Hoseya 14:3 - Kinyarwanda Bibiliya Ntagatifu

³ Garukira Uhoraho, umubwire uti «Duhanagureho ibicumuro byose maze wakire ikiri cyiza. Aho kugutura ibimasa ho ibitambo, tuzakwegurira amagambo avuye mu kanwa kacu.

Bibiliya Yera

³ Mujyane amagambo mugarukire Uwiteka mumubwire muti “Udukureho gukiranirwa kose, utwakirane ineza maze tuzagutambire ishimwe ry'iminwa yacu.

Bibiliya Ijambo ry'imana D

³ Nimugarukire Uhoraho, mwitegure amagambo yo kumubwira, mumubwire muti: “Tubabarire ibicumuro byacu byose, twakirane ubwuzu, aho kugutura amapfizi tuzagutura ibisingizo.

Bibiliya Ijambo ry'imana

³ Nimugarukire Uhoraho, mwitegure amagambo yo kumubwira, mumubwire muti: “Tubabarire ibicumuro byacu byose, twakirane ubwuzu, aho kugutura amapfizi tuzagutura ibisingizo.

Hoseya 14:3 Iomraidhean Croise

2 Ngoma 16:7

Muri icyo gihe Hanani w’umushishozi asanga Asa umwami wa Yuda, aramubwira ati «Kubera ko wishingikirije umwami wa Aramu, ntube wishingikirije Uhoraho Imana yawe, ingabo z’umwami wa Aramu zizagucika.

Zaburi 10:14

Nyamara wowe ubona ishavu n’amarira, maze ukiyemeza kubyitaho; umunyantege nke arakwiragiza, kandi n’imfubyi ukayitabara.

Zaburi 146:3

Ntimukiringire abantu bakomeye, ntimukizigire mwene muntu udashobora kubakiza.

Zaburi 146:9

Uhoraho arengera abavamahanga, agashyigikira impfubyi n’umupfakazi, ariko akayobagiza inzira z’ababi.

Zaburi 33:17

Kwiringira ifarasi y’urugamba, ni ukwibeshya, imbaraga zayo zose si zo zitabarura.

Zaburi 68:5

Nimuririmbire Imana, mucurange izina ryayo, nimurate Nyamugendera ku bicu; izina rye ni Uhoraho, nimumubyinire!

Yesaya 1:29

Muzakozwa isoni bitewe n’imishishi mwakundaga, mumwazwe n’ubusitani bwanyu bwabashimishaga,

Yesaya 2:20

(Uwo munsi ibigirwamana byabo bya feza n’ibya zahabu, byari byarakorewe gusengwa, bazabijugunyira amafuku n’ubucurama.)

Yesaya 27:9

Ni na ko icyaha cya bene Yakobo kizahanagurwa, maze bagakira ingaruka z’igicumuro cyabo : Amabuye yose yari yubatse urutambiro bazayahindura ivu, boshye ishwagara yashongeshejwe; ibiti byeguriwe ibigirwamana n’ibishushanyo by’izuba, byoye kuzashingwa ukundi.

Yesaya 30:16

Ahubwo muravuga muti «Ibyo nta cyo bitwaye ! Tuzurira amafarasi duhunge.» Ni byo koko, ariko nyine muzaba muhunze. Mukongera muti «Tuzafata amagare anyaruka.» Na byo ni byo, ariko abazaba babakurikiranye, bazihuta kubarusha.

Yesaya 30:2

Baramanuka bakajya mu Misiri batangishije inama, bagashakira ubuhungiro mu ngoro ya Farawo, n’ubwihisho mu gihugu cya Misiri.

Yesaya 31:1

Baragowe! Abamanuka bajya mu Misiri gutabaza! Barishingikiriza amafarasi, bakiringira amagare y’intambara kuko ari menshi, n’abanyamafarasi kuko ari abanyamaboko, ariko ntibite kuri Nyirubutagatifu wa Israheli, ntibashakashake Uhoraho.

Yesaya 31:3

Umunyamisiri ni umuntu, ariko si Imana, amafarasi ye ni inyamaswa zigenda, si imbaraga z’Imana. Igihe Uhoraho azaba abanguye ukuboko kwe, utabaye azasitara, naho utabawe yiture hasi, nuko bombi bahinduke ivu.

Yesaya 36:8

Ngaho tinyuka utege na databuja, umwami w’Abanyashuru, maze nzaguhe amafarasi ibihumbi bibiri niwibonera abantu bo kuyagenderaho!

Yeremiya 49:11

«Ntubunze imitima y’uko imfubyi zawe zizamera, nzazirera; abapfakazi bawe na bo, nzabitaho.»

Ezekiyeli 36:25

Nzabuhagiza amazi asukuye maze mube abasukure; mbahanagureho ubwandure bwanyu bwose muce ukubiri n’ibigirwamana byanyu byose.

Ezekiyeli 37:23

Ntibazongera kwiyandurisha ibigirwamana byabo, ibiterashozi byabo ndetse n’ibicumuro byabo. Nzabakiza ubuhemu bagize, mbasukure bazabe umuryango wanjye, nanjye mbe Imana yabo.

Hoseya 12:1

Efurayimu irantangatanga n’ibinyoma, inzu ya Israheli ikabigirisha uburiganya. (Ariko inzu ya Yuda yo iracyari kumwe n’Imana, ntihemukira Nyir’ubutagatifu.)

Hoseya 13:2

Na n’ubu baracyakomeza gucumura: bikoreye ibishushanyo mu cyuma gishongeshejwe, feza yabo bayikoramo ibigirwamana bihimbiye, kandi ibyo byose ari ibikorwa by’umunyabukorikori! Nuko bakavuga bati «Nimubiture ibitambo», naho abantu bakunamira ibimasa!

Hoseya 14:8

Bazagaruka bature mu gicucu cyanjye, bongere bashibuke nk’ingano, barabye indabyo nk’umuzabibu, kandi ube ikirangirire nka divayi yo muri Libani.

Hoseya 2:17

Nzamusubiza imizabibu ye, ikibaya cya Akori nkigire irembo ry’amizero. Azahanganiriza nk’igihe cy’ubuto bwe, mbese nk’igihe yazamukaga ava mu gihugu cya Misiri.

Hoseya 4:12

umuryango wanjye ukagisha inama igiti cyawo, ishami ryacyo rikaba ari ryo riwugira inama. Kuko irari ry’uburaya ryawuyobeje, mu buhabara bwabo bakitandukanya n’Imana yabo.

Hoseya 5:13

Efurayimu yabonye uburwayi bwayo, na Yuda ibona igikomere cyayo; Efurayimu ni ko kwirukira muri Ashuru, kandi yohereza intumwa ku mwami mukuru. Nyamara na we ntazashobora kubavura, cyangwa ngo abomore igikomere cyanyu.

Hoseya 7:11

Efurayimu ni nk’inuma y’injiji idatekereza, baratakira Misiri, bakirukankira no muri Ashuru;

Hoseya 8:6

Cyakomotse muri Israheli, gikozwe n’umunyabukorikori, kikaba rero atari Imana. Ni yo mpamvu ikimasa cyo muri Samariya kizahinduka ishingwe.

Hoseya 8:9

bitewe n’uko bazamutse bakajya muri Ashuru, ya ndogobe y’ishyamba yibera yonyine, Efurayimu ikagurira amacuti!

Yonasi 2:10

Jyewe nzagutura igitambo, nkuririmbire ngushimira, nzarangiza n’icyo nasezeranye. Uhoraho ni we mukiza!»

Zekariya 13:2

Kuri uwo munsi — uwo ni Uhoraho, Umugaba w’ingabo, ubivuze — nzatsemba amazina y’ibigirwamana mu gihugu, ntibazayibuka ukundi; abahanuzi n’umutima wabo wahumanye, mbirukane mu gihugu.

Yohana 14:18

Sinzabasiga muri imfubyi, nzagaruka mbasange.

Ivugururamategeko 17:16

Ariko rero, azirinde gutunga amafarasi menshi, cyangwa gusubiza rubanda mu Misiri kugira ngo abone uko agwiza umubare w’amafarasi; kuko Uhoraho yababwiye ati «Oya, ntimuzasubize ukundi muri iyo nzira!»