Abalewi 26:45 - Kinyarwanda Bibiliya Ntagatifu

⁴⁵ Nzabagirira ibambe nibuke Isezerano nagiranye n’abasekuruza babo navanye mu gihugu cya Misiri, amahanga yakangaranye, ari ukugira ngo jyewe Uhoraho, mbabere Imana.»

Bibiliya Yera

⁴⁵ Ahubwo nzabibukira isezerano nasezeranye na ba sekuruza, nakuriye mu gihugu cya Egiputa imbere y'abanyamahanga kugira ngo mbe Imana yabo. Ndi Uwiteka.”

Bibiliya Ijambo ry'imana D

⁴⁵ Nzazirikana Isezerano nagiranye na ba sekuruza nakuye mu Misiri amahanga abibona, kugira ngo mbabere Imana. Ndi Uhoraho.”

Bibiliya Ijambo ry'imana

⁴⁵ Nzazirikana Isezerano nagiranye na ba sekuruza nakuye mu Misiri amahanga abibona, kugira ngo mbabere Imana. Ndi Uhoraho.”

Abalewi 26:45 Iomraidhean Croise

Itangiriro 12:2

Nzakugira umuryango munini, nzaguha umugisha. Izina ryawe nzarigira ikirangirire, uzaba umunyamugisha.

Itangiriro 15:18

Uwo munsi Uhoraho agirana amasezerano na Abramu, muri aya magambo ati «Iki gihugu ngihaye urubyaro rwawe, kuva ku ruzi rwa Misiri kugeza ku ruzi runini rwa Efurati.»

Itangiriro 26:24

Uhoraho amubonekera iryo joro, aramubwira ati «Ndi Imana ya so Abrahamu; witinya kuko ndi kumwe nawe. Nzaguha umugisha, ngwize urubyaro rwawe, ngiriye umugaragu wanjye Abrahamu.»

Itangiriro 28:15

Dore, ndi kumwe nawe; nzakurinda aho uzajya hose, kandi nzakugarura muri iki gihugu. Sinzagutererana, kugeza ubwo nzaba nujuje ibyo nakubwiye byose.»

Itangiriro 9:15

nzibuka Isezerano nagiranye namwe, n’ikinyabuzima cyose; amazi ntazongera kuba umwuzure warimbura ibinyamubiri byose.

Zaburi 106:45

yazirikana isezerano yari yarabagiriye, ubudahemuka bwe bukamutera kwisubiraho;

Iyimukamisiri 2:24

Imana yumva imiborogo yabo, yibuka Isezerano yagiranye na Abrahamu, Izaki na Yakobo.

Iyimukamisiri 20:2

«Ni jyewe Uhoraho Imana yawe wagukuye mu gihugu cya Misiri, mu nzu y’ubucakara:

Iyimukamisiri 6:6

Ni cyo gituma uzabwira Abayisraheli uti ‘Ndi Uhoraho! Nzabavana mu buretwa bw’Abanyamisiri, mbagobotore mu bucakara; nzabarokoza ukuboko gufite imbaraga n’ubushobozi.

Iyimukamisiri 6:8

Nzabinjiza mu gihugu narahiye kuzaha Abrahamu, Izaki na Yakobo; nzakibahaho umunani: Ndi Uhoraho!’»

Ezekiyeli 20:14

Ariko nagiriye izina ryanjye, nkora uko nshoboye ngo ritandavurizwa mu maso y'amahanga nari narabavanyemo.

Ezekiyeli 20:22

Ariko nisubiyeho ngirira izina ryanjye, nkora uko nshoboye ngo ritandavurizwa mu maso y'amahanga nari narabavanyemo.

Ezekiyeli 20:9

Ariko nagiriye izina ryanjye, nkora uko nshoboye ngo ritandavurizwa imbere y'abanyamahanga bari batuyemo, ari na bo bandebaga igihe mbimenyesheje, mbavana mu gihugu cya Misiri.

Abalewi 11:45

Ndi Uhoraho, wabakuye mu gihugu cya Misiri kugira ngo mbabere Imana. Mugomba rero kuba abatagatifu kuko nanjye ndi umutagatifu.

Abalewi 22:33

Ndi Uhoraho, wabakuye mu gihugu cya Misiri kugira ngo mbabere Imana.»

Abalewi 25:38

Ndi Uhoraho Imana yanyu yabakuye mu Misiri kugira ngo mbagabire igihugu cya Kanahani, kandi mbabere Imana.

Abaroma 11:12

Ubwo se ugutsitara kwabo kwakungahaje isi, n’ukugwa kwabo kugakungahaza amahanga, ntibizahebuza nibagera ku burokorwe bwuzuye?

Ivugururamategeko 4:31

Kuko Uhoraho Imana yawe ari Imana igira impuhwe: ntazagutererana, ntazakurimbura buhere, ntazibagirwa Isezerano yagiriye abasokuruza bawe ageretseho indahiro.

Ivugururamategeko 9:27

Ibuka abagaragu bawe Abrahamu, Izaki na Yakobo. Wikwita ku gasuzuguro k’uwo muryango, ku bugome bwawo no ku byaha byawo.