Abalewi 8:13 - Kinyarwanda Bibiliya Ntagatifu

¹³ Musa yigiza hino bene Aroni, abambika amakanzu, abakenyeza imikandara, maze abategesha n’ingofero z’abaherezabitambo nk’uko Uhoraho yari yabimutegetse.

Bibiliya Yera

¹³ Mose azana bene Aroni abambika amakanzu, abakenyeza imishumi, abambika ingofero uko Uwiteka yategetse Mose.

Bibiliya Ijambo ry'imana D

¹³ Abahungu ba Aroni na bo Musa abigiza imbere abambika amakanzu, abakenyeza imikandara abambika n'ingofero, nk'uko Uhoraho yabimutegetse.

Bibiliya Ijambo ry'imana

¹³ Abahungu ba Aroni na bo Musa abigiza imbere abambika amakanzu, abakenyeza imikandara abambika n'ingofero, nk'uko Uhoraho yabimutegetse.

Abalewi 8:13 Iomraidhean Croise

Zaburi 132:9

Abaherezabitambo bawe nibambare ubutungane, maze abayoboke bawe bavuze impundu.

Iyimukamisiri 40:13

hanyuma wambike Aroni imyambaro mitagatifu, umusige amavuta, maze umutagatifuze, ambere umuherezabitambo.

Iyimukamisiri 40:16

Musa arumvira, akora ibyo Uhoraho yari yamutegetse byose.

Yesaya 61:10

Ndasabagizwa n’ibyishimo muri Uhoraho, umutima wanjye uhimbajwe n’Imana yanjye, kuko yanyambitse umwambaro w’umukiro, akansesuraho umwitero w’ubutungane. Nishimye nk’umukwe utamirije ikamba rye, cyangwa umugeni witatse imirimbo ye.

Yesaya 61:6

Naho mwebwe, muzitwa «abaherezabitambo b’Uhoraho», bazabite «abagaragu b’Imana yacu». Muzatungwa n’umusaruro w’amahanga, mushimishwe no kwigarurira ikuzo ryabo.

Ezekiyeli 42:14

Igihe abaherezabitambo bazaba bahinjiye, ntibazasohoka ahantu hatagatifu ngo bajye mu gikari cyo hanze, batabanje kuhasiga imyambaro y’ubuherezabitambo kuko ari imyambaro mitagatifu. Bazabanza bambare indi myambaro, kugira ngo babone kujya hanze, ahagenewe rubanda.»

Abalewi 10:5

Nuko baraza babaterurira mu makanzu yabo, babakura mu ngando nk’uko Musa yari yabitegetse.

Abalewi 8:21

Amara n’amaguru abyogesha amazi, maze ya sekurume y’intama yose ayikongereza ku rutambiro. Nk’uko Uhoraho yari yabitegetse Musa, icyo ni cyo cyabaye igitambo gitwikwa kandi gifite impumuro yurura; igitambo cy’ibiribwa bikongokeye Uhoraho burundu.

1 Petero 2:5

bityo namwe mube nk’amabuye mazima, mwubakwemo ingoro ndengakamere, kugira ngo mube imbaga ntagatifu y’abaherezabitambo, mwitureho ibitambo ndengakamere bishimisha Imana ku bwa Yezu Kristu.

1 Petero 2:9

Naho mwebwe muri ubwoko bwatoranyijwe, imbaga y’abaherezabitambo ba cyami, ihanga ritagatifu, umuryango Imana yironkeye, kugira ngo mujye mwamamaza ibigwi by’Uwabahamagaye, abavana mu mwijima, akabinjiza mu rumuri rwe rw’agatangaza,

Ibyahisuwe 1:6

maze atugira ihanga rya cyami n’abaherezabitambo, kugira ngo dukorere Imana Se. Naharirwe rero ikuzo n’ububasha, uko ibihe bihora bisimburana iteka! Amen!

Ibyahisuwe 5:10

ukabagira ingoma n’abaherezagitambo b’Imana yacu, maze bakazima ingoma ku isi.»