Amosi 5:2 - Kinyarwanda Bibiliya Ntagatifu

² Ngaha araguye umwari wa Siyoni, ntazongera kweguka ukundi, arambaraye hasi adafite umwegura.

Bibiliya Yera

² Umwari wa Isirayeli araguye ntazongera kubyuka, yagushijwe mu gihugu cye ntihagira uwo kumubyutsa.”

Bibiliya Ijambo ry'imana D

² Abisiraheli baratsinzwe, ntibazongera kubyutsa umutwe. Basigaye bigunze bonyine mu gihugu cyabo, ntibafite umuntu wo kubagoboka.

Bibiliya Ijambo ry'imana

² Abisiraheli baratsinzwe, ntibazongera kubyutsa umutwe. Basigaye bigunze bonyine mu gihugu cyabo, ntibafite umuntu wo kubagoboka.

Amosi 5:2 Iomraidhean Croise

2 Abami 15:29

Ku ngoma ya Peka, umwami wa Israheli, ni bwo Tegalati‐Falazari, umwami w’Abanyashuru, yateye imigi ya Iyoni, Abeli‐Betimaka, Yaniwa, Kedeshi, Hasori; atera na Gilihadi, Galileya n’igihugu cyose cya Nefutali. Aho hose arahigarurira, abaturage b’aho abajyana bunyago muri Ashuru.

2 Abami 17:16

Bareka amategeko yose y’Uhoraho Imana yabo, biremera amashusho abiri y’inyana, bashinga n’ibiti byeguriwe ibigirwamana byabo, baramya izuba, ukwezi n’inyenyeri byo mu kirere kandi biyegurira Behali.

Yesaya 14:21

Nimwitegure kwica abana, kubera icyaha cy’ababyeyi babo, hato batava aho baduhagurukana, bakigarurira isi, maze bakayubakaho imigi.

Yesaya 24:20

Isi iradandabiranye nk’umusinzi, irayegayeze boshye inzu ijya gutemba, icyaha cyayo kirayiremereye, yirunze hasi, kandi ntigishoboye kuhiyegura.

Yesaya 3:8

Yeruzalemu iradandabiranye, naho Yuda iratembye. Amagambo n’ibikorwa byabo bibangamira Uhoraho, bigasuzuguza ikuzo rye.

Yesaya 37:22

dore icyo Uhoraho amutangajeho: Umwari, umukobwa w’i Siyoni aragusuzuguye, aragusetse; Umukobwa w’i Yeruzalemu akuzungurije umutwe ari inyuma yawe.

Yesaya 43:17

we wahagaritse amagare n’amafarasi, ingabo n’abantu b’intwari bose hamwe, bikagwa ubutazegura umutwe, bigahwekera nk’agatara, hanyuma bikazima.

Yeremiya 14:17

Uzababwire aya magambo, uti «Amaso yanjye ahongoboka amarira adakama umunsi n’ijoro, kuko icyago gikomeye cyavunaguye umukobwa w’isugi, umuryango wanjye ukaba washegeshwe n’intikuro idakira.

Yeremiya 18:13

Ni yo mpamvu Uhoraho avuze atya: Muzabaririze mu mahanga muti «Hari uwaba yarigeze kumva ibintu nk’ibi?» Koko umwari wa Israheli yakoze amahano akabije!

Yeremiya 2:27

Barahura n’igiti bakakibwira ngo «Uri data!» babona ibuye bati «Ni wowe wambyaye!» Banteye umugongo aho kunyerekeza amaso, nyamara kandi basumbirizwa n’ibyago, bakantakambira ngo «Haguruka udukize!»

Yeremiya 31:4

Ndashaka kukubaka bundi bushya, kandi koko uzubakwa, wowe mwari Israheli. Uzasubirana ingoma zawe, maze ushagarwe n’abantu bari mu birori.

Yeremiya 4:20

Haravugwa ibyago by’inkurikirane! Ni koko, igihugu cyose kirarimbutse. Dore ingando yanjye yarimbutse, amahema yanjye yasenyutse mu kanya gato.

Yeremiya 50:32

Umunyagasuzuguro aratsikiye aragwa, kandi nta muntu wo kumubyutsa. Imigi ye nzayiha inkongi, akongoke impande zose.

Yeremiya 51:64

ugira uti ’Nguko uko Babiloni izarohama, ntizongere kubyutsa umutwe ukundi, kubera amakuba yose nyiterereje.’» Amagambo ya Yeremiya ni hano arangiriye.

Yeremiya 8:4

Uzababwire uti «Uhoraho avuze atya: Ese iyo umuntu aguye ntabyuka? Ese umuntu arayoba ntahindukire?

Yeremiya 9:21

Intumbi zandagaye nk’ifumbire mu mirima, cyangwa nk’imiba inyuma y’umusaruzi, kandi nta muntu uhari ngo azandurure!»

Yeremiya 9:9

Ndaririra mu mpinga y’imisozi, nkaganya, nkaborogera no mu biraro byo ku gasi, kuko byose byakongotse, hakaba nta muntu n’umwe ukihacaracara, habe n’amatungo ngo aracyahumvikana. Ari inyoni, ari n’amatungo, byose byarahunze, nta gisigaye! (Uhoraho:)

Amaganya 2:13

Icyo nakuvugaho se ni iki? Nakugereranya n’iki se, mwari w’i Yeruzalemu? Uwagukiza akaguhumuriza, yaba ari nde, wa mukobwa we, mwari w’i Siyoni? Akaga urimo ko kangana n’inyanja, ni nde washobora kugukiza?

Hoseya 14:1

Samariya igomba guhanwa kuko yigometse ku Mana yayo. Bazarimburwa n’inkota, abana babo b’ibitambambuga bazicwe, abagore babo batwite babakuremo inda.

Hoseya 6:2

Nyuma y’iminsi ibiri azaba yaduhembuye, ku munsi wa gatatu aduhagurutse, maze twibanire.

Amosi 8:14

abarahiza icyaha cya Samariya bavuga bati «Harakabaho Imana yawe, Dani! Harakabaho Ububasha buri i Berisheba!» bazagwa kandi ntibazongera kubyuka.

Amosi 9:11

Muri iyo minsi, nzegura inzu ya Dawudi yari igiye kugwa, nzasane ibyuho byayo, nzegure ahari harasenyutse; nzayihagarika nyisubize uko yahoze kera,