Hoseya 10:8 - Kinyarwanda Bibiliya Ntagatifu

⁸ Amasengero y’ahirengeye y’i Aveni, ari na yo mvano y’icyaha cya Israheli, azasenywa; amahwa n’ibitovu bipfukirane intambiro zabo, maze bazabwire imisozi bati «Nimuturidukireho ! », n’utununga bati «Nimudutwikire !»

Bibiliya Yera

⁸ Ingoro zo muri Aveni, ari zo gicumuro cya Isirayeli, zizasenywa, amahwa n'ibitovu bizamera ku bicaniro byaho. Ni bwo bazabwira imisozi miremire bati “Nimudutwikire”, n'iyindi iringaniye bati “Nimutugwire.”

Bibiliya Ijambo ry'imana D

⁸ Ahasengerwa ibigirwamana hagakorerwa ibicumuro hazarimbuka, ni ho Abisiraheli bakorera ibyaha. Ibitovu n'amahwa bizamera ku ntambiro zaho. Bazinginga imisozi bati: “Nimuduhishe.” Bazinginga udusozi bati: “Nimutugweho.”

Bibiliya Ijambo ry'imana

⁸ Ahasengerwa ibigirwamana hagakorerwa ibicumuro hazarimbuka, ni ho Abisiraheli bakorera ibyaha. Ibitovu n'amahwa bizamera ku ntambiro zaho. Bazinginga imisozi bati: “Nimuduhishe.” Bazinginga udusozi bati: “Nimutugweho.”

Hoseya 10:8 Iomraidhean Croise

Itangiriro 3:8

Ngo bumve Uhoraho Imana wagendagendaga mu busitani mu mafu y’igicamunsi, umugabo n’umugore we bihisha Uhoraho Imana mu biti by’ubusitani.

1 Abami 13:2

Uwo muntu atera hejuru, avugira kuri urwo rutambiro ijambo ry’Uhoraho, agira ati «Rutambiro! Rutambiro! Uhoraho avuze atya ’Dore mu nzu ya Dawudi hagiye kuvuka umwana uzitwa Yoziya. Azagutwikiraho abaherezabitambo b’ahirengeye baguturiraho ububani, kandi bazagutwikiraho amagufwa y’abantu!’»

1 Abami 13:34

Iyo migenzereze ibera icyaha inzu ya Yerobowamu, bituma isenywa kandi irimburwa ku isi.

1 Abami 14:16

Azahana Israheli abahoye ibyaha Yerobowamu yakoze n’ibyo yakoresheje Israheli.»

2 Abami 23:15

Yoziya asenya n’urusengero rw’ahirengeye rw’i Beteli Yerobowamu mwene Nebati yari yarubakiye gucumuza Israheli; asenya urutambiro rwaho, urwo rusengero ararutwika aruhindura ivu, atwika n’igiti cyeguriwe ibigirwamana byaho.

2 Ngoma 31:1

Ibyo byose birangiye, Abayisraheli bose bari aho, bajya mu migi ya Yuda kugira ngo bamenagure inkingi z’ibigirwamana, batemagure inkingi za Ashera, basenye amasengero y’ahirengeye n’intambiro muri Yuda, no muri Benyamini hose, ndetse no muri Efurayimu na Manase kugera ubwo babitsembye. Hanyuma Abayisraheli bose bisubirira buri wese iwe mu migi yabo.

Yesaya 2:19

Bazinjira mu masenga yo mu bitare no mu myobo y’ikuzimu, batinya Uhoraho, n’ububengerane bw’ikuzo rye, ubwo azaba aje gukangaranya isi.

Yesaya 2:21

Bazajya kwihisha mu masenga no mu myobo yo mu bitare, batinya Uhoraho, n’ububengerane bw’ikuzo rye, ubwo azaba aje gukangaranya isi.

Yesaya 32:13

Muzaririra ubutaka bw’umuryango wanjye, igihe buzaba bumeraho ibihuru by’amahwa, muririre n’amazu meza yose mwishimiragamo, mu murwa w’umunezero.

Yesaya 34:13

Ingoro zabo zizameramo amahwa, ibigo bikomeye bimeremo ibisura n’ibitovu, habe indiri y’ingunzu, n’imbuga ya za mbuni.

Hoseya 10:2

Umutima wabo ni ibinyoma bisa, none bagiye kubiryozwa. Uhoraho ubwe agiye gusenya intambiro zabo no guhirika inkingi zabo.

Hoseya 10:5

Abaturage b’i Samariya barahinda umushyitsi kubera ikimasa cy’i Betaveni; koko rero, imbaga yose ikibereye mu cyunamo, kimwe n’abaherezabitambo bacyo. Ngaho nibakomeze barate ikuzo ryacyo, kandi ryamaze kuyoyoka!

Hoseya 10:9

Mbese Israheli, i Gibeya si ho watangiriye gucumura, kandi kuva ubwo ntiwisubireho! None se intambara yareka ite gutera abagiranabi aho i Gibeya?

Hoseya 2:6

Abana be sinzabagirira igishyika, kuko ari abana bo mu buraya.

Hoseya 4:13

Baraturira ibitambo mu mpinga z’imisozi, ku tununga bakahatwikira imibavu, ndetse no mu nsi y’umwerezi, umunyinya n’umushishi, kuko bashimishwa no kwibera mu gicucu cyabyo. Ni cyo gituma rero n’abakobwa banyu baba indaya, abakazana banyu bagasambana.

Hoseya 4:15

Israheli rero, nuramuka wigize indaya, Yuda ntakagenze nkawe! Ntimukajye i Giligali cyangwa ngo muzamuke i Betaveni, kandi ntimukavuge ngo «Nkurahije Uhoraho Muzima!»

Hoseya 5:8

Nimuvugirize ihembe i Gibeya, i Rama havugire akarumbeti, muvugirize induru i Betaveni, muti «Benyamini we, ngaho baguturutse inyuma!»

Hoseya 8:5

Samariya rero, ikimasa cyawe ndagihigitse ! (Koko, uburakari bwanjye bwabagurumaniye : mbese bazanga gusukurwa kugeza ryari ?)

Hoseya 9:6

Dore ngabo bahunze igihugu cyabo cyarimbutse, Misiri izabakira, ariko i Memfisi hazabe imva yabo; ibintu byabo by’agaciro gakomeye bizarengwaho n’ibitovu, n’amahwa apfukirane ahari amahema yabo.

Amosi 1:5

nzamenagura ibyuma bifunze inzugi za Damasi, nturumbure igikomangoma kiri i Bikati‐Aveni, ntsembe n’ufite inkoni ya cyami i Betedeni, maze abantu b’Aramu bajyanwe bunyago i Kiri. Uwo ni Uhoraho ubivuze.

Amosi 3:14

umunsi nzaziza Israheli ibicumuro byayo, nzasenya urutambiro rw’i Beteli, inguni zarwo zizasenywa maze zigwe hasi.

Amosi 7:9

Amasengero y’ahirengeye ya Izaki azahinduka amatongo, n’ingoro za Israheli zizarimbagurike, maze mfate inkota, inzu ya Yerobowamu nyihagurukire.»

Amosi 8:14

abarahiza icyaha cya Samariya bavuga bati «Harakabaho Imana yawe, Dani! Harakabaho Ububasha buri i Berisheba!» bazagwa kandi ntibazongera kubyuka.

Mika 1:13

Zirika amafarasi ku igare ry’intambara, we muturage w’i Lakishi, (wowe, nkomoko y’igicumuro cy’umwari w’i Siyoni, kuko iwawe ari ho habonetse ubugome bwa Israheli.)

Mika 1:5

Ibyo byose biraterwa n’ubugome bwa Yakobo, kimwe n’icyaha cy’inzu ya Israheli. Ubwo bugome bwa Yakobo ni ubuhe? Si Samariya se? Icyo cyaha cya Yuda ni ikihe? Si Yeruzalemu se?

Nahumu 3:11

Nawe rero uramukiwe no gusinda ukarohama! Uzahatirwa gushakira hose ubuhungiro kugira ngo ucike umwanzi!

Luka 23:30

Icyo gihe bazinginga imisozi ngo ’Nimuturidukireho’ n’utununga ngo ’Nimudutwikire.’

Ivugururamategeko 9:21

Hanyuma icyaha mwari mwakoze, ari cyo cya kimasa, ndagifata, ndagitwika; ibidakongotse ndabihondahonda, ndabisya, bihinduka ifu, maze iyo fu nyimena mu kagezi kamanuka kuri wa musozi.

Ibyahisuwe 6:16

bakabwira imisozi n’ibitare, bati «Nimutwubarare hejuru, muduhishe uruhanga rw’Uwicaye ku ntebe y’ubwami, na kure y’uburakari bwa Ntama.»

Ibyahisuwe 9:6

Muri iyo minsi rero, abantu bazashakashaka urupfu ariko barubure; bazifuza gupfa, ariko urupfu rubahunge.