Abalewi 5:12 - Kinyarwanda Bibiliya Ntagatifu

¹² Azayishyikirize umuherezabitambo; umuherezabitambo ayoreho iyuzuye urushyi y’umuhango, maze ayitwikire ku rutambiro, yiyongere ku gitambo cy’ibiribwa bikongokeye Uhoraho burundu. Icyo ni gitambo cy’impongano y’icyaha.

Bibiliya Yera

¹² Iyo fu ayizanire umutambyi, uwo mutambyi ayikureho iyuzuye urushyi, ibe urwibutso rw'iryo turo, ayosereze ku gicaniro, hejuru y'ibitambo byatambiwe Uwiteka bigakongorwa n'umuriro. Iryo ni ituro rituririrwa ibyaha.

Bibiliya Ijambo ry'imana D

¹² Umutambyi namara kwākīra iyo fu, ajye afataho urushyi ayitwikane n'andi maturo atwikwa, bibe ikimenyetso cy'uko byose byatuwe Uhoraho. Ibyo na byo bibe ituro ryo guhongerera icyaha.

Bibiliya Ijambo ry'imana

¹² Umutambyi namara kwākīra iyo fu, ajye afataho urushyi ayitwikane n'andi maturo atwikwa, bibe ikimenyetso cy'uko byose byatuwe Uhoraho. Ibyo na byo bibe ituro ryo guhongerera icyaha.

Abalewi 5:12 Iomraidhean Croise

Abalewi 1:13

Ibyo mu nda, amaguru n’amaboko bazabyogesha amazi, maze umuherezabitambo abitwikire byose ku rutambiro. Icyo ni igitambo gitwikwa, igitambo cy’ibiribwa gikongotse burundu, kandi gifite impumuro yurura Uhoraho.

Abalewi 1:17

Iyo nyoni bazayisaturira hagati y’amababa, ariko boye kuyatandukanya, maze umuherezabitambo ayitwikire ku rutambiro hejuru y’inkwi ziri ku muriro. Icyo ni igitambo gitwikwa, igitambo cy’ibiribwa gikongotse burundu, kandi gifite impumuro yurura Uhoraho.

Abalewi 1:9

Ibyo mu nda, amaguru hamwe n’amaboko bazabyogesha amazi, maze umuherezabitambo atwikire ibyo byose ku rutambiro. Icyo ni igitambo gitwikwa, igitambo cy’ibiribwa gikongotse burundu, kandi gifite impumuro yurura Uhoraho.

Abalewi 2:16

Hanyuma, kuri iyo fu y’igiheri no kuri ayo mavuta, umuherezabitambo azagabanyeho iby’umuhango, maze abitwikane na bwa bubani bwose. Iryo ni ituro, igitambo cy’ibiribwa gikongokeye Uhoraho burundu.

Abalewi 2:2

ayishyikirize abaherezabitambo ari bo bene Aroni. Kuri iyo fu ivanze n’amavuta, umuherezabitambo azayoreho incuro y’urushyi by’umuhango, abitwikire ku rutambiro. Iryo ni ituro ry’ibiribwa rikongotse burundu, kandi rifite impumuro yurura Uhoraho.

Abalewi 2:9

Umuherezabitambo azagabanya kuri iryo turo iby’umuhango, maze abitwikire ku rutambiro. Icyo ni igitambo cy’ibiribwa bikongotse burundu, kandi bifite impumuro yurura Uhoraho.

Abalewi 3:11

Hanyuma, ibyo byose umuherezabitambo azabitwikire ku rutambiro, bibe igitambo cy’ibiribwa bikongokeye Uhoraho burundu.

Abalewi 3:4

n’impyiko zombi hamwe n’ikinure kizifasheho n’igifashe ku byaziha, urugimbu rwo ku mwijima na rwo bazarwomoreho rusange impyiko.

Abalewi 4:35

Inyama zose zifite ibinure azazikureho, nk’uko bagenza umwana w’intama utuweho igitambo cy’ubuhoro, maze umuherezabitambo azitwikire ku rutambiro, ziyongere ku gitambo cy’ibiribwa bikongokeye Uhoraho burundu. Umuherezabitambo namara gukorera ku wakoze icyaha umuhango wo kukimuhanaguraho, ubwo azaba akibabariwe.

Abalewi 5:11

Niba umuntu adashoboye kubona intungura ebyiri cyangwa inuma ebyiri, kugira ngo abitureho igitambo cy’impongano y’icyaha yakoze, ashobora nibura kuzana akebo k’ifu, kakaba igitambo cy’impongano y’icyaha. Iyo fu ntazayisukeho amavuta cyangwa ngo ayimeneho umubavu, kuko izaba ari iyo guturwaho igitambo cy’impongano y’icyaha.

Abalewi 5:13

Iyo umuntu yakoze icyaha kimwe muri biriya, maze umuherezabitambo akamukoreraho umuhango wo kumuhanaguraho igicumuro cye, ubwo aba akibabariwe. Umuherezabitambo azarangiza rero imihango yose nk’uko abigenza ku yandi maturo.»

Abalewi 6:15

Umuherezabitambo wo mu bana ba Aroni uzasigwa amavuta ngo azamuzungure, na we azajye abigenza atyo. Iryo rizababere ituro rihoraho, kandi rizajye ritwikwa ryose, nta cyo mugabanyijeho.

Kubara 5:26

Umuherezabitambo azagabanya kuri ya fu y’ituro urushyi rumwe rw’urwibutso, maze ayitwikire ku rutambiro; narangiza ahe umugore ya mazi ayanywe.

Ibyakozwe 10:4

Undi amuhanga amaso, ubwoba buramutaha, ni ko gusubiza ati «Ni iki se, Nyagasani?» Umumalayika aramubwira ati «Amasengesho yawe n’ubuntu bwawe byageze ku Mana, ntibyibagirwa.

Abefeso 5:2

mujye mukundana nk’uko Kristu yadukunze, maze ubwe akatwitangira aba igitambo n’ituro bimeze nk’umubavu uhumura neza, bigashimisha Imana.