Abalewi 26:17 - Kinyarwanda Bibiliya Ntagatifu

¹⁷ Nzabakuraho amaso n’umutima, maze abanzi banyu bazabiganzure. Abanzi banyu bazabakandamiza, maze mujye muhunga nta we ubirukanye.

Bibiliya Yera

¹⁷ Kandi nzahoza igitsure cyanjye kuri mwe, muzaneshwa n'ababisha banyu, muzatwarwa n'abanzi banyu, muzahunga ari nta wubirukana.

Bibiliya Ijambo ry'imana D

¹⁷ Nzabatererana maze abanzi banyu babigarurire babategeke, ndetse muhunge nta wubirukanye.

Bibiliya Ijambo ry'imana

¹⁷ Nzabatererana maze abanzi banyu babigarurire babategeke, ndetse muhunge nta wubirukanye.

Abalewi 26:17 Iomraidhean Croise

Itangiriro 4:12

Nuhinga ubutaka, ntibuzongera kukurumbukira; uzahora uri inzererezi yangara ku isi.»

1 Abami 8:33

Igihe umuryango wawe Israheli uzaba waneshejwe n’abanzi kubera kugucumuraho, nukugarukira ugasingiza izina ryawe, ugasenga kandi ukagutakambira muri iyi Ngoro,

2 Abami 13:3

Uhoraho yarakariye cyane Abayisraheli, akajya abagabiza Hazayeli, umwami w’Abaramu, n’umuhungu we Beni‐Hadadi.

2 Abami 13:7

Ingabo Yowakazi yari asigaranye, bari abagabo mirongo itanu bagendaga ku mafarasi, amagare cumi, n’abagabo ibihumbi cumi bagendaga ku maguru, kuko abandi bose, umwami w’Abaramu yari yabatsembye abagira nk’umukungugu banyukanyutse.

Zaburi 44:10

None ubu waradutaye, bituma dusuzugurika; ntugitabarana n’ingabo zacu.

Zaburi 53:5

Koko abo bagizi ba nabi ni ibiburabwenge, bo bihaye kurya imitsi y’umuryango wanjye, barya icyari kiwutunze, kandi ntibarushye basenga Imana!

Zaburi 53:6

Bazamarwa n’ubwoba kandi nta kibubateye! Imana yanyanyagije amagufwa y’abari bakugarije; none dore urabakora ku itama, kuko Imana yabagutsindiye.

Imigani 28:1

Umugome ahunga nta we umwirukanye, ariko intungane ni nk’icyana cy’intare, nta cyo zikanga.

Yesaya 30:17

Umuntu umwe azirukana abantu igihumbi muri mwe, abantu batanu bazaba bahagije, babirukane muhunge, kugeza ubwo hazasigara bake muri mwe, mbese nk’igiti gihagaze ku kanunga k’umusozi, gisigaye ari cyo kimenyetso cyonyine iyo mu mpinga.

Yesaya 63:10

Ariko bo barijujuse, bababaza umwuka we mutagatifu, ni bwo rero abateye umugongo, maze we ubwe abarwanya nk’umwanzi.

Yeremiya 19:7

Nzahungabanya ubutegetsi bwa Yuda na Yeruzalemu, nzabamarisha inkota imbere y’abanzi babo. Nzabagabiza ikiganza cy’ababahigira maze mbagaburire ibisiga n’ibikoko byo mu ishyamba.

Yeremiya 44:11

None rero, Uhoraho Umugaba w’ingabo, Imana ya Israheli avuze atya: Ngiye kubahagurukira, mbagirire nabi, kandi ntsembe Yuda yose uko yakabaye.

Amaganya 1:5

Abayirwanyaga barayinesheje, abanzi bayo baranezerewe, kuko ari Uhoraho wayibabaje, ayiryoza ibicumuro byayo bitagira ingano. Ibitambambuga byayo byajyanywe bunyago, umwanzi abijya inyuma.

Amaganya 2:4

Yafoye umuheto we nk’umwanzi, abangura ukuboko kw’iburyo nk’umubisha; atsemba abari bafite igikundiro bose. Yacuranuriye uburakari bwe ku ihema ry’umwari w’i Siyoni, nuko buragurumana nk’umuriro.

Ezekiyeli 15:7

Naraboroheye bibwira ko barokotse umuriro, nyamara undi muriro uzabatwika; maze muzamenye ko ndi Uhoraho, igihe nzaba nabazinutswe.

Abalewi 17:10

Umuntu wese wo mu nzu ya Israheli cyangwa umunyamahanga ubatuyemo nibanywa amaraso, nzabarakarira maze mbace mu muryango wabo.

Ivugururamategeko 28:25

Uhoraho azatuma uneshwa n’ababisha bawe musakiranye: uzaza inzira imwe ubateye, ubahunge uciye inzira ndwi zinyuranye. Ingoma zose zigize icyo gihugu zizakwinuka, ziguhe akato.

Yosuwa 7:4

Abantu bagera ku bihumbi bitatu muri rubanda barazamuka, ariko ab’i Hayi barabatsimbura.

Abacamanza 2:14

Nuko uburakari bw’Uhoraho bugurumanira Israheli, maze abagabiza ababanyaga kandi abegurira abanzi babo babakikije. Ntibaba bagishoboye guhangara abanzi babo.

Abacamanza 3:14

Abayisraheli bakorera Egiloni, umwami wa Mowabu, mu gihe cy’imyaka cumi n’umunani.

Abacamanza 3:8

Uburakari bw’Uhoraho bugurumanira Israheli, maze abagabiza Kushani‐Risheyatayimu, wari umwami w’Abaramu mu gihugu cyo hagati y’inzuzi zombi; Abayisraheli bakorera Kushani‐Risheyatayimu mu gihe cy’imyaka umunani.

Abacamanza 6:2

Madiyani itsinda bikomeye Israheli, bituma Abayisraheli bihisha mu mikokwe yo ku misozi, mu buvumo no mu bisimu, kugira ngo barokoke Madiyani.

1 Samweli 12:15

Ariko nimutumva ijwi ry’Uhoraho, ntimukurikize amategeko ye, ikiganza cy’Uhoraho kizabahana, nk’uko cyagenjereje abasokuruza banyu.

1 Samweli 31:1

Ubwo Abafilisiti barwanaga n’Abayisraheli. Ingabo z’Abayisraheli zihunga Abafilisiti, imirambo y’abapfuye yari yararitse ku musozi wa Gilibowa.

1 Samweli 4:10

Nuko Abafilisiti baratera, Abayisraheli baratsindwa, maze buri muntu ahungira mu ihema rye. Baratsindwa bikabije: muri bo hapfa abantu ibihumbi mirongo itatu.