Amosi 8:9 - Kinyarwanda Bibiliya Ntagatifu

⁹ Kuri uwo munsi— uwo ni Nyagasani Uhoraho ubivuze— nzategeka izuba kurenga ku manywa y’ihangu, kandi ntume ku isi hacura umwijima izuba riva.

Bibiliya Yera

⁹ Kandi uwo munsi, ni ko Uwiteka Imana ivuga, nzatuma izuba rirenga ku manywa y'ihangu, kandi nzazana ubwirakabiri ku isi hakiri ku manywa.

Bibiliya Ijambo ry'imana D

⁹ Nyagasani Uhoraho aravuga ati: “Uwo munsi nzatuma izuba rirenga amanywa ava, nzatuma igihugu gicura umwijima ku manywa y'ihangu.

Bibiliya Ijambo ry'imana

⁹ Nyagasani Uhoraho aravuga ati: “Uwo munsi nzatuma izuba rirenga amanywa ava, nzatuma igihugu gicura umwijima ku manywa y'ihangu.

Amosi 8:9 Iomraidhean Croise

Yobu 5:14

bityo bakarindagira mu mwijima, kandi ari ku manywa y’ihangu, bagasa n’abagenda mu ijoro, kandi amanywa ava.

Yesaya 13:10

Inyenyeri zo ku ijuru n’ubwinshi bwazo, ntizizongera kumurika ukundi, izuba rizijima rikirasa, ukwezi koye kumurika.

Yeremiya 13:16

Nimukuze Uhoraho Imana yanyu, mbere y’uko aboherereza umwijima, mbere y’uko ibirenge byanyu bitsikira mu misozi yaguweho n’ijoro. Mutegereje urumuri, ariko yaruhinduyemo umwijima, arugira igicu cyijimye.

Yeremiya 15:9

Uwabyaye abahungu barindwi yacitse intege, arahumekana impumu. Izuba rye ryarenze amanywa ava; yakozwe n’isoni, aramwaragurika. Ibyo bari basigaranye, ngiye kubigabiza inkota n’ibitero by’abanzi babo. Uwo ni Uhoraho ubivuze! (Yeremiya:)

Ezekiyeli 32:7

Igihe uzaba umaze kuzima, nzatwikira ijuru nzimye n’inyenyeri, izuba nzaritwikiriza ibicu, n’ukwezi koye kuzongera kumurika ukundi.

Amosi 4:13

Nguwo Uwabumbabumbye imisozi, akarema umuyaga, agahishurira umuntu imigambi ye, we ugenga umwijima n’umucyo, agatambagira ibitwa byo ku isi. Izina rye ni Uhoraho, Imana umugaba w’ingabo.

Amosi 5:8

Uwaremye urujeje rw’inyenyeri z’ibihangange n’izitwa Oriyoni, we uhindura umwijima mo igitondo gitangaje, agahindura umunsi mo ijoro ryijimye, agahamagara amazi yo mu nyanja ngo ayasandaze ku isi; izina rye ni Uhoraho!

Mika 3:6

Ni yo mpamvu ijoro rizabagwaho, mwoye kubonekerwa, mubundikiwe n’umwijima, nta cyo mugihanura; abahanuzi izuba ribarengeyeho, umunsi ubiriyeho.

Zekariya 14:7

uzaba umunsi w’imbonekarimwe, Uhoraho arawuzi. Nta manywa cyangwa ijoro bizabaho ukundi, ariko nibigeza ku mugoroba urumuri ruzamurika.

Matayo 24:29

Bidatinze, nyuma y’iyo minsi y’amagorwa, izuba rizacura umwijima, ukwezi ntikuzamurika, inyenyeri zizahanuka ku ijuru, maze ibikomeye byo mu ijuru bihungabane.

Matayo 27:45

Kuva ku isaha ya gatandatu kugeza ku isaha ya cyenda hacura umwijima ku isi yose.

Mariko 15:33

Bigejeje ku isaha ya gatandatu, umwijima ucura ku isi yose, kugeza ku isaha ya cyenda.

Luka 23:44

Hari nko ku isaha ya gatandatu, maze ku isi yose hacura umwijima, izuba rirazima bigeza ku isaha ya cyenda.

Ibyahisuwe 6:12

Hanyuma mbona ahambuye ikashe ya gatandatu; maze haba umutingito w’isi ukaze cyane, izuba ririjima nk’umwenda wirabura, n’ukwezi uko kwakabaye guhinduka amaraso.

Ibyahisuwe 8:12

Umumalayika wa kane na we avuza akarumbeti ke: nuko igice cya gatatu cy’izuba, igice cya gatatu cy’ukwezi, n’igice cya gatatu cy’inyenyeri birakobana; kimwe cya gatatu cyabyo kirijima, ku buryo amanywa yatakaje igice cya gatatu cy’umucyo n’ijoro bikaba bityo.