Abalewi 26:8 - Kinyarwanda Bibiliya Ntagatifu

⁸ Batanu muri mwe bazajya bamenesha ababisha ijana, naho ijana bo bameneshe ibihumbi cumi, maze muzabamarishe inkota zanyu.

Bibiliya Yera

⁸ Abatanu muri mwe bazirukana ijana, ijana muri mwe bazirukana abantu inzovu, ababisha banyu bazagushirizwa n'inkota imbere yanyu.

Bibiliya Ijambo ry'imana D

⁸ Nubwo mwaba batanu gusa muzirukana ijana, naho mwaba ijana mwirukane ibihumbi icumi maze mubicishe inkota.

Bibiliya Ijambo ry'imana

⁸ Nubwo mwaba batanu gusa muzirukana ijana, naho mwaba ijana mwirukane ibihumbi icumi maze mubicishe inkota.

Abalewi 26:8 Iomraidhean Croise

1 Ngoma 11:11

Ngiri irondora ry’intwari za Dawudi: Yashobeyamu mwene Hakumoni, umutware w’abitwa Abatatu b’imena. Ni we wabanguriye icumu rye ku bantu magana atatu abicira icyarimwe.

1 Ngoma 11:20

Abishayi murumuna wa Yowabu, ni we wategekaga Ba Mirongo Itatu b’imena. Ni we kandi wakaraze icumu rye, rihinguranya abantu magana atatu, bituma aba ikirangirire muri Ba Mirongo Itatu b’imena.

Abalewi 26:7

Inkota ntizongera kwica mu gihugu cyanyu, ahubwo ababisha banyu muzajya mubirukana mubatsembeshe inkota zanyu.

Zekariya 12:8

Uwo munsi, Uhoraho azarinda abaturage ba Yeruzalemu: udandabiranye kurusha abandi muri bo, uwo munsi azamere nka Dawudi, n’inzu ya Dawudi izamere nk’Imana cyangwa nk’umumalayika w’Uhoraho, ubarangaje imbere.

Kubara 14:9

Mureke rero kwivumburira Uhoraho, mwoye no gutinya abantu bo muri kiriya gihugu; mu kubatsinda tuzabayongobeza mu kanya gato! Imana zabo ntizikibarinda, ngo zibatwikirize igicucu cyazo, ariko twebwe Uhoraho ari kumwe natwe. Mwibatinya rero!»

Kubara 31:4

Imiryango ya Israheli yose izatabara, umwe ugende wohereza ku rugamba abagabo igihumbi.»

Ivugururamategeko 28:7

Abanzi nibahagurukira kugutera, Uhoraho azatuma batsindirwa imbere yawe; bazaza inzira imwe baguteye, baguhunge baciye inzira ndwi zinyuranye.

Ivugururamategeko 32:30

’Umuntu umwe gusa yabasha ate kwirukana abantu igihumbi, abantu babiri gusa babasha bate kwirukana abantu ibihumbi cumi, atari uko Urutare rwabo ruba rwabarekuye, maze Uhoraho akabatanga?

Yosuwa 23:10

Umwe muri mwe yirukanaga igihumbi muri bo, kuko ari Uhoraho, Imana yanyu, wabarwaniriraga nk’uko yabibasezeranyije.

Abacamanza 15:15

Hanyuma arabukwa urwasaya rw’indogobe rukiri rubisi, arambura ukuboko ararufata, maze arwicisha abantu igihumbi.