yesaya 54:13

Abahungu bawe bose bazaba abigishwa b’Uhoraho, kandi bazagira amahoro, atagira uko angana.

Yeremiya 24:7

Nzabaha umutima wo kumenya, jyewe Uhoraho: bazambera umuryango, nanjye mbabere Imana, kandi bazangarukira babikuye ku mutima.

Ezekiyeli 36:25

Nzabuhagiza amazi asukuye maze mube abasukure; mbahanagureho ubwandure bwanyu bwose muce ukubiri n’ibigirwamana byanyu byose.

Hoseya 10:12

Nimubiba mukurikije ubutungane, muzasarura imyaka myiza. Nimwitongorere imirima ikiri mishyashya; kuko ari cyo gihe cyo gushakashaka Uhoraho, kugeza ubwo azaza akadusesekazaho ubutungane.

Hoseya 14:5

— Nzabakiza ubugambanyi bwabo, mbakunde mbikuye ku mutima, kandi sinzongera kubarakarira ukundi.

Hoseya 14:6

Israheli nzayimerera nk’ikime, irabye indabyo nk’iza lisi, kandi ishore imizi nk’ibiti byo muri Libani.

Hoseya 2:20

Uwo munsi nyine, nzamuha kugirana isezerano n’inyamaswa zo mu gasozi, inyoni zo mu kirere n’ibyikurura ku butaka; nzavunagura imiheto n’inkota by’intambara, ubutazongera kuboneka mu gihugu; bityo abaturage bazibereho mu mudendezo.

Mika 4:2

Imiryango myinshi izashyira nzira, ivuga iti «Nimuze tuzamuke ku musozi w’Uhoraho, tugane Ingoro y’Imana ya Yakobo, azatwereke inzira ze, maze tuzikurikire.» Koko, kuri Siyoni ni ho haturuka amategeko, ijambo ry’Uhoraho rigaturuka i Yeruzalemu.

Mika 5:2

Ni cyo gituma Uhoraho azabatererana kugeza igihe ugomba kubyara azabyarira, maze udusigisigi tw’abavandimwe be dusange Abayisraheli.

Mika 5:7

Nuko udusigisigi twa Yakobo tuzabe mu mahanga, rwagati mu miryango myinshi, mbese nk’intare mu nyamaswa z’ishyamba, cyangwa nk’icyana cy’intare mu mashyo y’intama; uko itambutse igakacanga, igashwanyaguza, kandi ntihagire uyitesha icyo ifashe.

Zekariya 10:1

Nimusabe Uhoraho ngo imvura y’itumba icikire igihe. Uhoraho ni we utuma habaho imirabyo, agatanga imvura ihagije, imeza buri cyatsi cyo mu mirima.

Matayo 13:11

Arabasubiza ati «Mwebweho mwahawe kumenya amabanga y’Ingoma y’ijuru; naho bo, ntibabihawe.

Luka 1:78

Koko Imana yacu igira impuhwe zihebuje, ari na zo zatumye Zuba‐rirashe amanuka mu ijuru aje kudusura,

Yohana 17:3

Ubwo bugingo bw’iteka ni ukukumenya, wowe Mana imwe y’ukuri, no kumenya uwo watumye Yezu Kristu.

Yohana 7:17

Ukereye gukora icyo Imana ishaka, amenyeraho ko inyigisho mvuga ari iz’Imana, cyangwa se ko ari izo nihimbira ubwanjye.

Ibyakozwe 17:11

Abantu b’aho barushaga ubupfura ab’i Tesaloniki, bakirana umutima mwiza ijambo ry’Imana, buri munsi bagasesengura Ibyandi tswe, kugira ngo barebe niba ibyo Pawulo avuga ari ko biri.

Ivugururamategeko 32:2

Inyigisho zanjye nizisuke nk’imvura, amagambo yanjye niyisese nk’urume, nk’imvura y’umurindi igwa ku bwatsi butoto, nk’ibitonyanga bigwa mu kanyatsi!

Abeheburayo 3:14

Twabaye koko umwe na Kristu, niba ariko dukomeje kudahinyuka ku mimerere yacu yo mu ntangiriro,

2 Petero 1:19

Ikindi kandi kiruseho, twishingikirije ku ijambo rikomeye ry’abahanuzi; mukaba rero mukora neza iyo murirangamira, nk’itara rimurika ahantu h’umwijima, kugeza ubwo hatangira gucya, n’inyenyeri y’urukerera ikarasira mu mitima yanyu.

Ibyahisuwe 22:16

Jyewe Yezu, nohereje umumalayika wanjye kugira ngo ababwire ubu buhamya bugenewe za Kiliziya. Ndi inkomoko y’umuryango wa Dawudi; inyenyeri yakirana mu rukerera.»