Amosi 7:4 - Kinyarwanda Bibiliya Ntagatifu

⁴ Dore ibyo Nyagasani Uhoraho yanyeretse: Nyagasani Uhoraho yitabaje umuriro ngo ace urubanza, nuko umuriro wuzura inyenga nini, ukongora n’intara ya Israheli.

Bibiliya Yera

⁴ Ibi ni byo Uwiteka Imana yanyeretse: Uwiteka Imana yahamagaye umuriro ngo awucishe amateka ukongora mu mworera w'ikuzimu, kandi wendaga no gutwika igihugu.

Bibiliya Ijambo ry'imana D

⁴ Dore ibyo Nyagasani Uhoraho yanyeretse: nabonye Nyagasani Uhoraho agiye guhanisha Abisiraheli umuriro. Uwo muriro wakamyaga amasōko avubura imigezi ugakongora n'ubutaka.

Bibiliya Ijambo ry'imana

⁴ Dore ibyo Nyagasani Uhoraho yanyeretse: nabonye Nyagasani Uhoraho agiye guhanisha Abisiraheli umuriro. Uwo muriro wakamyaga amasōko avubura imigezi ugakongora n'ubutaka.

Amosi 7:4 Iomraidhean Croise

Yesaya 27:4

Nta bwo njya ndakara, iyo nywubonyemo amahwa n’imifatangwe, ahubwo ndayatema nkayarunda hamwe, maze nkayatwika.

Yeremiya 21:12

Muryango wa Dawudi, Uhoraho avuze atya: Buri gitondo mujye muca imanza zitabera, uryamirwa mumukize ingoyi y’umurenganya! Naho ubundi uburakari bwanjye buzagurumana nk’umuriro, utwike ku buryo nta n’umwe ushobora kuwuzimya kubera ibikorwa byanyu byuzuye ubugome.

Yeremiya 4:4

Bantu ba Yuda, namwe ab’i Yeruzalemu, nimwiyegurire Uhoraho, nimwiyorosoreho ibyugarije umutima wanyu. Nimutagenza mutyo, uburakari bwanjye buzavubuka nk’umuriro; buzatwika ku buryo nta we ushobora kubuzimya, kubera imigenzereze yanyu mibi.

Ezekiyeli 21:3

Uzabwire ishyamba ryo mu karere k’amajyepfo uti ’Dore uko Nyagasani Uhoraho avuze: Ngiye kugucanamo umuriro, uzatwike ibiti byose, ibibisi n’ibyumye. Uzaba ari inkongi idateze kuzima, uzatwika abantu bose kuva mu majyepfo kugera mu majyaruguru.

Yoweli 1:19

Uhoraho, ni wowe ntakambira, kuko umuriro wayogoje inzuri zo mu mayaga, ikirimi cy’umuriro gitwika ibiti byose byo mu murima.

Abalewi 10:2

Bityo ikibatsi cy’umuriro gituruka imbere y’Uhoraho kirabakongeza, bapfira mu maso ye.

Amosi 1:4

nzatwika inzu ya Hazayeli maze ingoro za Beni‐Hadadi zitsembwe n’umuriro;

Amosi 1:7

nzatwika inkike za Gaza, maze ingoro zayo zitsembwe n’umuriro;

Amosi 2:5

nzatwika Yuda, maze ntsembe ingoro z’i Yeruzalemu.

Amosi 4:11

Nabazambije nk’uko nazambije Sodoma na Gomora, maze mumera nk’igiti cyafashwe cyaruwe mu nkongi y’umuriro, ariko ntimwangarukira! Uwo ni Uhoraho ubivuze.

Amosi 5:6

Nimushakashake Uhoraho, muzaronka ubugingo. Naho ubundi, azagwa gitumo inzu ya Yozefu nk’inkongi y’umuriro, ayihindure umuyonga, kandi i Beteli nta muntu wo kuyizimya uzahaboneka.

Amosi 7:1

Dore ibyo Nyagasani Uhoraho yanyeretse: yoherezaga inzige igihe ubwatsi bwabaga butangiye kumera — ndashaka kuvuga ubwatsi butoha nyuma y’umuganura wagenewe umwami —

Amosi 7:7

Dore ibyo Nyagasani yanyeretse: yari ahagaze iruhande rw’urukuta, afite rujora mu ntoki.

Mika 1:4

Aho anyuze, imisozi irashonga, ibibaya bikika, mbese nk’ibishashara bishongeshwa n’umuriro, cyangwa nk’amazi amanuka ahantu hacuramye.

Nahumu 1:6

Ni nde wahangana n’ubukana bwe, akihanganira uburakari bwe bugurumana? Umujinya we urisukiranya nk’inkongi y’umuriro, ibitare bikiyasa imbere ye.

Kubara 16:35

Nyuma, Uhoraho yohereza ikibatsi cy’umuriro gitwika ba bagabo magana abiri na mirongo itanu bariho batura imibavu.

Ivugururamategeko 32:22

Ni koko, umuriro uzagurumana mu mazuru yanjye, utwike byose kugeza hasi ikuzimu iwabo w’abapfuye, woreke isi hamwe n’ibyo yeze, uhindure ivu imizi y’imisozi.

Abeheburayo 1:7

Abamalayika bo, ibavugaho iti «Abamalayika bayo yabagize nk’imiyaga, maze abagaragu bayo ibagira nk’imirabyo.»

Ibyahisuwe 4:1

Nyuma y’ibyo ndareba, mbona irembo rikinguye mu ijuru, maze ijwi rimeze nk’iry’akarumbeti nari numvise mbere, rirambwira riti «Zamuka uze hano, maze nkwereke ibigomba kuba hanyuma y’ibi ngibi.»