Abefeso 2:12 - Kinyarwanda Bibiliya Ntagatifu

¹² nimwibuke uko mwari mumeze kera: icyo gihe mwari mwibereye aho mutagira Umukiza, nta sano mufitanye na Israheli, nta ho muhuriye n’Amasezerano y’Imana, ndetse mutanayizi, kandi nta cyo mwizeye kuri iyi si.

Bibiliya Yera

¹² mwibuke ko icyo gihe mwari mudafite Kristo mutandukanijwe n'Ubwisirayeli, muri abashyitsi ku masezerano y'ibyasezeranijwe, ari nta byiringiro mufite by'ibizaba, ahubwo mwari mu isi mudafite Imana Rurema.

Bibiliya Ijambo ry'imana D

¹² uko kera mwari mumeze. Mwariho mudafite Kristo nta sano mufitanye n'Abisiraheli, nta ruhare mufite ku byasezeranywe bishingiye ku Isezerano Imana yagiranye n'ubwoko bwayo. Mwari ku isi nta Mana mufite, nta cyo mwiringiye na busa.

Bibiliya Ijambo ry'imana

¹² uko kera mwari mumeze. Mwariho mudafite Kristo nta sano mufitanye n'Abisiraheli, nta ruhare mufite ku byasezeranywe bishingiye ku Isezerano Imana yagiranye n'ubwoko bwayo. Mwari ku isi nta Mana mufite, nta cyo mwiringiye na busa.

Abefeso 2:12 Iomraidhean Croise

Itangiriro 15:18

Uwo munsi Uhoraho agirana amasezerano na Abramu, muri aya magambo ati «Iki gihugu ngihaye urubyaro rwawe, kuva ku ruzi rwa Misiri kugeza ku ruzi runini rwa Efurati.»

2 Ngoma 15:3

Abayisraheli bamaze igihe kirekire batagira Imana nyakuri, nta muherezabitambo wo kubigisha, nta n’amategeko.

Ezira 4:3

Ariko Zorobabeli, Yozuwe n’abatware b’umuryango wa Israheli barabasubiza bati «Ntidushobora gufatanya namwe kubaka Ingoro y’Imana yacu, ahubwo ni twe twenyine tugomba kubakira Uhoraho Imana ya Israheli, nk’uko Sirusi umwami w’Abaperisi yabidutegetse.»

Iyimukamisiri 12:45

Naho umushyitsi n’umucanshuro, bo ntibazayiryeho.

Yesaya 14:1

Uhoraho azagirira impuhwe bene Yakobo, azatoranya bundi bushya umuryango wa Israheli, azabatuze mu gihugu cyabo. Abanyamahanga bazaza babagana, bifatanye n’inzu ya Yakobo.

Yesaya 44:6

Avuze atya Uhoraho, Umwami wa Israheli, uwayicunguye, Uhoraho, Umugaba w’ingabo: Ni jye ntangiriro, nkaba n’iherezo, nta yindi mana ibaho, itari jye.

Yesaya 45:20

Nimukorakorane maze muze, nimungane mwese icyarimwe, abarokotse bo mu mahanga. Nta bwenge bagira, abatambagiza amashusho yabo y’ibiti, kandi bagasenga imana idashobora kubakiza.

Yesaya 61:5

Abantu baturutse impande zose bazaragira amatungo yanyu, abanyamahanga bababere abahinzi n’abakozi bo mu mizabibu.

Yeremiya 14:8

Mizero ya Israheli, wowe ukiza mu gihe cy’amagorwa, ni kuki wakwitwara nk’umunyamahanga mu gihugu, cyangwa umugenzi ushaka icumbi?

Yeremiya 17:13

Uhoraho, mizero ya Israheli, abakwanga bazakorwa n’isoni, abakwihunza bazahanwa, kuko bihungije isoko y’amazi afutse, ari yo Uhoraho.

Ezekiyeli 13:9

Ikiganza cyanjye kizibasira abo bahanuzi b’amabonekerwa y’amafuti n’inyigisho z’ibinyoma; ntibazakirwa mu nama y’umuryango wanjye, ntibazandikwa mu gitabo cy’umuryango wa Israheli, yewe ntibazinjira no mu gihugu cya Israheli; bityo muzamenye ko ndi Nyagasani Uhoraho.

Ezekiyeli 37:26

Nzagirana na bo Isezerano ry’amahoro, rizababere isezerano rihoraho. Nzabatuza, mbagwize kandi nshinge Ingoro yanjye rwagati muri bo ubuziraherezo.

Ezekiyeli 47:22

Muzakigabanya ubwanyu, kimwe n’abanyamahanga batuye muri mwe bakabyarira abana iwanyu, kuko mugomba kubafata nk’aho ari Abayisraheli. Na bo bazakora ubufindo hamwe namwe, kugira ngo bagire umugabane mu miryango ya Israheli.

Hoseya 3:4

Koko rero, n’Abayisraheli bazamara igihe kirekire batagira umwami, nta mutware, nta n’igitambo, nta nkingi, nta n’uruhago cyangwa amabuye y’ubufindo.

Kubara 18:19

Amaturo yose agabanyijwe ku bintu bitagatifu, Abayisraheli bakayatura Uhoraho, wowe n’abahungu bawe n’abakobwa bawe, ndayabahaye ku buryo budasubirwaho. Iryo ribe Isezerano rikoreshejwe umunyu, kandi ridakuka mu maso y’Uhoraho, kuri wowe no ku bazagukomokaho.»

Luka 1:72

Yagiriye impuhwe ababyeyi bacu, maze yibuka isezerano rye ritagatifu,

Yohana 10:16

Mfite n’izindi ntama zitari muri uru rugo, na zo ngomba kuzizana zikazumva ijwi ryanjye, maze hakaba igikumba kimwe n’umushumba umwe.

Yohana 15:5

Jye ndi umuzabibu, mwe mukaba amashami. Uba rero muri jye, nanjye nkaba muri we, yera imbuto nyinshi; koko tutari kumwe nta cyo mwashobora.

Yohana 4:22

Mwebwe musenga Uwo mutazi, naho twe tugasenga Uwo tuzi, kuko umukiro uturuka mu Bayahudi.

Ibyakozwe 2:39

Kuko Isezerano ari mwe ryagenewe kimwe n’abana banyu, ndetse n’abari kure bose, n’abandi batabarika uko Nyagasani Imana yacu azabihamagarira.»

Ibyakozwe 28:20

Ngicyo rero icyatumye mbatumiza ngo tuganire. Mu by’ukuri, naboheshejwe iminyururu ku mpamvu y’amizero ya Israheli.»

Ibyakozwe 3:25

Ni mwebwe abaragwa b’Abahanuzi, n’ab’Isezerano Imana yagiranye n’abasekuruza bacu igihe ibwiye Abrahamu iti ’Imiryango yose y’isi izaherwa umugisha mu rubyaro rwawe.’

Abaroma 9:8

Ari byo kuvuga ko kuba abana be ku bw’umubiri, atari byo kuba abana b’Imana, ahubwo abana b’isezerano ni bo babarwa mu rubyaro.

Abagalatiya 4:8

Kera mutaramenya Imana, mwari abacakara bakorera ibidafite kamere y’Imana.

Abefeso 2:19

Nuko rero ntimukiri abanyamahanga n’abasuhuke; ahubwo musangiye ubwenegihugu n’abatagatifujwe, mubarirwa mu muryango w’Imana.

Abefeso 4:18

Koko ibitekerezo byabo bigandiyemo umwijima; bitandukanyije n’ubugingo buva ku Mana kubera ubujiji baterwa no kunangira umutima wabo;

Abakolosayi 1:21

Namwe ubwanyu, kera mwari mwaraciye ukubiri n’Imana, mwari n’abanzi bayo kubera ibitekerezo n’ibikorwa byanyu bibi,

Abakolosayi 1:27

Ni bo Imana yishakiye kumenyesha ikuzo n’ibyiza bitagereranywa iryo banga rizanira abanyamahanga: Kristu ari muri mwe, We uzaduhesha ikuzo twizeye!

Abakolosayi 1:5

mubitewe no kwizera ibyiza bibagenewe mu ijuru. Ayo mizero mwayamenyeshejwe n’ijambo ry’ukuri, ari yo Nkuru Nziza yageze iwanyu.

1 Abatesalonike 4:13

Bavandimwe, nta bwo dushaka ko muguma mu bujiji ku byerekeye abapfuye, kugira ngo mudaheranwa n’ishavu, nk’abandi batagira icyo bizera.

1 Abatesalonike 4:5

yange gutwarwa n’irari nk’abanyamahanga batazi Imana.

2 Abatesalonike 2:16

Umwami wacu Yezu Kristu ubwe, hamwe n’Imana Umubyeyi wacu wadukunze, maze ku neza ye akaduha kwizera ihumure ritazashira,

1 Timoteyo 1:1

Jyewe Pawulo, intumwa ya Yezu Kristu, uko Imana Umukiza wacu na Kristu Yezu amizero yacu babishatse,

Abeheburayo 11:34

bazimya ubukana bw’umuriro, bahonoka ubugi bw’inkota, bashinga intege bakirutse indwara, bagira ubutwari igihe cy’intambara, bakumira ingabo z’abanyamahanga.

Abeheburayo 6:18

Iryo sezerano n’iyo ndahiro bidakuka kandi bitarangwamo ubuhendanyi bw’Imana, ni byo shingiro ridahungabana ry’amizero yacu, twe abemeye guhara byose ngo tugere ku mizero twasezeranijwe.

Abeheburayo 8:6

Ariko ubu ngubu Umuherezagitambo wacu mukuru yeguriwe umurimo uruta cyane uwabo, kuko ari umuhuza w’Isezerano rishingiye ku byiza bihebuje, biruse ibyari byarasezeranywe mbere.

1 Petero 1:21

Ni na We mukesha kwemera Imana yamuzuye mu bapfuye kandi ikamukuza, ku buryo ukwemera kwanyu n’amizero yanyu bishingira ku Mana.

1 Petero 1:3

Nihasingizwe Imana, Se w’Umwami wacu Yezu Kristu, kuko yagiriye impuhwe zayo z’igisagirane maze ikaduha ubugingo bushya, kugira ngo tugire amizero ahamye dukesha izuka rya Yezu Kristu mu bapfuye,

1 Petero 3:15

ahubwo nimwubahe Kristu mu mitima yanyu, kuko ari We Nyagasani. Nimuhore mwiteguye guha igisubizo umuntu wese uzagira icyo ababaza ku byerekeye ukwizera kwanyu.

1 Yohana 3:3

Umuntu wese kandi umufiteho ayo mizero, arisukura nk’uko na We ari umuziranenge.