Hoseya 11:6 - Kinyarwanda Bibiliya Ntagatifu

⁶ Inkota izibasira imigi yayo, isenye inzugi zayo, ibarimbure bazize imigambi yabo mibi.

Bibiliya Yera

⁶ Inkota izagwira imidugudu yabo, izavunagura imyugariro yabo iyitsembeho, bazize imigambi yabo.

Bibiliya Ijambo ry'imana D

⁶ Hazaba intambara mu mijyi yabo, ibihindizo by'amarembo yayo bizavunagurika, intambara izabatsemba kubera imigambi yabo mibi.

Bibiliya Ijambo ry'imana

⁶ Hazaba intambara mu mijyi yabo, ibihindizo by'amarembo yayo bizavunagurika, intambara izabatsemba kubera imigambi yabo mibi.

Hoseya 11:6 Iomraidhean Croise

Zaburi 106:39

Barihumanyije kubera ibyo bakora, imigenzereze irabandarika;

Zaburi 106:43

Kenshi na kenshi Uhoraho yarabagobotoraga, ariko bo bagakomeza kumugomera, bakarushaho gusaya mu cyaha cyabo.

Yesaya 18:5

Nuko ahagana igihe cy’isarura, ururabyo ruhunduye, amahundo amaze guhisha, imbuto bazitemesha umuhoro, naho amashami adafite akamaro akajugunywa,

Yesaya 27:10

Umugi wari ukomeye uzasigarire aho, waratereranywe nk’ubutayu butagituwe. Inyana zizahahuka, zinaharare, kandi zirishe amashami y’ibihuru.

Yesaya 30:1

Uhoraho avuze atya: Baragowe, abana b’ibirara! Bo bacura imigambi itanturutseho, bakagirana amasezerano anyuranyije n’ayanjye, bityo bakagereka icyaha ku kindi.

Yesaya 9:14

Umukuru w’umuryango n’umunyacyubahiro, ni bo mutwe, umuhanuzi wigisha ibinyoma, akaba umurizo.

Yeremiya 5:17

Bazatsemba ibyawe byose: imisaruro yawe n’imigati yawe, abahungu n’abakobwa bawe, batsembe amatungo magufi n’amaremare, imizabibu yawe n’imitini yawe. Igihe bazaba baje n’inkota zabo, bazasenya imigi ikomeye, wari wiringiye ko nta cyayigutereramo.

Yeremiya 50:35

Inkota nitere mu Bakalideya — uwo ni Uhoraho ubivuze — no mu baturage b’i Babiloni, mu batware bayo no mu bahanga bayo!

Amaganya 2:9

Amarembo yayo yarigise mu butaka, ibihindizo yarabikuye, arabicagagura; umwami wayo n’abatware bayo bigaruriwe n’abanyamahanga, nta mategeko akiharangwa, n’abahanuzi bayo ntibakibonekerwa n’Uhoraho!

Hoseya 10:14

ni cyo gitumye hagiye kuba umuvurungano mu bantu bawe, ibigo byawe bikomeye bikarimburwa, mbese nk’uko Shalumani yarimbuye Beti‐Arubeli, kuri wa munsi abana bicanwaga na ba nyina.

Hoseya 10:6

Icyo kimasa kizajyanwa muri Ashuru, giturwe umwami mukuru. Efurayimu izakorwa n’isoni, na Israheli imwazwe n’uburiganya bwayo.

Hoseya 4:16

Ni koko, Israheli yari yarigometse nk’inka yica; noneho se Uhoraho azabarungika mu rwuri rugari, nk’intama?

Hoseya 4:17

Efurayimu yo yisunze ibigirwamana, nimuyireke!

Abalewi 26:25

Nzabahuramo inkota yo guhorera Isezerano mwishe, maze muhungire mu migi yanyu. Ubwo naho nzabaterereza icyorezo, maze umubisha wanyu abonereho kubatsemba.

Abalewi 26:31

Imigi yanyu nzayizimya, amasengero yanyu nzayangize, noye kuzongera guhumurirwa n’imibavu yanyu ukundi.

Abalewi 26:33

Mwebwe ubwo muzaba mwarakwiriye imishwaro mu mahanga yose, kandi na ho nzahabakurikiza inkota. Igihugu cyanyu kizazima, imigi yanyu isigare ari amatongo.

Amosi 6:8

Nyagasani Uhoraho arabirahiye, Uhoraho, Imana Umugaba w’ingabo avuze atya : Nanga urunuka ubwirasi bw’umuryango wa Yakobo, nkanga n’ingoro zayo, umugi wose uko wakabaye nzawutererana.

Mika 5:11

Nzavana ibinyabapfumu mu kiganza cyawe, n’abacunnyi ntuzongera kubagira ukundi.

Ivugururamategeko 28:52

Iryo hanga rizakugariza mu migi yawe yose, kugeza igihe risenyeye inkike zawe ndende kandi zicinyiye, zikikije iyo migi, kandi ari zo wiringiraga, maze ziriduke mu gihugu cyawe cyose. Rizakugariza mu migi yawe yose, mu gihugu cyawe cyose, icyo Uhoraho Imana yawe aguhaye.

Ivugururamategeko 32:25

Hanze, inkota izavuga ibamareho abana, no mu mazu yabo haganze ubukangarane. Umuhungu w’umusore azapfa rumwe n’umukobwa w’inkumi, umwana uri ku ibere apfe rumwe n’umugabo umeze imvi.