Abalewi 23:13 - Kinyarwanda Bibiliya Ntagatifu

¹³ Icyo gitambo kandi kizaherekezwa n’ituro ry’utwibo tubiri tw’ifu ivanze n’amavuta, hamwe n’igitambo giseswa cya kimwe cya kane cy’ikibindi cya divayi. Icyo ni cyo gitambo gikongokeye Uhoraho burundu kandi gifite impumuro imwurura.

Bibiliya Yera

¹³ Kandi ituro ry'ifu rituranwa na cyo, rijye riba ibice bya cumi bibiri bya efa y'ifu y'ingezi ivanzwe n'amavuta ya elayo, ribe ituro riturwa Uwiteka rigakongorerwa n'umuriro kuba impumuro nziza, ituro ry'ibyokunywa rituranwa na cyo rijye riba igice cya kane cya hini ya vino.

Bibiliya Ijambo ry'imana D

¹³ kandi munture n'ibiro bibiri by'ifu nziza ivanze n'amavuta y'iminzenze bibe ituro ritwikwa, impumuro yabyo inshimishe. Mujye mubiturana na litiro imwe ya divayi.

Bibiliya Ijambo ry'imana

¹³ kandi munture n'ibiro bibiri by'ifu nziza ivanze n'amavuta y'iminzenze bibe ituro ritwikwa, impumuro yabyo inshimishe. Mujye mubiturana na litiro imwe ya divayi.

Abalewi 23:13 Iomraidhean Croise

Iyimukamisiri 30:24

amasikeli magana atanu ya kasa, byose bipimiye kuri sikeli y’Ingoro, hamwe n’urwabya rw’amavuta y’imizeti.

Iyimukamisiri 30:9

Hejuru y’urwo rutambiro ntimuzagerekeho umubavu udatagatifujwe, cyangwa igitambo gitwikwa, cyangwa ituro, kandi ntimuzarusukeho igitambo giseswa.

Ezekiyeli 4:11

Amazi uzanywa na yo azaba ageze, azaba angana n’incuro y’agakebano ku munsi.

Ezekiyeli 45:24

Naho ku yandi maturo: azatura akebo kamwe k’ifu kuri buri kimasa, n’akandi kebo kamwe kuri buri mpfizi y’intama, yongereho n’urweso rw’amavuta kuri buri kebo.

Ezekiyeli 46:14

Byongeye kandi, azatura buri gitondo kimwe cya gatandatu cy’akebo k’ifu na kimwe cya gatatu cy’urweso rw’amavuta yo kuvangisha ifu. Iryo ni ryo turo ry’Uhoraho, rikaba n’itegeko ridakuka kandi rihoraho.

Yoweli 1:13

Nimukenyere maze muganye, mwe baherezabitambo! Namwe abashinzwe imirimo yo ku rutambiro, nimuboroge! Nimurare ijoro mwambaye ibigunira, mwe abashinzwe imirimo y’Imana yanjye.

Yoweli 1:9

Amaturo n’ibitambo byaciwe mu Ngoro y’Uhoraho, abaherezabitambo bashinzwe umurimo w’Uhoraho bari mu cyunamo.

Yoweli 2:14

Hari uwabimenya se? Ahari wenda ntiyazisubiraho! Ahari wenda icyago ntiyazagisimbuza umugisha, akongera gushimishwa n’amaturo n’ibitambo mwatura Uhoraho, Imana yanyu!

Abalewi 14:10

Ku munsi wa munani, azamurika abana b’intama babiri, umwana w’intama w’inyagazi ufite umwaka umwe kandi utagira inenge, urweso rw’amavuta hamwe n’utwibo dutatu tw’ifu ivanze n’amavuta.

Abalewi 23:12

Umunsi muzamurika uwo muba, muzature Uhoraho igitambo gitwikwa cy’umwana w’intama w’umwaka umwe kandi utagira inenge.

Abalewi 6:20

Umuntu wese uzakora ku nyama z’icyo gitambo, azaba asukuwe; nihagira kandi amaraso yacyo ameneka ku mwambaro, muzawumesere ahantu hasukuye.

Kubara 28:10

Icyo ni igitambo gitwikwa cyo kuri Sabato; kandi kikiyongera buri Sabato ku gitambo gihoraho n’igiseswa bya buri munsi.