Abalewi 9:23 - Kinyarwanda Bibiliya Ntagatifu

²³ Nyuma y’ibyo, Musa na Aroni binjira mu ihema ry’ibonaniro, barisohotsemo baha imbaga umugisha, maze ikuzo ry’Uhoraho ryigaragariza umuryango wose.

Bibiliya Yera

²³ Mose na Aroni binjira mu ihema ry'ibonaniro, barisohokamo bahesha abantu umugisha, maze ubwiza bw'Uwiteka bubonekera ubwo bwoko bwose.

Bibiliya Ijambo ry'imana D

²³ Musa na Aroni binjira mu Ihema ry'ibonaniro, basohotsemo basabira abantu umugisha. Nuko ikuzo ry'Uhoraho ribonekera abantu bose.

Bibiliya Ijambo ry'imana

²³ Musa na Aroni binjira mu Ihema ry'ibonaniro, basohotsemo basabira abantu umugisha. Nuko ikuzo ry'Uhoraho ribonekera abantu bose.

Abalewi 9:23 Iomraidhean Croise

2 Ngoma 7:1

Salomoni amaze gusenga, umuriro umanuka uva mu ijuru, ibitambo bitwikwa n’amaturo, birakongoka, maze ikuzo ry’Uhoraho ryuzura Ingoro.

Iyimukamisiri 16:10

Mu gihe Aroni yabwiraga ikoraniro ryose ry’Abayisraheli, berekeza amaso ahagana mu butayu, maze ikuzo ry’Uhoraho ribabonekera riri mu gacu.

Iyimukamisiri 39:43

Musa areba ibyakozwe byose, maze asanga barabitunganyije; babikora uko Uhoraho yari yarabitegetse. Nuko Musa abasabira umugisha.

Abalewi 9:4

Mufate kandi ikimasa hamwe n’isekurume y’intama byo guturwaho igitambo cy’ubuhoro imbere y’Uhoraho. Ntimwibagirwe kandi n’ituro ry’ifu ivugishijwe amavuta. Impamvu y’ibyo byose ni uko uyu munsi ariho Uhoraho ari bubabonekere.’»

Abalewi 9:6

Nuko Musa aravuga ati «Dore ibyo Uhoraho yabategetse gukora kugira ngo ikuzo rye ribigaragarize.»

Kubara 14:10

Imbaga yose yari mu migambi yo kubicisha amabuye, nuko ikuzo ry’Uhoraho ryigaragariza Abayisraheli bose ku ihema ry’ibonaniro.

Kubara 16:19

Kore akoranyiriza abantu be iruhande rwa Musa na Aroni, ku muryango w’ihema ry’ibonaniro. Nuko ikuzo ry’Uhoraho ryigaragariza imbaga yose,