Abalewi 9:7 - Kinyarwanda Bibiliya Ntagatifu

⁷ Nuko Musa abwira Aroni, ati «Egera urutambiro, uture igitambo cyawe cy’impongano y’ibyaha n’igitambo cyawe gitwikwa, kugira ngo wikorereho ubwawe no ku muryango umuhango ubahanaguraho icyaha. Hanyuma, umurike amaturo y’umuryango kugira ngo uwukorereho umuhango uwuhanaguraho icyaha nk’uko Uhoraho yabitegetse.»

Bibiliya Yera

⁷ Mose abwira Aroni ati “Egera igicaniro witambirire igitambo cyo gutambirwa ibyaha n'icyo koswa, wihongerere, uhongerere n'abantu, maze utambirire n'abantu ibitambo byabo, ubahongerere, uko Uwiteka yategetse.”

Bibiliya Ijambo ry'imana D

⁷ Musa abwira Aroni ati: “Egera urutambiro utambe igitambo cyawe cyo guhongerera ibyaha n'igikongorwa n'umuriro, kugira ngo wowe n'Abisiraheli mubabarirwe, hanyuma uture Uhoraho amaturo yabo nk'uko yabitegetse, kugira ngo bababarirwe.”

Bibiliya Ijambo ry'imana

⁷ Musa abwira Aroni ati: “Egera urutambiro utambe igitambo cyawe cyo guhongerera ibyaha n'igikongorwa n'umuriro, kugira ngo wowe n'Abisiraheli mubabarirwe, hanyuma uture Uhoraho amaturo yabo nk'uko yabitegetse, kugira ngo bababarirwe.”

Abalewi 9:7 Iomraidhean Croise

Abalewi 16:11

Cya kimasa, Aroni azagituraho igitambo cy’impongano y’icyaha cye, maze yikorereho umuhango uhanagura icyaha, anawukorere ku nzu ye. Nyuma, icyo kimasa cy’impongano y’icyaha cye, azacyica.

Abalewi 16:24

Aziyuhagirira ahantu hasukuye, maze abone kongera kwambara imyambaro ye isanzwe. Ubwo rero, azasohoka, ature igitambo cye gitwikwa hamwe n’icy’umuryango. Azakora kandi umuhango wo guhanagura icyaha kuri we ubwe, no ku muryango wose.

Abalewi 16:6

Cya kimasa, Aroni azagituraho igitambo cy’impongano y’icyaha cye, maze yikorereho umuhango uhanagura icyaha, anawukorere ku nzu ye.

Abalewi 4:3

Niba uguye mu cyaha ari umuherezabitambo wasizwe amavuta, kubera iyo mpamvu agatuma umuryango wose ucumura, azatura Uhoraho ikimasa cy’igisore kidafite inenge; kibe igitambo cy’impongano y’icyaha.

Abalewi 8:34

uko byagenze uyu munsi. Koko Uhoraho yabitegetse kugira ngo mugirirweho umuhango wo guhanagurwaho ibyaha.

Abalewi 9:2

Musa rero abwira Aroni, ati «Shaka ikimasa cyo guturwaho igitambo cy’impongano y’icyaha, hamwe n’isekurume y’intama yo guturwaho igitambo gitwikwa. Ayo matungo yombi, uzayamurika imbere y’Uhoraho, ariko azabe atagira inenge.

Abeheburayo 5:1

Umuherezabitambo mukuru wese atorwa mu bantu kandi agashyirirwaho gufasha abantu mu mubano wabo n’Imana; ashinzwe guhereza amaturo n’ibitambo bihongerera ibyaha.

Abeheburayo 5:3

kandi nk’uko atambirira ibyaha by’imbaga, na we aboneraho guhongerera ibye bwite.

Abeheburayo 9:7

Mu cyumba cya kabiri ho, umuherezabitambo mukuru ahinjira gusa rimwe mu mwaka, kandi yitwaje amaraso yo guhongerera ibyaha by’ubujiji bwe bwite, kimwe n’iby’imbaga.

1 Samweli 3:14

Ni yo mpamvu ndahiriye inzu ya Heli: nta kizasibanganya igicumuro cy’inzu ya Heli, cyaba igitambo cyangwa ituro.»