Hoseya 4:7 - Kinyarwanda Bibiliya Ntagatifu

⁷ Bose uko bangana bancumuyeho, ikuzo ryabo barihinduye urukozasoni.

Bibiliya Yera

⁷ “Uko bakomeje kugwira ni ko bagwije kuncumuraho. Ni cyo gituma ubwiza bwabo nzabuhindura nk'ibikoza isoni.

Bibiliya Ijambo ry'imana D

⁷ “Uko abatambyi barushijeho kugwira, ni ko barushijeho kuncumuraho: aho kugira ngo bubahwe nzatuma basuzugurika.

Bibiliya Ijambo ry'imana

⁷ “Uko abatambyi barushijeho kugwira, ni ko barushijeho kuncumuraho: aho kugira ngo bubahwe nzatuma basuzugurika.

Hoseya 4:7 Iomraidhean Croise

Ezira 9:7

Kuva igihe cy’abasokuruza bacu kugeza ubu twaracumuye bikabije, kandi kubera ibyaha byacu twebwe ubwacu, hamwe n’abami n’abaherezabitambo bacu, twagabijwe abami b’amahanga, tugabizwa inkota, ukujyanwa bunyago, gusahurwa no gukozwa isoni, mbese nk’uko bimeze uyu munsi.

Hoseya 10:1

Israheli yari umuzabibu mwiza ukera imbuto zishimishije. Uko imbuto zayo ziyongeraga, ni na ko yagwizaga intambiro; uko igihugu cyayo cyarushagaho kurumbuka, ni ko n’inkingi z’ibigirwamana zarushagaho kuba nziza.

Hoseya 10:6

Icyo kimasa kizajyanwa muri Ashuru, giturwe umwami mukuru. Efurayimu izakorwa n’isoni, na Israheli imwazwe n’uburiganya bwayo.

Hoseya 13:14

Nanjye se, murabona ndi uwabakura ikuzimu, nkabavana mu nzara z’Urupfu? Ni ko se Rupfu, ibyago watezaga biri hehe? Kuzimu se wowe, icyorezo cyawe kiri ahagana he? Nta kundi rero, amaso yanjye ntakigize impuhwe.

Hoseya 13:6

Narabaragiye barahaga, bamaze kurengwa bishyira ejuru, bakurizaho kunyibagirwa!

Hoseya 4:10

Bazarya ubudahaga, basambane ubutororoka, kuko bibagiwe Uhoraho, bakohokera ubuhabara.

Hoseya 5:1

Baherezabitambo, nimwumve ibi ngibi, nimubitege amatwi namwe, ab’inzu ya Israheli, namwe abo ku rurembo rw’ibwami, mubyumve! Ni mwebwe mwashinzwe guca imanza, nyamara i Misipa mwabereye inkomyi umuryango wanjye, munawubere umutego ku musozi wa Taboru.

Hoseya 6:9

Uko abambuzi biremamo ibico, ni na ko agatsiko k’abaherezabitambo kicira abantu ku nzira y’i Sikemu! Ngayo amarorerwa bariho bakora!

Hoseya 9:11

Ni cyo gitumye ikuzo rya Efurayimu rigurutse nk’inyoni: nta we ukibyara, nta n’uzatwara inda cyangwa ngo hagire uyisama.

Habakuki 2:16

Wihagije ibikozasoni aho kwiha ikuzo, ubu rero ni igihe cyawe cyo gusinda ukiyambika ubusa, kuko inkongoro iri mu kiganza cy’iburyo cy’Uhoraho none ikaba igiye kugucubanurirwaho, maze ikuzo ryawe rikaguhindukiramo ikimwaro!

Malaki 2:9

Nanjye, ni cyo gitumye mbagira insuzugurwa n’ibigoryi muri rubanda rwose, kuko mutakurikije inzira zanjye kandi mukabera mu gukemura imanza.

Ivugururamategeko 32:15

Nuko Yeshuruni arashisha, maze ashinga ijosi — warashishe, urabyibuha, uba ingogo — ahararukwa Imana yamuremye, asuzugura Urutare rwamukijije.

Abafilipi 3:19

Amaherezo yabo ni ukorama; kuko inda yabo bayigize Imana yabo, maze bakikuriza mu byagombaga kubatera isoni, bo baharanira iby’isi gusa.

1 Samweli 2:30

Ni yo mpamvu — Uwo ni Uhoraho Imana ya Israheli ubivuga — n’ubwo nari nagize nti ’Umuryango wawe n’umuryango wa so izahorane nanjye iteka’, none ubu — Uwo ni Uhoraho ubivuga — ishyano riraguye! Kuko nubaha abanyubaha, naho abansuzugura bagasuzugurwa.