Hoseya 10:11 - Kinyarwanda Bibiliya Ntagatifu

¹¹ Efurayimu yari nk’inyana imeze neza, igakunda guhonyorera ingano ku mbuga. Naho jyewe, ijosi ryayo ryiza ndihambiraho ibiziriko kugira ngo ijye ikurura icyuma gihingishwa. Yuda azahinga, naho Yakobo asanze intabire.

Bibiliya Yera

¹¹ “Efurayimu ni nk'ishashi yamenyerejwe, ikunda kuvunga ingano, ariko nzashyira ingiga y'igiti ku ijosi rye ryiza. Efurayimu nzamushyiraho umugenda hejuru, Yuda azarima, Yakobo na we azacoca.

Bibiliya Ijambo ry'imana D

¹¹ Kera Abefurayimu bari nk'ishāshi yatojwe kumvira, ntiyanga guhonyora ingano, nashyize umutambiko ku ijosi ryayo ryiza. Abefurayimu na bo nzabakoresha imirimo iremereye, Abayuda nzabambika ibisuka bihinga babikurure nk'ibimasa, abakomoka kuri Yakobo bazasanza amasinde.

Bibiliya Ijambo ry'imana

¹¹ Kera Abefurayimu bari nk'ishāshi yatojwe kumvira, ntiyanga guhonyora ingano, nashyize umutambiko ku ijosi ryayo ryiza. Abefurayimu na bo nzabakoresha imirimo iremereye, Abayuda nzabambika ibisuka bihinga babikurure nk'ibimasa, abakomoka kuri Yakobo bazasanza amasinde.

Hoseya 10:11 Iomraidhean Croise

Yesaya 28:24

Mbese umuhinzi ujya guhinga umurima we, amarira igihe cye cyose mu kurima, gutabira, cyangwa se mu gucoca amasinde gusa?

Yeremiya 28:14

Koko rero, Uhoraho Umugaba w’ingabo, Imana ya Israheli avuze atya: Ingoyi y’icyuma ni yo nzabohesha amahanga yose kugira ngo agaragire Nebukadinetsari, umwami w’i Babiloni; azamukorera, ndetse n’inyamaswa zo mu ishyamba ndazimweguriye.’»

Yeremiya 46:20

Misiri yari nk’inyana iteye ubwuzu, ariko amasazi aturutse mu majyaruguru ayihundagayeho.

Yeremiya 50:11

Mwebwe abigabije umugabane wanjye nimwishime, munezerwe! Nimwikinangure nk’inyana ziri mu rwuri, kandi mwivuge nk’amafarasi!

Hoseya 11:4

Narabiyegerezaga mbigiranye urukundo, nkabizirikaho nk’uko abantu babigenza; mbiyegamiza ku musaya nk’umubyeyi uteruye umwana we, nca bugufi ndabagaburira.

Hoseya 2:5

Nibitaba ibyo, nzamucuza imyambaro, asigare atumbuje, mugire nk’uko yari ameze umunsi avuka. Nzamugira nk’ubutayu, abe nk’ubutaka bwumagaye, kandi nzamwicishe inyota.

Hoseya 3:1

Uhoraho arambwira ati «Genda, wongere ukunde wa mugore w’umusambanyi kandi ukunda undi mugabo. Jya umukunda nk’uko Uhoraho akunda Abayisraheli, ariko bo bakamwirengagiza bayoboka izindi mana, zikunda utugati tw’imbuto z’imizabibu batura.»

Hoseya 4:16

Ni koko, Israheli yari yarigometse nk’inka yica; noneho se Uhoraho azabarungika mu rwuri rugari, nk’intama?

Hoseya 9:1

Israheli, wikwishima birenze urugero, wisabagizwa n’ibyishimo nk’indi miryango, kuko wigize indaya witarura Imana yawe, ukishimira igihembo cyahumanye uherwa ku mbuga zose zihurirwaho ingano.

Mika 4:13

Haguruka unyukanyuke ingano, mwari w’i Siyoni! Amahembe yawe nzayahindura ibyuma, ibinono byawe mbihindure umuringa, maze uzahonyore amahanga menshi. Ibyo uzabanyaga kimwe n’ubukungu bwabo, ubyegurire Uhoraho, Umutegeka w’isi yose.

Abaroma 16:18

Bene abo ntibakorera Kristu Umwami wacu, ahubwo inda yabo, maze amagambo yabo y’uburyarya n’ubucakura akayobya imitima itagira iribi.

Ivugururamategeko 25:4

Ntuzahambire umunwa w’inka iri ku kazi ko guhonyora ingano.