Hoseya 11:2 - Kinyarwanda Bibiliya Ntagatifu

² Ariko uko nabahamagaraga, ni ko barushagaho kunyitarura; batura ibitambo za Behali, maze amashusho yazo bakayosereza imibavu.

Bibiliya Yera

² Ariko bitandukanije n'ababahamagaraga bagatambirira ibigirwamana bya Bāli, kandi bakosereza ibishushanyo bibajwe imibavu.

Bibiliya Ijambo ry'imana D

² Nyamara uko narushagaho kumuhamagara, ni ko yarushagaho kumpunga. Ibigirwamana Bāli yabitambiraga ibitambo, yoserezaga imibavu amashusho yasengaga.

Bibiliya Ijambo ry'imana

² Nyamara uko narushagaho kumuhamagara, ni ko yarushagaho kumpunga. Ibigirwamana Bāli yabitambiraga ibitambo, yoserezaga imibavu amashusho yasengaga.

Hoseya 11:2 Iomraidhean Croise

1 Abami 12:33

Nuko ku munsi wa cumi w’ukwezi kwa munani, umunsi yihitiyemo ubwe, azamuka ku rutambiro yari yarubatse i Beteli. Ahakorera umunsi mukuru w’Abayisraheli, kandi ajya ku rutambiro ahatwikira ububani.

1 Abami 18:19

Noneho ntumirira Abayisraheli bose bateranire ku musozi wa Karumeli, kimwe n’abahanuzi magana ane na mirongo itanu ba Behali, barira ku meza ya Yezabeli.»

Nehemiya 9:30

Warabihanije, imyaka ishira ari myinshi, ubamanuriraho umwuka wawe, urabihanangiriza, ndetse uboherereza n’abahanuzi, ariko bo banga kumva, maze worohera indi miryango yo mu bihugu, irabigabiza.

Yesaya 65:7

ku buryo bibagera ku mutima — Uwo ni Uhoraho ubivuze. Abatwikiraga imibavu mu mpinga z’imisozi, bakantuka bahagaze ku tununga, nzabitura nkurikije iyo myifatire yabo, ku buryo bibagera ku mutima.

Yeremiya 18:15

Nyamara umuryango wanjye wo, waranyibagiwe, utwikira imibavu ibidafite akamaro, bituma uteshuka inzira zawo, inzira za kera na kare, maze uyoboka amayira n’imihanda idatunganye.

Yeremiya 35:13

«Uhoraho Umugaba w’ingabo, Imana ya Israheli, avuze atya: Genda ubwire abantu ba Yuda n’abatuye Yeruzalemu uti ’Ese muzageza ubwo mwemera kandi mugatega amatwi amagambo yanjye? Uwo ni Uhoraho ubivuga.

Yeremiya 44:5

Nta bwo bumvise, ntibateze amatwi, ngo bihane ubugome, kandi bareke gutwikira imibavu izindi mana.

Hoseya 11:7

Umuryango wanjye wihambira ku bucibwe bwawo; barawuhamagarira kugarukira Umusumbabyose, nyamara ntihagire n’umwe wibakura!

Hoseya 2:13

Nzavanaho ibyishimo bye n’iminsi mikuru ye, ibirori bya buri mboneko y’ukwezi, amasabato ye, n’andi makoraniro akomeye yajyagamo.

Hoseya 4:13

Baraturira ibitambo mu mpinga z’imisozi, ku tununga bakahatwikira imibavu, ndetse no mu nsi y’umwerezi, umunyinya n’umushishi, kuko bashimishwa no kwibera mu gicucu cyabyo. Ni cyo gituma rero n’abakobwa banyu baba indaya, abakazana banyu bagasambana.

Hoseya 4:17

Efurayimu yo yisunze ibigirwamana, nimuyireke!

Zekariya 1:4

Ntimugakurikize abasekuruza banyu, bo abahanuzi ba kera babwiye bati ’Uhoraho, Umugaba w’ingabo, avuze atya: Nimuhinduke, muzinukwe imyifatire yanyu mibi n’ibikorwa byanyu bibi’. Ariko bo ntibanyumva kandi ntibanyitaho, uwo ni Uhoraho ubivuze.

Zekariya 7:11

Ariko ababyeyi banyu banze kumva, bazamura intugu kandi bipfuka mu matwi ngo batumva.

Luka 13:34

Yeruzalemu, Yeruzalemu, wowe wica abahanuzi ugatera amabuye abagutumweho, ni kangahe nashatse kwegeranya abana bawe, nk’uko inkoko ibundikira abana bayo mu mababa, ariko wowe ukanga!

Yohana 3:19

Dore urwo rubanza urwo ari rwo: ni uko urumuri rwaje mu isi, abantu bakikundira umwijima kuruta urumuri, kuko ibikorwa byabo byari bibi.

Ibyakozwe 7:51

Bantu b’ijosi rishingaraye, bantu banangiye umutima n’amatwi, mugahora murwanya Roho Mutagatifu, muri kimwe n’abasekuruza banyu!

Abacamanza 10:6

Abayisraheli bongera gukora ibidatunganiye Uhoraho. Bayoboka za Behali na za Ashitaroti, bayoboka n’imana z’Abaramu, iz’i Sidoni, iz’i Mowabu, iz’Abahamoni n’iz’ Abafilisiti. Birengagiza Uhoraho, ntibongera kumuyoboka ukundi.

Abacamanza 2:13

Bitandukanyije n’Uhoraho, bayoboka Behali na za Ashitaroti.

Abacamanza 3:7

Abayisraheli bakora ibidatunganiye Uhoraho: birengagije Uhoraho, Imana yabo, maze bayoboka za Behali na za Ashitaroti.