Abalewi 8:7 - Kinyarwanda Bibiliya Ntagatifu

⁷ Nyuma y’ibyo, yambika Aroni ikanzu anamusesuraho umusanganyagihimba, maze amukenyeza n’umukandara wawo kugira ngo awumukomezeho.

Bibiliya Yera

⁷ Amwambika ya kanzu ibanza ku mubiri, amukenyeza wa mushumi, amwambika ya kanzu yindi, na efodi, amukenyeza wa mushumi waboshywe n'abahanga uri kuri efodi, arawuyihwamikisha.

Bibiliya Ijambo ry'imana D

⁷ yambika Aroni ikanzu ndende amukenyeza umukandara, amwambika n'ikanzu ngufi n'igishura amukenyeza n'umukandara wacyo,

Bibiliya Ijambo ry'imana

⁷ yambika Aroni ikanzu ndende amukenyeza umukandara, amwambika n'ikanzu ngufi n'igishura amukenyeza n'umukandara wacyo,

Abalewi 8:7 Iomraidhean Croise

Iyimukamisiri 28:2

Umuvandimwe wawe Aroni, umudodeshereze imyambaro y’ubuherezabitambo imuhesha ikuzo n’icyubahiro.

Iyimukamisiri 28:4

Dore imyambaro bazakora: umusesuragituza, umusanganyagihimba, igishura, ikanzu itatse, igitambaro batamiriza, n’umukandara. Iyo myambaro mitagatifu bazayikorere Aroni umuvandimwe wawe, n’abahungu be, kugira ngo babe abaherezabitambo banjye.

Iyimukamisiri 28:6

Umusanganyagihimba bazawukoreshe zahabu, ubwoya bw’isine, bw’umuhemba n’ubutukura, na hariri ihotoye: uzadodwe n’umuhanga.

Iyimukamisiri 29:5

Hanyuma uzende imyambaro, wambike Aroni ikanzu, ugerekeho igishura cy’umusanganyagihimba ubwawo, n’umusesuragituza, maze uzawukindikirishe umukandara wo ku musanganyagihimba.

Yesaya 61:10

Ndasabagizwa n’ibyishimo muri Uhoraho, umutima wanjye uhimbajwe n’Imana yanjye, kuko yanyambitse umwambaro w’umukiro, akansesuraho umwitero w’ubutungane. Nishimye nk’umukwe utamirije ikamba rye, cyangwa umugeni witatse imirimbo ye.

Yesaya 61:3

kwambika ikamba abashavuye b’i Siyoni. Bazambikwa ikamba mu kigwi cy’ivu, umwambaro w’umurimbo mu cyimbo cy’ibigunira, basigwe amavuta y’ibyishimo mu mwanya w’umubabaro. Bityo bazabite «Imishishi y’ubutabera, ibihingwa by’Uhoraho, bigenewe kumenyekanyisha ikuzo rye.»

Ezekiyeli 42:14

Igihe abaherezabitambo bazaba bahinjiye, ntibazasohoka ahantu hatagatifu ngo bajye mu gikari cyo hanze, batabanje kuhasiga imyambaro y’ubuherezabitambo kuko ari imyambaro mitagatifu. Bazabanza bambare indi myambaro, kugira ngo babone kujya hanze, ahagenewe rubanda.»

Abaroma 13:14

Ahubwo nimwiyambike Nyagasani Yezu Kristu kandi ntimukishinge umubiri ngo mukore ibyo wifuza.

Abaroma 3:22

Ni ubutungane bw’Imana butangwa no kwemera Yezu Kristu, bukaba bugenewe abemera bose nta vangura.

Abagalatiya 3:27

Kandi ni koko, mwebwe mwese ababatijwe muri Kristu, mwambaye Kristu.

1 Samweli 2:28

So namutoranyije mu miryango yose ya Israheli mugira umuherezabitambo wanjye, ngo ajye yegera urutambiro rwanjye, ahatwikire umubavu, anambare umusanganyagihimba mu maso yanjye. Ibyo Abayisraheli batura byose, nabyeguriye umuryango wa so.