Abalewi 26:32 - Kinyarwanda Bibiliya Ntagatifu

³² Igihugu cyanyu nzakirimbura maze n’abanzi banyu nibaza kugitura batangare.

Bibiliya Yera

³² Nzahindura igihugu cyanyu amatongo, bitangaze ababisha banyu bagituyemo.

Bibiliya Ijambo ry'imana D

³² Igihugu cyanyu nzagisenya, ku buryo abanzi bazacyigarurira bazumirwa.

Bibiliya Ijambo ry'imana

³² Igihugu cyanyu nzagisenya, ku buryo abanzi bazacyigarurira bazumirwa.

Abalewi 26:32 Iomraidhean Croise

1 Abami 9:8

Iyi Nzu na yo izasenyuka, maze uzanyura aho yari iri azatangare, yibaza ati ’Ni iki cyatumye Uhoraho akorera ibi ngibi iki gihugu n’iyi Ngoro?’

Yesaya 24:1

Dore Uhoraho agiye kuyogoza isi no kuyirimbura, ayihindure ukundi, atatanye abayituye:

Yesaya 5:6

Nzawureka ube ikigunda, ntuzicirwa cyangwa ngo uhingirwe, uzameremo amahwa n’imifatangwe, nzabuze n’ibicu kuwugushaho imvura.

Yesaya 5:9

Numvise Uhoraho, Umugaba w’ingabo arahira atya: Amazu menshi manini kandi meza azaba amatongo yose, atagira abayabamo.

Yesaya 6:11

Nuko ndabaza nti «Ibyo se bizageza ryari Nyagasani ?» Aransubiza ati «Kugeza ubwo imigi izaba yatsembwe, nta bayituye, amazu atakirimo umuntu n’umwe, n’ubutaka bwarahindutse umushike.

Yesaya 64:10

Ingoro yacu ntagatifu kandi itagira uko isa, aho abasekuruza bacu baririmbiraga ibisingizo byawe, yahindutse umuyonga, n’ibyo twakundaga byose byarangiritse.

Yeremiya 12:11

Bawuhinduye umwirare, ndawureba imbere yanjye warangiritse, uteye agahinda. Igihugu cyose cyabaye umwirare, nyamara ariko nta n’umwe ubyitayeho.

Yeremiya 18:16

Uko ni ko bahinduye igihugu cyabo urw’amenyo, gihinduka ahantu hateye ubwoba; abahanyuze bose bakumirwa, bakazunguza umutwe.

Yeremiya 19:8

Uyu mugi nzawuhindura ahantu hateye ubwoba, uzawunyura hafi azumirwe, kandi nabona iryo tongo na we acure imiborogo iteye ubwoba.

Yeremiya 25:11

Iki gihugu cyose kizahinduka amatongo n’ahantu hateye ubwoba, kandi bazagaragire andi mahanga mu gihe cy’imyaka mirongo irindwi.

Yeremiya 25:18

ari yo Yeruzalemu, imigi ya Yuda, abami bayo n’abatware bayo; kugira ngo aho hose harimbuke, hasigare ari ahantu hateye ubwoba n’urugero rw’ibyavumwe — mbese nk’uko bimeze ubu!

Yeremiya 25:38

Baragiye ak’intare itaye indiri yayo; igihugu cyabo cyabaye amatongo kubera inkota kirimbuzi n’ubukana bw’uburakari bwe.

Yeremiya 33:10

Uhoraho avuze atya: Aha hantu muvuga ko ari itongo ritagira abantu n’amatungo, mu migi ya Yuda no mu mayira yasibye ya Yeruzalemu itakirangwamo abantu, abaturage cyangwa inyamaswa,

Yeremiya 44:2

«Uhoraho Umugaba w’ingabo Imana ya Israheli avuze atya: Muzi neza amakuba naterereje Yeruzalemu n’imigi yose ya Yuda; na n’ubu ni mu matongo nta muntu uhatuye.

Yeremiya 44:22

Uhoraho ntiyari agishoboye kwihanganira ibikorwa byanyu bibi n’amahano mwakoraga; ni yo mpamvu igihugu cyanyu cyahindutse itongo, kikaba giteye ubwoba, cyabaye ruvumwa, n’abaturage bacyo bagicikamo, nk’uko bimeze ubu!

Yeremiya 9:11

Niba hari umuhanga uriho, niyumve, kandi yamamaze ijambo yabwiwe n’Uhoraho. Ni kuki igihugu cyayogojwe, kigakongoka nk’ubutayu butagendwa?

Amaganya 4:12

Ari abami bo mu mahanga ari n’abatuye ku isi bose, nta n’umwe watekerezaga ko umubisha kimwe n’umwanzi, bazigera binjira mu marembo ya Yeruzalemu.

Amaganya 5:18

ni uko umusozi wa Siyoni wabaye itongo, ugahinduka isenga ry’ingunzu.

Ezekiyeli 5:15

maze igihe nzaba naguciriye urugukwiye mbigiranye uburakari, umujinya n’ibihano bikaze, uzabere amahanga agukikije ikinnyego n’igitutsi, akarorero n’impamvu yo gutinya kuko ari jye Uhoraho ubivuze.

Habakuki 3:17

Ni ukuri koko, umutini ntukirabya indabyo, imizabibu ntikigira imbuto, imizeti yarekeye aho kwera, imirima ntigitanga umusaruro, amatungo magufi yashize mu ngo, nta n’amatungo maremare akirangwa mu biraro.

Luka 21:20

Nuko rero nimubona Yeruzalemu ikikijwe n’ingabo, muzamenye ko isenywa ryayo ryegereje.

Ivugururamategeko 28:37

Mu mahanga yose Uhoraho azakwimuriramo, uzahinduka akarorero, ube iciro ry’imigani, n’urwo baseka.