Abalewi 4:3 - Kinyarwanda Bibiliya Ntagatifu

³ Niba uguye mu cyaha ari umuherezabitambo wasizwe amavuta, kubera iyo mpamvu agatuma umuryango wose ucumura, azatura Uhoraho ikimasa cy’igisore kidafite inenge; kibe igitambo cy’impongano y’icyaha.

Bibiliya Yera

³ “Niba ari umutambyi wasīzwe ukora icyaha, agashyirisha ku bwoko bwose urubanza, atambire icyo cyaha yakoze ikimasa cy'umusore kidafite inenge, agitambire Uwiteka ho igitambo gitambirwa ibyaha.

Bibiliya Ijambo ry'imana D

³ Niba ari Umutambyi mukuru ukoze icyaha agatuma Abisiraheli batababarirwa ibyaha, ajye atambira Uhoraho ikimasa kidafite inenge ho igitambo cyo guhongerera icyo cyaha.

Bibiliya Ijambo ry'imana

³ Niba ari Umutambyi mukuru ukoze icyaha agatuma Abisiraheli batababarirwa ibyaha, ajye atambira Uhoraho ikimasa kidafite inenge ho igitambo cyo guhongerera icyo cyaha.

Abalewi 4:3 Iomraidhean Croise

2 Ngoma 29:21

Bazana ibimasa birindwi, amasekurume y’intama arindwi, abana b’intama barindwi n’amasekurume y’ihene arindwi, kugira ngo abiture ho igitambo cy’impongano z’ibyaha, maze asabire inzu y’umwami, Ingoro y’Uhoraho n’Abayuda bose; hanyuma ategeka abaherezabitambo bene Aroni kubiturira ku rutambiro rw’Uhoraho.

Ezira 8:35

abari barajyanywe bunyago batura Imana ya Israheli ibimasa cumi na bibiri, za rugeyo mirongo cyenda n’esheshatu, intama mirongo irindwi n’indwi, amasekurume cumi n’abiri, byo guhongerera ibyaha bya Israheli yose: byose biturwa Uhoraho ho igitambo gitwikwa.

Iyimukamisiri 29:14

Naho inyama z’ikimasa, n’uruhu n’amayezi, uzabitwikire inyuma y’ingando: ni igitambo gihongerera ibyaha.

Iyimukamisiri 29:21

Uzende amaraso azaba ari ku rutambiro, n’amavuta yo gusiga, maze ubimishe kuri Aroni no ku myambaro ye, ku bahungu be no ku myambaro yabo. Bityo, azaba yeguriwe Uhoraho, we n’imyambaro ye, kimwe n’abahungu be n’imyambaro yabo.

Iyimukamisiri 29:7

Uzende amavuta yo gusiga, uyasuke ku mutwe we, maze uyamusige.

Iyimukamisiri 30:10

Byongeye, Aroni azakorere umuhango wo guhongerera ibyaha, ku mahembe y’urutambiro rimwe mu mwaka. Azajye arusukura akoresheje amaraso y’igitambo gihongerera ibyaha, rimwe mu mwaka, uko ibihe bigenda bisimburana iteka. Urwo rutambiro ruzabera Uhoraho ahantu hatagatifu rwose.»

Ezekiyeli 40:39

Mu kirongozi hakaba ameza abiri muri buri ruhande, yari agenewe gusogoterwaho ibitambo bitwikwa, ibihongerera ibyaha n’ibyo kwigorora.

Ezekiyeli 43:19

Igihe abaherezabitambo b’Abalevi, ari bo bene Sadoki, bazanyegera ngo banture igitambouwo ni Nyagasani Uhoraho ubivuze — uzabahe akamasa kababere igitambo gihongerera ibyaha.

Ezekiyeli 44:27

hanyuma ku munsi wo kwinjira mu cyumba gitagatifu no mu gikari cy’imbere kugira ngo arangize umurimo we — uwo ni Nyagasani Uhoraho ubivuze — aziturire igitambo cy’impongano y’ibyaha.

Abalewi 1:10

Niba hari ushaka gutura igitambo gitwikwa cyo mu matungo magufiya yo mu bana b’intama cyangwa b’ihene, azazane isekurume idafite inenge.

Abalewi 1:3

Niba ashaka gutura igitambo gitwikwa cyo mu matungo maremare, azazane ikimasa kidafite inenge, maze agiturire ku muryango w’ihema ry’ibonaniro kugira ngo Uhoraho agishime;

Abalewi 16:11

Cya kimasa, Aroni azagituraho igitambo cy’impongano y’icyaha cye, maze yikorereho umuhango uhanagura icyaha, anawukorere ku nzu ye. Nyuma, icyo kimasa cy’impongano y’icyaha cye, azacyica.

Abalewi 16:3

Dore uko Aroni azitegura mbere yo kwinjira mu Ngoro: azitwaze ikimasa kigenewe guturwaho igitambo cy’impongano y’icyaha, hamwe n’isekurume y’intama igenewe igitambo gitwikwa.

Abalewi 16:5

Nyuma y’ibyo Abayisraheli bazamushyikirize amasekurume abiri y’ihene yo guturwaho igitambo gitwikwa.

Abalewi 16:6

Cya kimasa, Aroni azagituraho igitambo cy’impongano y’icyaha cye, maze yikorereho umuhango uhanagura icyaha, anawukorere ku nzu ye.

Abalewi 4:14

icyo cyaha nikimenyekana, ikoraniro rizatura ikimasa cy’umusore cy’impongano y’icyaha; icyo kimasa bazakijyane imbere y’ihema ry’ibonaniro,

Abalewi 4:23

maze bakamumenyesha icyaha yakoze, azazane isekurume y’ihene, idafite inenge, ayiture;

Abalewi 4:28

maze bakamumenyesha icyaha cye, azazana ihene y’inyagazi idafite inenge, ayitureho igitambo cy’impongano y’icyaha yakoze.

Abalewi 4:5

Umuherezabitambo wasizwe amavuta azafata ku maraso y’icyo kimasa cy’igisore, ayajyane mu ihema ry’ibonaniro.

Abalewi 5:6

hanyuma akazanira Uhoraho igitambo cy’impongano, kubera ko yacumuye: icyo gitambo cy’impongano y’icyaha kizabe ari itungo rigufi ry’inyagazi; umwana w’intama cyangwa ihene, maze umuherezabitambo azamukorereho umuhango wo kumuhanaguraho icyaha cye.

Abalewi 6:18

«Dore ibyo uzabwira Aroni n’abahungu be ku byerekeye imihango y’impongano y’icyaha: igitambo cy’impongano y’icyaha kizasogoterwe aho basanzwe bicira ibitambo bitwikwa, imbere y’Uhoraho kuko ari ikintu gitagatifu.

Abalewi 8:12

Andi mavuta ayasiga ku mutwe wa Aroni, amusigira kumutagatifuza.

Abalewi 9:2

Musa rero abwira Aroni, ati «Shaka ikimasa cyo guturwaho igitambo cy’impongano y’icyaha, hamwe n’isekurume y’intama yo guturwaho igitambo gitwikwa. Ayo matungo yombi, uzayamurika imbere y’Uhoraho, ariko azabe atagira inenge.

Abalewi 9:3

Hanyuma uzabwira Abayisraheli aya magambo, uti ’Mufate isekurume y’ihene yo guturwaho igitambo gitwikwa.

Kubara 16:22

Bikubita hasi, maze bubika umutwe ku butaka bavuga bati «Mana, Mana, wowe uha umwuka ikiremwa cyose, umuntu umwe aracumura maze ukarakarira ikoraniro ryose!»

Kubara 8:8

Bazafata ikimasa hamwe n’ituro ryategetswe ry’ifu ivanze n’amavuta, nawe ufate ikindi kimasa uzaturaho igitambo cyo guhongera icyaha.

Abaroma 8:3

Koko rero, ikitashobokeraga amategeko kuko intege nke z’umubiri zayacogozaga, Imana yaragishoboye: igihe yohereje Umwana wayo mu mubiri usa n’uw’icyaha ngo abe igitambo cy’icyaha, yagitsindiye mu mubiri,

2 Abakorinto 5:21

Kristu utarigeze akora icyaha, Imana yamubazeho ibyaha bya muntu, kugira ngo muri We tubarweho ubutungane bw'Imana.

Abeheburayo 5:3

kandi nk’uko atambirira ibyaha by’imbaga, na we aboneraho guhongerera ibye bwite.

Abeheburayo 9:12

Yinjiye rimwe rizima ahatagatifu rwose, atahinjiranye amaraso ya za ruhaya n’ay’ibimasa, ahubwo aye bwite, aturonkera atyo ubucungurwe bw’iteka.