Abalewi 26:1 - Kinyarwanda Bibiliya Ntagatifu

¹ Muzirinde kwihangira ibigirwamana. Ntimuzasenge ibishushanyo cyangwa inkingi z’amabuye. Mu gihugu cyanyu ntimuzahazane amabuye abaje maze ngo muyunamire. Ndi Uhoraho Imana yanyu.

Bibiliya Yera

¹ “Ntimukareme ibigirwamana by'ubusa, ntimugashinge igishushanyo kibajwe cyangwa inkingi y'amabuye, kandi ikibuye cyabajweho ibishushanyo ntimukagishyirire mu gihugu cyanyu, kugira ngo mwikubite imbere yacyo, kuko ndi Uwiteka Imana yanyu.

Bibiliya Ijambo ry'imana D

¹ Uhoraho akomeza kubwira Abisiraheli ati: “Ntimukiremere ibigirwamana cyangwa amashusho asengwa, ntimugashinge mu gihugu cyanyu inkingi z'amabuye cyangwa amabuye abajweho amashusho kugira ngo muyasenge. Ndi Uhoraho Imana yanyu.

Bibiliya Ijambo ry'imana

¹ Uhoraho akomeza kubwira Abisiraheli ati: “Ntimukiremere ibigirwamana cyangwa amashusho asengwa, ntimugashinge mu gihugu cyanyu inkingi z'amabuye cyangwa amabuye abajweho amashusho kugira ngo muyasenge. Ndi Uhoraho Imana yanyu.

Abalewi 26:1 Iomraidhean Croise

2 Abami 17:10

bishingiye inkingi z’amabuye n’iz’ibiti zeguriwe ibigirwamana byabo, bazishyira mu mpinga y’imisozi no mu nsi ya buri giti kibisi.

2 Abami 17:16

Bareka amategeko yose y’Uhoraho Imana yabo, biremera amashusho abiri y’inyana, bashinga n’ibiti byeguriwe ibigirwamana byabo, baramya izuba, ukwezi n’inyenyeri byo mu kirere kandi biyegurira Behali.

2 Abami 17:8

Bibanze ku migenzo y’abanyamahanga Uhoraho yari yarirukanye imbere y’Abayisraheli, no ku migenzo yashyizweho n’abami ba Israheli.

Zaburi 78:58

Bayibabaje bajya mu masengero y’ahirengeye, bayitera ishyari kubera ibigirwamana byabo.

Zaburi 97:7

Abayoboka ibigirwamana bose nibakorwe n’isoni, abiratana bose ibyo bipfabusa; bigirwamana mwese, nimupfukame imbere ye!

Iyimukamisiri 20:2

«Ni jyewe Uhoraho Imana yawe wagukuye mu gihugu cya Misiri, mu nzu y’ubucakara:

Iyimukamisiri 20:23

Ntimuzangenzereze nk’imana icuzwe muri feza cyangwa se muri zahabu; muramenye ntimuzihimbire ibintu nk’ibyo.

Iyimukamisiri 23:24

Ntuzapfukame imbere y’imana zabo kandi ntuzaziyoboke; ntuzagenze uko bagenza, ahubwo uzasenye amashusho yazo kandi uhirike amabuye ashinze yazeguriwe.

Iyimukamisiri 34:17

Ntuziremere imana zicuzwe mu cyuma.

Yesaya 2:20

(Uwo munsi ibigirwamana byabo bya feza n’ibya zahabu, byari byarakorewe gusengwa, bazabijugunyira amafuku n’ubucurama.)

Abalewi 19:4

Ntimuzayoboke ibigirwamana cyangwa ngo mucure amashusho yabyo. Ndi Uhoraho Imana yanyu.

Abalewi 25:55

Abayisraheli ni abagaragu banjye. Ni jye wabakuye mu gihugu cya Misiri, bagomba rero kuba ari jye gusa babera abagaragu. Ndi Uhoraho Imana yanyu.

Abalewi 7:33

Iryo tako ry’iburyo rizabe umugabane w’uwo muri bene Aroni uzaba yakoze umuhango wo kumurika amaraso n’ibinure by’igitambo cy’ubuhoro.

Kubara 33:52

muzirukane imbere yanyu abaturage bose bo muri icyo gihugu. Ari ibigirwamana babaje mu mabuye, ari amashusho bacuze mu byuma bashongesha, hamwe n’amasengero yabo y’ahirengeye, byose muzabisenye mubikureho.

Ibyakozwe 17:29

Ubwo rero dukomoka ku Mana, ntitugomba gutekereza ko kamere y’Imana imeze nka bya bishushanyo bibajwe muri zahabu, muri feza, cyangwa se mu ibuye, bikomoka ku bukorikori n’ubugenge bya muntu.

Ivugururamategeko 27:15

«Arabe ikivume umuntu wese uzarema ikigirwamana mu ishusho ribajwe cyangwa rishongeshejwe, — ishyano Uhoraho yanga urunuka, ikintu gikozwe n’umuhanga wabyo — maze akacyimika rwihishwa!» Nuko imbaga yose izasubize iti «Amen».

Ivugururamategeko 5:6

«Ni jyewe Uhoraho Imana yawe, wagukuye mu gihugu cya Misiri, mu nzu y’ubucakara.

Ibyahisuwe 22:15

Kuko ab’imbwa n’abarozi, n’amahabara, n’abicanyi, n’abasenga ibigirwamana, n’umuntu wese ukunda ibinyoma kandi ubikoresha, abo bazahera hanze.

Abacamanza 18:30

Nuko Abadani bashinga rya shusho ry’ikigirwamana; Yehonatani mwene Gerishomu, umwuzukuru wa Musa, aba umuherezabitambo w’umuryango wa Dani. Abahungu ba Yehonatani bakomeza uwo murimo kugeza igihe abaturage b’igihugu bajyanywe bunyago.