Abalewi 8:15 - Kinyarwanda Bibiliya Ntagatifu

¹⁵ Musa aragisogota. Amaraso yacyo arayareza maze ayasigisha urutoki rwe ku mahembe y’urutambiro, hirya no hino, ararusukura. Andi maraso yayasheshe mu nsi y’urutambiro, arukoreraho umuhango wo kuruhumanura.

Bibiliya Yera

¹⁵ Mose arakibīkīra, yenda amaraso yacyo, ayashyirisha urutoki ku mahembe y'igicaniro impande zose, aboneza icyo gicaniro, akibyariraho amaraso hasi, acyereza kugihongerera.

Bibiliya Ijambo ry'imana D

¹⁵ Musa aracyica afata ku maraso yacyo, ayasīgisha urutoki ku mahembe y'urutambiro kugira ngo aruhumanure, asigaye ayasuka ku gice cyo hasi cy'urutambiro kugira ngo arwegurire Uhoraho kandi arutunganye.

Bibiliya Ijambo ry'imana

¹⁵ Musa aracyica afata ku maraso yacyo, ayasīgisha urutoki ku mahembe y'urutambiro kugira ngo aruhumanure, asigaye ayasuka ku gice cyo hasi cy'urutambiro kugira ngo arwegurire Uhoraho kandi arutunganye.

Abalewi 8:15 Iomraidhean Croise

2 Ngoma 29:24

Abaherezabitambo barayabaga, amaraso yayo bayamisha ku rutambiro bahongerera ibyaha. Nuko basabira imbabazi Abayisraheli bose, kuko umwami yari yategetse ko basabira Abayisraheli bose bagatura ibitambo bitwikwa n’ibyo guhongerera ibyaha byabo.

Ezekiyeli 45:20

Uzabigenze utyo na none ku munsi wa karindwi w’ukwezi, ubigirira uwaba yacumuye kubera uburangare cyangwa se atabishakaga. Bityo muzaba muhongereye ubwandu bw’Ingoro.

Abalewi 1:11

Azayicira imbere y’Uhoraho ahagana mu majyaruguru y’urutambiro, maze abaherezabitambo ari bo bene Aroni bamishe amaraso yayo mu mpande zose z’urwo rutambiro.

Abalewi 1:5

Iryo tungo azarisogotera imbere y’Uhoraho, nuko abaherezabitambo ari bo bene Aroni bamurike amaraso yaryo, maze bayamishe impande zose z’urutambiro ruri ku muryango w’ihema ry’ibonaniro.

Abalewi 16:20

Iyo arangije gusukura Ingoro, n’ihema ry’ibonaniro ryose, n’urutambiro, umuherezabitambo amurika ya sekurume y’ihene ikiri nzima.

Abalewi 3:2

Arambike ikiganza ku mutwe w’icyo gitambo, akicire ku muryango w’ihema ry’ibonaniro, nuko abaherezabitambo ari bo bene Aroni bamishe amaraso yacyo impande zose z’urutambiro.

Abalewi 3:8

awurambikeho ikiganza ku mutwe, maze awicire imbere y’ihema ry’ibonaniro. Nuko bene Aroni bazamishe amaraso yawo mu mpande zose z’urutambiro.

Abalewi 4:25

Nuko, umuherezabitambo azakoze urutoki mu maraso y’icyo gitambo cy’impongano y’icyaha, ayasige ku mahembe y’urutambiro rw’ibitambo bitwikwa, hanyuma andi asigaye yose ayasese mu nsi y’urutambiro rw’ibitambo bitwikwa.

Abalewi 4:30

Umuherezabitambo azakoze urutoki rwe mu maraso yacyo, ayasige ku mahembe y’urutambiro rw’ibitambo bitwikwa, hanyuma andi asigaye ayasese mu nsi y’urutambiro.

Abalewi 4:7

Hanyuma, umuherezabitambo afate kuri ayo maraso, ayasige ku mahembe y’urutambiro rw’imibavu imbere y’Uhoraho, mu ihema ry’ibonaniro, andi maraso asigaye yose y’ikimasa ayasese hasi y’urutambiro rw’ibitambo bitwikwa ruri ku muryango w’ihema ry’ibonaniro.

Kubara 8:12

Abalevi bazaramburira ibiganza byabo ku ruhanga rwa bya bimasa, maze wowe ubwawe uzabiture Uhoraho, kimwe ugitangeho igitambo cyo guhongera ibyaha, ikindi ugitangeho igitambo gitwikwa, kugira ngo ukorere ku Balevi umuhango w’ibabarirwa ry’ibyaha.

Abaroma 5:10

Koko rero, niba twariyunze n’Imana mu rupfu rw’Umwana wayo kandi nyamara twari abanzi, ubwo twiyunze, tuzarokorwa mu buzima bwe ku buryo busumbijeho.

Abefeso 2:16

maze bombi abagire umubiri umwe, abagorore n’Imana abigirishije umusaraba we, awutsembeshe inzangano zose.

Abeheburayo 2:17

Kubera iyo mpamvu yagombaga kwishushanya n’abavandimwe be muri byose, akaba Umuherezagitambo Mukuru w’umunyampuhwe, kandi wishyikira ku Mana ngo ahanagure ibyaha by’imbaga.