Abefeso 2:5 - Kinyarwanda Bibiliya Ntagatifu

⁵ n’ubwo twari twarapfuye tuzize ibyaha byacu bwose, yadushubije ubugingo hamwe na Kristu: rwose, kuba mwarakijijwe, mubikesha ubuntu bwayo!

Bibiliya Yera

⁵ ku bw'urukundo rwinshi yadukunze, ubwo twari dupfuye tuzize ibicumuro byacu (ubuntu ni bwo bwabakijije),

Bibiliya Ijambo ry'imana D

⁵ yadusanze twarapfuye tuzize ibicumuro byacu, maze iduha ubugingo hamwe na Kristo – erega mwakijijwe n'ubuntu bwayo!

Bibiliya Ijambo ry'imana

⁵ yadusanze twarapfuye tuzize ibicumuro byacu, maze iduha ubugingo hamwe na Kristo – erega mwakijijwe n'ubuntu bwayo!

Abefeso 2:5 Iomraidhean Croise

Luka 15:24

kuko uyu mwana wanjye yari yarapfuye, none yazutse; yari yarazimiye, none yatahutse!’ Nuko batangira kwishima.

Yohana 5:21

Uko Data azura abapfuye kandi akabeshaho, ni na ko Mwana abeshaho abo yishakiye.

Yohana 6:63

Roho ni we ubeshaho, umubiri nta kavuro. Amagambo nababwiye aturuka kuri Roho, kandi agatanga ubugingo.

Ibyakozwe 15:11

Byongeye kandi, twemera ko twakijijwe n’ingabire ya Nyagasani Yezu kimwe na bo!»

Abaroma 16:20

Imana, Yo soko y’amahoro, izajanjagurira Sekibi mu nsi y’ibirenge byanyu vuba. Ineza y’Umwami wacu Yezu Kristu ibane namwe!

Abaroma 3:24

Ariko bahabwa kuba intungane n’ineza yayo ku buntu, babikesha gucungurwa na Kristu Yezu.

Abaroma 4:16

Ni yo mpamvu, ari ku bw’ukwemera isezerano ryabaye ihame, ritangwa ku buntu, rigenerwa urubyaro rwose, atari abishingikirije amategeko bonyine, ahubwo ndetse n’abishingikirije ukwemera kwa Abrahamu, we mubyeyi wacu twese,

Abaroma 5:10

Koko rero, niba twariyunze n’Imana mu rupfu rw’Umwana wayo kandi nyamara twari abanzi, ubwo twiyunze, tuzarokorwa mu buzima bwe ku buryo busumbijeho.

Abaroma 5:6

Koko rero igihe twari tugifite intege nke, Kristu yapfiriye abanyabyaha ku munsi wagenwe.

Abaroma 5:8

Imana rero yerekanye urukundo idufitiye kuko Kristu yadupfiriye kandi twari abanyabyaha.

Abaroma 8:2

Kuko itegeko rya Roho utanga ubugingo muri Kristu Yezu ryaturokoye itegeko ry’icyaha n’urupfu.

Abefeso 2:1

Namwe kandi mwari mwarapfuye muzize ibicumuro n’ibyaha mwiberagamo kera,

Abefeso 2:8

Koko mwakijijwe ku buntu, mubikesha ukwemera; nta bwo ari ku bwanyu rero, ahubwo ni ku bw’ingabire y’Imana.

Abefeso 5:14

Ni cyo gituma bajya bavuga ngo «Kanguka, wowe usinziriye! Haguruka, uve mu bapfuye, maze Kristu akumurikire!»

Abakolosayi 2:13

Mwebwe mwari mwarapfuye muzize ibyaha byanyu n’umubiri wanyu wandavuye, none Imana yabashubije ubugingo hamwe na We, itubabarira ibicumuro byacu byose.

Tito 2:11

Koko rero ineza y’Imana, soko y’umukiro ku bantu bose, yarigaragaje,

Tito 3:5

yaradukijije, itabitewe n’ibyiza twaba twarakoze, ahubwo ibitewe n’impuhwe igira, idukirisha icyuhagiro dukesha kuvuka bwa kabiri no guhinduka abantu bashya muri Roho Mutagatifu.

Ibyahisuwe 22:21

Ineza ya Nyagasani Yezu ibane namwe mwese!