Hoseya 6:2 - Kinyarwanda Bibiliya Ntagatifu

² Nyuma y’iminsi ibiri azaba yaduhembuye, ku munsi wa gatatu aduhagurutse, maze twibanire.

Bibiliya Yera

² Azaduhembura tumaze kabiri, ku munsi wa gatatu azaduhagurutsa, kandi tuzabaho turi imbere ye.

Bibiliya Ijambo ry'imana D

² Mu minsi ibiri cyangwa itatu azaduhembura, azaduhagurutsa twibanire na we.

Bibiliya Ijambo ry'imana

² Mu minsi ibiri cyangwa itatu azaduhembura, azaduhagurutsa twibanire na we.

Hoseya 6:2 Iomraidhean Croise

Itangiriro 17:18

Abrahamu ni ko kubwira Imana, ati «Icyampa gusa ngo Ismaheli umukomereze ubugingo!»

2 Abami 20:5

«Subirayo ubwire Hezekiya, umutware w’umuryango wanjye, uti ’Jyewe, Uhoraho, Imana ya sokuruza Dawudi, numvise amasengesho yawe, mbona n’amarira yawe, none ngiye kugukiza: ndetse mu minsi itatu uzashobora kuzamuka ujye mu Ngoro y’Uhoraho.

Zaburi 61:7

Uhe umwami kumara iminsi n’iminsi, imyaka ye ihinduke ibisekuruza n’ibisekuruza.

Zaburi 71:20

Ku mpamvu yawe nemeye amakuba n’ibyago; nyamara uzangarukira umbesheho, maze unzikure mu nyenga y’ikuzimu.

Umubwiriza 3:3

hari igihe cyo kwica, n’igihe cyo gukiza; hari igihe cyo gusenya, n’igihe cyo kubaka;

Yesaya 26:19

Abawe bapfuye bazongera kubaho, imirambo yabo izazuka. Mwebwe abari mu mukungugu, nimukanguke, nimusabwe n’ibyishimo! Kuko ikime cy’Uhoraho ari urumuri rutonyanga ku isi, bityo abari barapfuye bazagaruke imusozi.

Yesaya 30:26

Igihe Uhoraho azaba yapfutse ibisebe by’umuryango we, akomora ibikomere byawo, urumuri rw’ukwezi ruzaka nk’urw’izuba, naho urw’izuba rwikube karindwi, nk’aho rwabaye urumuri rw’iminsi irindwi.

Hoseya 13:14

Nanjye se, murabona ndi uwabakura ikuzimu, nkabavana mu nzara z’Urupfu? Ni ko se Rupfu, ibyago watezaga biri hehe? Kuzimu se wowe, icyorezo cyawe kiri ahagana he? Nta kundi rero, amaso yanjye ntakigize impuhwe.

Hoseya 7:2

Ntibajya batekereza na rimwe ko nibuka ubugome bwabo! None ibikorwa byabo birabagose, kandi biri imbere yanjye.

Yohana 14:19

Hasigaye igihe gito isi ntizongere kumbona. Ariko mwe muzambona, kuko ndiho kandi namwe mukazabaho.

Abaroma 14:8

Niba turiho, tubereyeho Nyagasani; niba kandi dupfuye, dupfira Nyagasani. Twabaho, twapfa, turi aba Nyagasani.

1 Abakorinto 15:4

Ko yahambwe, ko yazutse ku munsi wa gatatu, nk’uko byari byaranditswe.