Abalewi 26:30 - Kinyarwanda Bibiliya Ntagatifu

³⁰ Ahirengeye muturira ibitambo byanyu hamwe na za nkingi zanyu z’amabuye zeguriwe izuba, byose nzabisenya mbimareho. Muzatuma mbazinukwa, maze intumbi zanyu nzigereke hejuru y’ibimene by’ibigirwamana byanyu.

Bibiliya Yera

³⁰ Kandi nzatsemba amasengero yanyu yo mu mpinga z'imisozi, nzatema nce ibishushanyo byanyu bishinze byerejwe izuba, nzajugunya intumbi zanyu ku bimene by'ibigirwamana byanyu, umutima wanjye uzabanga urunuka.

Bibiliya Ijambo ry'imana D

³⁰ Aho muzasengera ibigirwamana nzahasenya, menagure n'inkingi z'amabuye muzaba mweguriye izuba. Nzarunda intumbi zanyu hejuru y'ibimene by'ibigirwamana muzasenga, nzabatererana.

Bibiliya Ijambo ry'imana

³⁰ Aho muzasengera ibigirwamana nzahasenya, menagure n'inkingi z'amabuye muzaba mweguriye izuba. Nzarunda intumbi zanyu hejuru y'ibimene by'ibigirwamana muzasenga, nzabatererana.

Abalewi 26:30 Iomraidhean Croise

Itangiriro 19:13

Tugiye kuharimbura, kuko induru iterwa na Sodoma ari ndende imbere y’Uhoraho. None yatwohereje ngo tubarimbure.»

1 Abami 13:2

Uwo muntu atera hejuru, avugira kuri urwo rutambiro ijambo ry’Uhoraho, agira ati «Rutambiro! Rutambiro! Uhoraho avuze atya ’Dore mu nzu ya Dawudi hagiye kuvuka umwana uzitwa Yoziya. Azagutwikiraho abaherezabitambo b’ahirengeye baguturiraho ububani, kandi bazagutwikiraho amagufwa y’abantu!’»

1 Abami 13:32

kuko ijambo Uhoraho yavugiye ku rutambiro rw’i Beteli aranguruye ijwi, no ku masengero yose y’ahirengeye yubatswe mu migi ya Samariya, rizaba ryuzuye.»

2 Abami 23:16

Hanyuma Yoziya akebutse abona imva aho ngaho ku musozi, atuma abantu gutoragura amagufa yo muri izo mva ayatwikira ku rutambiro, urwo rutambiro ararwangiza nk’uko byari byarahanuwe na wa muntu w’Imana igihe Yerobowamu yari ahagaze hafi yarwo, ari ku munsi mukuru.

2 Abami 23:20

Yicira ku ntambiro abaherezabitambo bose bari baratwikiye ibitambo ahirengeye, azitwikiraho amagufa y’abantu. Arangije asubira i Yeruzalemu.

2 Abami 23:8

Yoziya atumiza abaherezabitambo bo mu migi ya Yuda, hanyuma yandavuza amasengero y’ahirengeye, aho abo baherezabitambo batwikiraga imibavu, guhera i Geba kugeza i Berisheba. Asenya n’urusengero bambarizagamo amasekurume y’ihene, rwari iruhande rw’umuryango w’umutware w’umugi Yozuwe, ibumoso bwawo winjira mu mugi.

2 Ngoma 23:17

Nuko imbaga yose y’abantu ijya ku ngoro ya Behali, barayisenya, bamenagura intambiro ze n’amashusho ye, na Mataniya, umuherezabitambo wa Behali, bamwicira imbere y’intambiro.

2 Ngoma 31:1

Ibyo byose birangiye, Abayisraheli bose bari aho, bajya mu migi ya Yuda kugira ngo bamenagure inkingi z’ibigirwamana, batemagure inkingi za Ashera, basenye amasengero y’ahirengeye n’intambiro muri Yuda, no muri Benyamini hose, ndetse no muri Efurayimu na Manase kugera ubwo babitsembye. Hanyuma Abayisraheli bose bisubirira buri wese iwe mu migi yabo.

Zaburi 106:40

nuko uburakari bw’Uhoraho bugurumanira umuryango we, azinukwa abo yari yaragize abe.

Zaburi 89:38

izahoraho ubudahungabana nk’ukwezi kuzaba gihamya, idahinyuka mu kirere.» (guceceka akanya gato)

Yesaya 27:9

Ni na ko icyaha cya bene Yakobo kizahanagurwa, maze bagakira ingaruka z’igicumuro cyabo : Amabuye yose yari yubatse urutambiro bazayahindura ivu, boshye ishwagara yashongeshejwe; ibiti byeguriwe ibigirwamana n’ibishushanyo by’izuba, byoye kuzashingwa ukundi.

Yeremiya 14:19

Waba se waratereranye Yuda, Siyoni ukaba warayizinutswe? Ni kuki uduteza ibyago bidakira? Twari twiringiye amahoro, none nta n’icyiza tubona, igihe twari gukira, ahubwo dutashywe n’ubwoba!

Yeremiya 16:18

Nzabanza mbaryoze incuro ebyiri ibyaha byabo n’ibicumuro byabo; kuko igihugu cyanjye bagihindanyishije ibigirwamana byabo na byo bitibereyeho, maze umurage wanjye bakawuzuza ibiterashozi byabo.

Ezekiyeli 16:39

Nzabakugabiza barimbure ayo mazu yawe n’insengero wubakishije ahirengeye, bagucuze imyambaro kandi bakwambure n’imitako yawe; bagusige uri umutumbuze.

Ezekiyeli 43:7

Uhoraho arambwira, ati «Mwana w’umuntu, aha ni ho hagenewe intebe yanjye y’ubwami, ni na ko kabaho nzajya nkandagizaho ibirenge byanjye. Nzatura mu Bayisraheli rwagati iteka ryose; kandi umuryango wa Israheli, bo ubwabo n’abami babo, ntibazongera kwandavuza ukundi izina ryanjye ritagatifu, nk’uko babigenje mbere. Mu by’ukuri ntibahwemye kuryandavurisha uburaya bwabo n’imva z’abami babo;

Ezekiyeli 6:13

Muzamenyeraho ko ndi Uhoraho, igihe abazaba bashegeshwe bazaba barambaraye mu bigirwamana byabo n’iruhande rw’intambiro zabo, ku tununga duhanitse no mu mpinga z’imisozi yose, mu nsi ya buri giti gitoshye no mu nsi ya buri mushishi ubyibushye, n’aho baturiraga imibavu yo kurura ibigirwamana byabo byose.

Hoseya 10:2

Umutima wabo ni ibinyoma bisa, none bagiye kubiryozwa. Uhoraho ubwe agiye gusenya intambiro zabo no guhirika inkingi zabo.

Abalewi 20:23

Ntimuzakurikize amategeko y’abo ngiye kwirukana bakabahunga. Ayo mategeko bakurikizaga ni yo yatumye mbazinukwa

Abalewi 26:11

Sinzigera mbarakarira, nzahora ngendana namwe, ndetse nzashyira n’Ingoro yanjye hagati yanyu.

Abalewi 26:15

mukanga gufata imico nabatoje, bityo mukaba mwishe Isezerano twagiranye.

Amosi 6:8

Nyagasani Uhoraho arabirahiye, Uhoraho, Imana Umugaba w’ingabo avuze atya : Nanga urunuka ubwirasi bw’umuryango wa Yakobo, nkanga n’ingoro zayo, umugi wose uko wakabaye nzawutererana.

Amosi 7:9

Amasengero y’ahirengeye ya Izaki azahinduka amatongo, n’ingoro za Israheli zizarimbagurike, maze mfate inkota, inzu ya Yerobowamu nyihagurukire.»

Ivugururamategeko 32:19

Ibyo Uhoraho yiboneye byamuteye kuzinukwa: abahungu be n’abakobwa be baramurakaje.