Hoseya 12:1 - Kinyarwanda Bibiliya Ntagatifu

¹ Efurayimu irantangatanga n’ibinyoma, inzu ya Israheli ikabigirisha uburiganya. (Ariko inzu ya Yuda yo iracyari kumwe n’Imana, ntihemukira Nyir’ubutagatifu.)

Bibiliya Yera

¹ Efurayimu angotesheje ibinyoma, n'inzu ya Isirayeli yuzuye uburiganya, ariko Yuda we aracyatwarira Imana, ni umunyamurava ku Uwera.

Bibiliya Ijambo ry'imana D

¹ Abefurayimu ku mpande zose barambeshya, abo Bisiraheli barandyarya, nyamara Abayuda bo baracyayoboka Imana, baracyari indahemuka ku Mana nziranenge.

Bibiliya Ijambo ry'imana

¹ Abefurayimu ku mpande zose barambeshya, abo Bisiraheli barandyarya, nyamara Abayuda bo baracyayoboka Imana, baracyari indahemuka ku Mana nziranenge.

Hoseya 12:1 Iomraidhean Croise

Itangiriro 41:6

Maze andi mahundo arindwi y’iminambe, yumishijwe n’umuyaga uturuka iburasirazuba, akurikiraho, arakura.

2 Abami 15:19

Pulu, umwami w’Abanyashuru, atera igihugu, ariko Menahemu amuhongera amatalenta igihumbi ya feza, kugira ngo amutize amaboko maze ubwami bwe bukomere.

2 Ngoma 21:11

Ndetse yubaka n’amasengero y’ahirengeye mu migi ya Yuda, akururira abaturage b’i Yeruzalemu ubusambanyi kandi agusha Abayuda mu ngeso mbi.

Yobu 15:2

«Umuntu uzi ubwenge yasubizanya amahomvu ate, yavuga ate amagambo atagira ishingiro?

Zaburi 78:36

Cyakora ntibayibwizaga ukuri, yari amagambo yo ku rurimi gusa;

Yeremiya 2:36

Uko witesha agaciro witwaje uburiganya, mu Misiri uzahakura ikimwaro, nk’icyo wavanye muri Ashuru.

Yeremiya 22:22

Abashumba bawe bose umuyaga uzababungereza, kandi abakunzi bawe bazajyanwe bunyago. Koko rero, ikimwaro n’umugayo bizakomaho, kubera ubugome bwawe bwose.

Yeremiya 7:15

Nzabajugunya kure yanjye nk’uko najugunye abavandimwe banyu bose, urubyaro rwose rwa Efurayimu.

Amaganya 5:6

Dutegeye amashyi Misiri na Ashuru, kugira ngo tubone imigati idutunga.

Ezekiyeli 17:10

Guterwa ko ngaha uratewe, ariko se uzakura ube mwiza? Umuyaga w’iburasirazuba se wo nuhindura, ntuzawumisha? Ibyo ni koko, uzumira ku iyogi aho wamereye.’»

Hoseya 11:9

Sinzakurikiza ubukana bw’uburakari bwanjye, kandi sinzarimbura ukundi Efurayimu; kuko ndi Imana simbe umuntu, nkaba Nyir’ubutagatifu rwagati muri mwe, sinzongera kugusanga mfite uburakari.

Hoseya 4:15

Israheli rero, nuramuka wigize indaya, Yuda ntakagenze nkawe! Ntimukajye i Giligali cyangwa ngo muzamuke i Betaveni, kandi ntimukavuge ngo «Nkurahije Uhoraho Muzima!»

Hoseya 4:19

Ariko umuyaga w’inkubi uzabagurukana, bakozwe isoni n’ibitambo byabo.

Hoseya 5:13

Efurayimu yabonye uburwayi bwayo, na Yuda ibona igikomere cyayo; Efurayimu ni ko kwirukira muri Ashuru, kandi yohereza intumwa ku mwami mukuru. Nyamara na we ntazashobora kubavura, cyangwa ngo abomore igikomere cyanyu.

Hoseya 7:1

Igihe nshatse gukiza Israheli, amafuti ya Efurayimu n’ubugome bwa Samariya ni bwo byigaragaje; ni koko ibyo bakora ni ibinyoma: umujura arinjira mu nzu, agatsiko k’abambuzi kagaca ibintu ku gasozi.

Hoseya 7:11

Efurayimu ni nk’inuma y’injiji idatekereza, baratakira Misiri, bakirukankira no muri Ashuru;

Hoseya 8:7

Babibye umuyaga, bazasarura serwakira; bameze nk’ingano zitagira amahundo, ntizivemo n’ifu, n'aho kandi yabonekamo yaribwa n’abanyamahanga.