Hoseya 5:6 - Kinyarwanda Bibiliya Ntagatifu

⁶ Bazajyana n’amatungo yabo magufi n’amaremare, bajye gushakashaka Uhoraho, ariko ntibazamubona kuko azaba yabazinutswe!

Bibiliya Yera

⁶ Bazajyana imikumbi yabo n'amashyo yabo bajye gushaka Uwiteka ariko ntibazamubona, yitandukanije na bo.

Bibiliya Ijambo ry'imana D

⁶ Bajya kuramya Uhoraho, bajyana imikumbi n'amashyo byo kumutambira, nyamara ntibamubona, koko yitandukanyije na bo.

Bibiliya Ijambo ry'imana

⁶ Bajya kuramya Uhoraho, bajyana imikumbi n'amashyo byo kumutambira, nyamara ntibamubona, koko yitandukanyije na bo.

Hoseya 5:6 Iomraidhean Croise

Iyimukamisiri 10:9

Musa arasubiza ati «Tuzagenda hamwe n’abana n’abakambwe bacu, tuzagenda hamwe n’abahungu n’abakobwa bacu, hamwe n’intama zacu n’inka zacu; kuko kuri twe ari urugendo rugenewe kubaha Uhoraho.»

Imigani 1:28

Ubwo nyine bazampamagara, ariko sinzitaba; bazanshakashaka ariko ntibazambona.

Imigani 15:8

Igitambo cy’abagiranabi gitera Uhoraho ishozi, ariko amasengesho y’intabera akamushimisha.

Imigani 21:27

Igitambo cy’abagome gitera ishozi Uhoraho, nkanswe iyo bagituranye ubuhemu.

Indirimbo ihebuje 5:6

Jyewe nakinguriye uwo nkunda, ariko uwo nkunda yari yakimiranye arigendera. Nataye umutwe nsanze yagiye; naramushatse sinamubona, naramuhamagaye ntiyanyitaba.

Yesaya 66:3

Kugira ngo bature igitambo, bica ikimasa, ariko kandi bakica n’umuntu! Basogota umwana w’intama, bagahotora n’imbwa! Bahereza ituro, rikaba ari amaraso . . . y’ingurube! Bagira urwibutso rw’ububani, nyamara bakosa . . . ikigirwamana ! Koko rero, abo bantu bihimbiye inzira zabo bwite, bishimira kuguma mu mahano yabo.

Yeremiya 11:11

None rero, Uhoraho avuze atya ’Ngiye kubateza icyago batazashobora kwigobotora. Bazantakambira, ariko sinzabumva.

Yeremiya 11:14

Wowe rero, Yeremiya, ntiwirirwe uvuganira uyu muryango, ntubatakambire cyangwa ngo ubasabire; kuko nibantakira mu byago byabo ntazabumva.»

Yeremiya 14:12

N’iyo basiba, sinakumva amaganya yabo, n’iyo bantura ibitambo bitwikwa n’andi maturo, nta bwo byanshimisha. Nzabatsembesha inkota, inzara n’icyorezo.»

Yeremiya 7:4

Nimusigeho kwibeshyeshya amagambo atagira aho ashingiye, muvuga ngo: Ingoro y’Uhoraho! Ingoro y’Uhoraho! Uhoraho ari hano!

Amaganya 3:44

wikingiriza igicu cyawe kugira ngo isengesho ryacu ritakugeraho,

Ezekiyeli 8:18

Nanjye nzabahanana umujinya, sinzigera mbarebana impuhwe kandi sinzanabababarira. Bazantakambira baranguruye amajwi, nyamara ariko sinzabumva.»

Ezekiyeli 8:6

Arambwira ati «Mwana w’umuntu, urareba se ibyo bakora? Urareba ayo mahano yose akabije umuryango wa Israheli ukora, kugira ngo banyimure mu Ngoro yanjye? Ba woroheje, uzabona n’andi mahano akabije bakora.»

Hoseya 8:13

Bakunda kuntura ibitambo, no kurya inyama zabyo, nyamara jye Uhoraho, ntibinshimisha. Kuva ubu nzakomeza kwibuka amakosa yabo, mbaryoze ibyaha byabo, basubire mu Misiri.

Amosi 8:12

Abantu bazajarajara, bave ku nyanja bajye ku yindi, bazerere kuva mu majyaruguru kugera mu burasirazuba, bashakashaka Ijambo ry’Uhoraho, ariko ntibazaribona.

Mika 3:4

abo bose, ku munsi bazatakambira Uhoraho, we azabima amatwi! Koko rero azabahisha uruhanga rwe, kuri uwo munsi, abitewe n’ibikorwa bibi bakoze.»

Malaki 1:10

Nibura nihaboneke umwe muri mwe akinge inzugi z’Ingoro, kugira ngo mutava aho mwongera gucana umuriro w’impfabusa ku rutambiro rwanjye! Sinkibishimira na gato, uwo ni Uhoraho, Umugaba w’ingabo, ubivuga, n’amaturo yanyu ndayanze!

Luka 5:16

We ariko akanyuzamo akajya ahiherereye, agasenga.

Yohana 7:34

Muzanshaka mumbure, kandi ntimuteze kugera aho nzaba ndi.»