Abalewi 19:15 - Kinyarwanda Bibiliya Ntagatifu

¹⁵ Nimuca imanza ntimukaziyobye, ngo mubere umukene cyangwa umukire, ahubwo mujye mukiranura bagenzi banyu mukurikije ubutabera.

Bibiliya Yera

¹⁵ “Ntimukagoreke imanza, ntimugace urwa kibera mwohejwe no gukunda umukene cyangwa no kubaha ukomeye, ahubwo ujye ucira mugenzi wawe urubanza rutabera.

Bibiliya Ijambo ry'imana D

¹⁵ “Mujye muca imanza zitabera haba ku boroheje cyangwa ku bakomeye, mujye muba intungane mu manza mucira bagenzi banyu.

Bibiliya Ijambo ry'imana

¹⁵ “Mujye muca imanza zitabera haba ku boroheje cyangwa ku bakomeye, mujye muba intungane mu manza mucira bagenzi banyu.

Abalewi 19:15 Iomraidhean Croise

Yobu 13:8

Ni we se muvuganira, ni we se muburanira?

Yobu 32:21

Kandi rero, nta we ndi bubere, cyangwa ngo muhakirizweho,

Yobu 34:19

Nta bwo arengera abatware, ntabera umukire ngo arenganye umukene, kuko bose ari we wabaremye.

Zaburi 82:2

iti «Muzahereza he guca imanza zidahwitse, no gushyigikira abagiranabi mubabera? (guceceka akanya gato)

Iyimukamisiri 18:21

Ahasigaye, utoranye muri rubanda rwose abantu b’inyangamugayo kandi batinya Imana, abantu b’intabera kandi batikanyiza; maze ubagire abatware bategeka abantu igihumbi, n’abatware bategeka abantu ijana, n’abatware bategeka abantu mirongo itanu, n’abatware bategeka abantu cumi.

Imigani 18:5

Nta bwo ari byiza guca urubanza ubera umugome, ukarenganya intungane.

Imigani 24:23

Izi na zo ni inama z’abanyabuhanga: Si byiza guca urubanza ubera.

Imigani 31:9

wature, uce imanza mu butungane, maze usubize abakene n’abatishoboye uburenganzira bwabo.

Abalewi 19:35

Nimukoresha ibipimo, ari iby’uburebure, ari iby’uburemere cyangwa iby’ubusukanure, ntimuzagire uwo muhuguza.

Yohana 7:24

Ntimugace urubanza mukurikije ibigaragara, ahubwo mujye muruca mukurikije ubutabera.»

Ibyakozwe 23:3

«Ni wowe Imana izakubita, wa nkike we irabye ingwa! Wicajwe no kuncira urubanza ukurikije Amategeko, none uhinyuye Amategeko, utegeka ko bankubita!»

Ivugururamategeko 1:17

Mu guca imanza ntimuzagire aho mubogamira, abaciye bugufi n’abakomeye mujye mubumva kimwe; ntimuzagire uwo mutinya, kuko ubucamanza ari ubw’Imana. Nihagira ikibazo kibagora cyane, muzakinshyikirize, nzagikemura.»

Ivugururamategeko 10:17

kuko Uhoraho Imana yawe ari we Mana ihatse izindi, Umutegetsi w’abategetsi, Imana nkuru, y’igihangange kandi itinyitse, itarenganya kandi itagurirwa,

Ivugururamategeko 16:19

Ntuzagoreke imanza, ntuzite ku cyubahiro cy’umuntu, ntuzakire ruswa, kuko ruswa ihuma amaso abanyabwenge, ikaburizamo imanza z’intungane.

Ivugururamategeko 27:19

«Arabe ikivume uzagoreka urubanza rw’umusuhuke w’umunyamahanga, cyangwa urw’imfubyi, cyangwa urw’umupfakazi!» Nuko imbaga yose izasubize iti «Amen».