Amosi 5:3 - Kinyarwanda Bibiliya Ntagatifu

³ Nyagasani Uhoraho avuze atya : Umugi wajyaga ujyana abantu igihumbi ku rugamba uzasigarana ijana gusa; naho umugi wajyaga ujyana ijana, uzasigarana icumi gusa.

Bibiliya Yera

³ Uwiteka Imana iravuga iti “Umudugudu w'inzu ya Isirayeli watabaraga ari ingabo igihumbi hazatabaruka ijana, n'uwatabaraga ari ijana hazatabaruka icumi.

Bibiliya Ijambo ry'imana D

³ Nyagasani Uhoraho aravuga ati: “Mu mujyi umwe hazaturuka Abisiraheli igihumbi bagiye ku rugamba, nyamara hazatabaruka ijana gusa, mu wundi hazaturuka ijana, nyamara hazatabaruka icumi gusa.”

Bibiliya Ijambo ry'imana

³ Nyagasani Uhoraho aravuga ati: “Mu mujyi umwe hazaturuka Abisiraheli igihumbi bagiye ku rugamba, nyamara hazatabaruka ijana gusa, mu wundi hazaturuka ijana, nyamara hazatabaruka icumi gusa.”

Amosi 5:3 Iomraidhean Croise

Zaburi 144:14

Inka zacu zirakagwira, nta cyuho, nta bushimusi, nta n’induru ikivugwa iwacu.

Yesaya 1:9

Iyo Uhoraho, Umugaba w’ingabo, atajya kuturokoramo bamwe bahonotse, twari kuba aka Sodoma, tukamera nka Gomora.

Yesaya 10:22

Israheli we! N’ubwo umuryango wawe wangana n’umusenyi wo ku nyanja, hazagaruka bake mu bacitse ku icumu, kuko ukurimburwa kwanyu kutagisibye, urubanza rukarangirira aho;

Yesaya 6:13

Kandi n’iyo hasigara kimwe cya cumi, na cyo nzongera ngitwike nk’umushishi watemwe, maze hazasigare igishyitsi cyonyine. Icyo gishyitsi rero, kizakomokaho imbuto ntagatifu.»

Ezekiyeli 12:16

Ariko nzareka bamwe muri bo barokoke inkota, inzara n’ibyorezo, kugira ngo bazatekerereze abo mu mahanga bazajyamo amahano yabo yose; bityo na bo bazamenye ko ndi Uhoraho.’»

Amosi 6:9

Haramutse hagize nk’abantu icumi bacika ku icumu mu nzu imwe, na bo bazapfa.

Abaroma 9:27

Izayi na we yavuze ibyerekeye Israheli ati «Naho umubare w’abana ba Israheli wangana n’umusenyi wo ku nyanja, agasigisigi konyine ni ko kazarokoka,

Ivugururamategeko 28:62

Muri mwe hazahonoka bake cyane, n’ubwo mwari muhwanyije ubwinshi n’inyenyeri zo ku ijuru, ku mpamvu y’uko uzaba utumviye ijwi ry’Uhoraho Imana yawe.

Ivugururamategeko 28:63

Kandi nk’uko Uhoraho yahimbarirwaga kubitaho kugira ngo abahe gutunganirwa no kugwira, ni ko Uhoraho nanone azahimbarirwa kubihata kugira ngo abakindagure maze mushireho. Muzirukanwa mu gihugu mugiye kwinjiramo ngo mukigarurire.

Ivugururamategeko 4:27

Uhoraho azabatatanyiriza mu bindi bihugu, musigare muri bake cyane hagati y’amahanga, aho Uhoraho azaba yabimuriye bunyago.