Abalewi 21:5 - Kinyarwanda Bibiliya Ntagatifu

⁵ Abaherezabitambo ntibaziyogosheshe amasunzu, ntibaziyogoshe uruziga, cyangwa ngo bicishe indasago ku mubiri.

Bibiliya Yera

⁵ “Ntibakogoshwe ibiharonjongo, ntibakiyogoshe inkokora z'ubwanwa bwabo, ntibakikebe ku mubiri.

Bibiliya Ijambo ry'imana D

⁵ “Abatambyi ntibakimoze cyangwa ngo biyogosheshe ubwanwa bwo ku matama, cyangwa ngo bicishe indasago.

Bibiliya Ijambo ry'imana

⁵ “Abatambyi ntibakimoze cyangwa ngo biyogosheshe ubwanwa bwo ku matama, cyangwa ngo bicishe indasago.

Abalewi 21:5 Iomraidhean Croise

Yesaya 15:2

Barazamutse bagiye ahirengeye, ku ngoro ya Diboni kuririrayo. Abamowabu bararirira ku musozi wa Nebo n’i Medeba, imitwe yabo barayikomboje, n’ubwanwa bwose barabwogosha.

Yesaya 22:12

Uwo munsi, Nyagasani Uhoraho, Umugaba w’ingabo, yabahamagariye kurira no kuganya, kwiyogoshesha no kwambara ibigunira,

Yeremiya 16:6

Muri iki gihugu, abakuru n’abato bazapfa; ntibazahambwa cyangwa ngo baririrwe, nta n’uzabiraburira ngo yirasage cyangwa yiyogosheshe.

Yeremiya 48:37

Imitwe yose iramyoye, ubwanwa bwose burogoshe; ibiganza byose birarasaze, n’abantu bose bakenyeye ibigunira.

Ezekiyeli 44:20

Ntibaziharanguze, ariko kandi ntibazanatereke umusatsi, ahubwo bajye bawukemuza, bawutunganye.

Ezekiyeli 5:1

Uhoraho yongera kumbwira ati «Mwana w’umuntu, fata icyuma gityaye, ugifate nk’urwembe rwa kimyozi, ucyiyogosheshe imisatsi n’ubwanwa; hanyuma ufate umunzani maze ubigabanyemo imigabane.

Abalewi 10:6

Musa abwira Aroni hamwe n’abahungu be Eleyazari na Itamari, ati «Ntimusandaze imisatsi yanyu, kandi ntimushishimure imyenda yanyu, hato mudapfa cyangwa mugatera Uhoraho kurakarira ikoraniro ryose. Uretse mwebwe, abandi bavandimwe banyu bose bo mu nzu ya Israheli, bazaririre abo Uhoraho yatsembesheje umuriro.

Abalewi 21:4

Umuherezabitambo ni we mutware mu muryango we, azirinde rero kwiyanduza kuko byamutesha icyubahiro.

Amosi 8:10

Ingendo zanyu zigamije kunsenga nzazihinduramo iminsi y’ibyago, indirimbo zanyu zose nzihindure iz’amaganya. Abantu bose nzabakenyeza amagunira, imitwe yabo iharangurwe. Nzabatera akababaro k’urupfu, nk’ak’upfushije umwana we w’umuhungu w’ikinege, n’ibizakurikiraho bizasa n’iby’umunsi w’amaganya.

Mika 1:16

Iharanguze, wimareho umusatsi, (mwari w’i Yeruzalemu); umutwe wawe uhinduke umwunu nk’uwa mbuni, kubera abana bawe wakundaga, none bakaba bajyanywe bunyago kure yawe!

Ivugururamategeko 14:1

Muri abana b’Uhoraho Imana yanyu. Ntimuziraburire uwapfuye mwica indasago ku mubiri cyangwa mwitega ibiharanjongo ku mutwe w’imbere.