Abalewi 24:4 - Kinyarwanda Bibiliya Ntagatifu

⁴ Ayo matara, Aroni azayashyira ku kinyarumuri gikoze muri zahabu, maze ajye ahora yakirana imbere y’Uhoraho.

Bibiliya Yera

⁴ Ajye atunganiriza amatabaza kuri icyo gitereko cyacuzwe mu izahabu nziza, kugira ngo ahore yakira imbere y'Uwiteka.

Bibiliya Ijambo ry'imana D

⁴ Ajye ahora yita kuri ayo matara ari ku gitereko cy'izahabu inoze, kugira ngo arare yakira imbere yanjye.

Bibiliya Ijambo ry'imana

⁴ Ajye ahora yita kuri ayo matara ari ku gitereko cy'izahabu inoze, kugira ngo arare yakira imbere yanjye.

Abalewi 24:4 Iomraidhean Croise

1 Abami 7:49

ibinyarumuri bikozwe muri zahabu ibajwe, bikaba byari imbere y’icyumba gitagatifu rwose, bitanu iburyo na bitanu ibumoso; uburabyo, amatara n’ibisa n’udufatisho byose bikozwe muri zahabu;

1 Ngoma 28:15

Amusobanurira uburemere bwa zahabu n’ubwa feza bizagenerwa ibitereko n’amatara bya zahabu n’ibya feza,

2 Ngoma 29:7

Ndetse bakinze inzugi z’Ingoro, bazimya amatara, bareka gutwikira Imana ya Israheli imibavu no kuyitura ibitambo bitwikwa!

Iyimukamisiri 31:8

nk’ameza n’ibikoresho byayo, ikinyarumuri cya zahabu iyunguruye n’ibigendana na cyo byose, kimwe n’urutambiro rw’imibavu,

Iyimukamisiri 39:37

ikinyarumuri cya zahabu iyunguruye, amatara yo kugitondekanyaho, ibigendana na cyo byose, n’amavuta yo gucana;

Yeremiya 52:19

Umutware w’abarinda umwami w’i Babiloni afata kandi amabesani, amasafuriya, inzuho zigenewe gutera icyuhagiro, ibyungo, ibinyarumuri, inkongoro n’indobo, byose bikozwe muri zahabu, no muri feza.

Abalewi 24:3

imbere y’umubambiko w’Ubushyinguro bw’Isezerano buri mu ihema ry’ibonaniro. Aroni ni we uzategura ayo matara ku buryo ahora yakirana imbere y’Uhoraho. Kuva mu gisekuruza kugera mu kindi, iryo rizababere itegeko ridakuka.

Kubara 3:31

Bari bashinzwe ibi bikurikira: ubushyinguro, ameza, ikinyarumuri, intambiro n’ibikoresho by’imihango y’Ingoro, hamwe n’umubambiko n’imirimo yose yo kubaka Ingoro.

Kubara 4:9

Bazende umwenda w’umuhemba, bawuzingurize ku kinyarumuri, maze utwikire amatara yacyo, n’ibihanaguzo byacyo, n’icyotezo cyacyo, hamwe n’iminoga y’amavuta bagicanisha.

Kubara 8:2

«Dore ibyo uzabwira Aroni: Nucana amatara yo ku kinyarumuri uko ari arindwi, ajye amurika imbere yacyo.»

Abeheburayo 9:2

Bari barashinze ihema, rigizwe n’ibyumba bibiri. Icya mbere cyabagamo ikinyarumuri, n’imigati y’umumuriko, kikitwa ahatagatifu.

Ibyahisuwe 1:20

Naho ku byerekeye inyenyeri ndwi wabonye mu kiganza cyanjye cy’iburyo, n’amatara arindwi ya zahabu, dore icyo bisobanura: inyenyeri ndwi ni abamalayika ba Kiliziya ndwi, naho amatara arindwi akaba nyine izo Kiliziya uko ari indwi.

Ibyahisuwe 11:4

Abo bahamya ni ibiti bibiri by’imizeti n’amatara abiri, biri imbere y’Umwami w’isi.

Ibyahisuwe 2:5

Ibuka rero aho wahanantutse ukagwa. Gira wisubireho kandi ukore ibikorwa nk’ibya mbere. Naho ubundi, ngiye kuza, maze niba utisubiyeho nzakure itara ryawe mu mwanya waryo.