Hoseya 2:12 - Kinyarwanda Bibiliya Ntagatifu

¹² Noneho ngiye kumwambika ubusa mu maso y’amacuti ye, kandi nta n’umwe uzaba akimunkuye mu nzara.

Bibiliya Yera

¹² Kandi ubu ngiye kugaragariza imbere y'abakunzi be ubushizi bw'isoni bwe, nta n'umwe uzamunkura mu maboko.

Bibiliya Ijambo ry'imana D

¹² Dore ngiye kumwambika ubusa, akorwe n'isoni imbere y'abakunzi be, ntawe uzamunkura mu maboko.

Bibiliya Ijambo ry'imana

¹² Dore ngiye kumwambika ubusa, akorwe n'isoni imbere y'abakunzi be, ntawe uzamunkura mu maboko.

Hoseya 2:12 Iomraidhean Croise

Zaburi 80:12

ugaba amashami yawo kugeza ku nyanja, n’imishibuka yawo igera ku Ruzi.

Yesaya 29:17

Bigenze bityo se, mu gihe gito ishyamba rya Libani ntiryaba ryahindutse umurima w’imbuto ziribwa, naho umurima w’imbuto ziribwa ugahinduka ishyamba ?

Yesaya 5:5

Reka rero mbabwire uko nzagenzereza umuzabibu wanjye: nzawambura uruzitiro, maze wonwe; nsenye urukuta rwawo, bawunyukanyuke.

Yesaya 7:23

Uwo munsi nanone, ahantu hari ingemwe igihumbi z’imizabibu, zikwiranye n’ibiceri igihumbi bya feza, hazahinduka ibihuru by’amahwa n’imifatangwe.

Yeremiya 13:26

Dore ngiye guterera ingutiya yawe ku mutwe wawe, maze babone igitsina cyawe.

Yeremiya 26:18

«Mika w’i Moresheti wari umuhanuzi ku ngoma ya Hezekiya, umwami wa Yuda, yabwiye umuryango wose wa Yuda, ati ’Uhoraho Umugaba w’ingabo avuze atya: Siyoni izahingwa nk’umurima, Yeruzalemu ibe itongo, naho umusozi w’Ingoro ube impinga y’ibihuru.’

Yeremiya 5:17

Bazatsemba ibyawe byose: imisaruro yawe n’imigati yawe, abahungu n’abakobwa bawe, batsembe amatungo magufi n’amaremare, imizabibu yawe n’imitini yawe. Igihe bazaba baje n’inkota zabo, bazasenya imigi ikomeye, wari wiringiye ko nta cyayigutereramo.

Yeremiya 8:13

Niyemeje kubatsemba — uwo ni Uhoraho ubivuze — nta mbuto zizarangwa ku muzabibu, kimwe no ku mutini, amababi na yo yarabiranye: nyateje abayanyukanyuka. (Rubanda:)

Hoseya 13:8

Nabateye nk’ikirura bacuje ibyana byacyo, mbamenagura agatuza; nabaconshomeye nk’intare y’ingore, n’inyamaswa z’ishyamba zirabatanyagura.

Hoseya 2:5

Nibitaba ibyo, nzamucuza imyambaro, asigare atumbuje, mugire nk’uko yari ameze umunsi avuka. Nzamugira nk’ubutayu, abe nk’ubutaka bwumagaye, kandi nzamwicishe inyota.

Hoseya 5:14

Byongeye kandi, Efurayimu nzayimerera nk’intare, inzu ya Yuda nyimerere nk’icyana cy’intare; jye ubwanjye nzabatanyaguza maze nigendere, njyane umuhigo wanjye kandi nta we uteze kuwunyambura.

Hoseya 9:1

Israheli, wikwishima birenze urugero, wisabagizwa n’ibyishimo nk’indi miryango, kuko wigize indaya witarura Imana yawe, ukishimira igihembo cyahumanye uherwa ku mbuga zose zihurirwaho ingano.

Mika 3:12

Ni cyo gituma Siyoni izahingwa nk’umurima, Yeruzalemu igahinduka amatongo, bitewe namwe, umusozi wubatseho Ingoro ugapfukiranwa n’ibihuru.