Abalewi 26:22 - Kinyarwanda Bibiliya Ntagatifu

²² Nzabahuramo inyamaswa zo mu ishyamba zibahekure abana, ziyogoze amatungo yanyu, namwe ubwanyu zibatsembe ku buryo nta n’umwe uzatinyuka kunyura mu nzira zanyu.

Bibiliya Yera

²² Nzabaterereza inyamaswa zo mu ishyamba zibanyage abana banyu, zirimbure amatungo yanyu zibatubye, inzira zanyu zisibe.

Bibiliya Ijambo ry'imana D

²² Nzabateza inyamaswa z'inkazi zice abana banyu zirimbure n'amatungo yanyu, namwe zibatsembe ku buryo amayira yanyu azabura abayanyuramo.

Bibiliya Ijambo ry'imana

²² Nzabateza inyamaswa z'inkazi zice abana banyu zirimbure n'amatungo yanyu, namwe zibatsembe ku buryo amayira yanyu azabura abayanyuramo.

Abalewi 26:22 Iomraidhean Croise

2 Abami 17:25

Ariko bakigera aho ngaho ntibubashye Uhoraho, bituma abateza intare zirabica.

2 Abami 2:24

Elisha arahindukira, arabitegereza, hanyuma abavuma mu izina ry’Uhoraho. Nuko ibirura bibiri bisohoka mu ishyamba, bishwanyaguza abana mirongo ine na babiri muri bo.

2 Ngoma 15:5

Muri icyo gihe abasohokaga n’abinjiraga nta mahoro bari bafite, ahubwo hari imidugararo myinshi mu baturage b’icyo gihugu.

Yesaya 24:6

Ni yo mpamvu umuvumo uyogoje isi, ugakururira amakuba abayituye; none abatuye isi bakaba bashizeho, hagasigara mbarwa.

Yesaya 33:8

Imihanda nyabagendwa irimo ubusa, nta bagenzi bakirangwa mu mayira. Amasezerano yasheshwe, imigi yatereranywe, nta muntu n’umwe ukitaweho.

Yeremiya 15:3

Mbateganyirije ibi bintu bine — uwo ni Uhoraho ubivuze — : inkota izabica, imbwa zizabakurubana, inyoni zo mu kirere n’ibisimba byo mu ishyamba bizabatanyagura, bibatsembe.

Yeremiya 42:2

begera umuhanuzi Yeremiya, baramubwira bati «Ibyo tugusaba ubyumve! Dutakambire kuri Uhoraho Imana yawe, twebwe abacitse ku icumu — ni koko, dore dusigaye turi mbarwa kandi twarahoze turi benshi nk’uko nawe ubyirebera —

Amaganya 1:4

Amayira y’i Siyoni ari mu cyunamo, nta muntu n’umwe ukiza mu minsi mikuru; amarembo yayo yose yabaye amatongo, abaherezabitambo bayo baraganya, n’abari bayo baguye mu kantu: mbega agahinda gakomeye ka Siyoni!

Ezekiyeli 14:15

Ndamutse nteje ibikoko by’inkazi muri icyo gihugu kugira ngo bibamare ku bana, bicyangize kandi bigihindure amatongo, ku buryo nta muntu n’umwe waba agitinyuka kuhanyura kubera ibyo bikoko,

Ezekiyeli 14:21

Nyagasani Uhoraho aravuze ati «N’ubwo Yeruzalemu nayiteje ibi byago bine bikomeye: inkota, inzara, ibikoko by’inkazi n’ibyorezo, nkayitsembamo abantu n’amatungo,

Ezekiyeli 33:28

Igihugu nzagihindura ubutayu, maze ubwo bwirasi muterwa n’imbaraga mufite burangirire aho. Imisozi ya Israheli izayogozwa kandi nta n’uzongera kuhanyura ukundi.

Ezekiyeli 5:17

Nzabaterereza inzara n’ibikoko by’inkazi bibamareho urubyaro; ibyorezo n’amaraso bizakugariza kandi nzakugabize n’inkota: ni jye Uhoraho ubivuze.’»

Abalewi 26:6

Igihugu cyanyu nzagisenderezamo amahoro, nkirukanemo inyamaswa zigira nabi, bityo mujye musinzira nta nkomyi.

Mika 3:12

Ni cyo gituma Siyoni izahingwa nk’umurima, Yeruzalemu igahinduka amatongo, bitewe namwe, umusozi wubatseho Ingoro ugapfukiranwa n’ibihuru.

Zekariya 7:14

Ahubwo nabatatanyirije mu mahanga yose batigeze bamenya, baragenda, igihugu gisigara gusa, ntihagira uhanyura cyangwa ngo ahagaruke. Nuko igihugu kitagiraga uko gisa bagihindura amatongo.»

Ivugururamategeko 32:24

Nibamara kwicwa n’inzara, no kurimburwa n’inkuba, hamwe n’amacumu yanjye afite uburozi, nzabagabiza amenyo y’inyamaswa, n’uburozi bw’ibisimba bikuruza inda mu mukungugu.

Abacamanza 5:6

Mu gihe cya Shamugari, mwene Anati, no mu gihe cya Yayeli, abantu bari bararetse kugenda urushorerane, n’abagendaga banyuraga mu mayira aziguye.