Abalewi 19:14 - Kinyarwanda Bibiliya Ntagatifu

¹⁴ Ntuzatuke igipfamatwi cyangwa ngo ushyire umutego imbere y’impumyi. Nugenza utyo, uzaba wubashye Imana yawe. Ndi Uhoraho.

Bibiliya Yera

¹⁴ Ntukavume igipfamatwi, ntugashyire impumyi imbere ikiyitega, ahubwo ujye utinya Imana yawe. Ndi Uwiteka.

Bibiliya Ijambo ry'imana D

¹⁴ Ntimugatuke igipfamatwi cyangwa ngo mugire icyo mutega impumyi, ahubwo mujye muntinya. Ndi Uhoraho Imana yanyu.

Bibiliya Ijambo ry'imana

¹⁴ Ntimugatuke igipfamatwi cyangwa ngo mugire icyo mutega impumyi, ahubwo mujye muntinya. Ndi Uhoraho Imana yanyu.

Abalewi 19:14 Iomraidhean Croise

Itangiriro 42:18

Ku munsi wa gatatu, Yozefu arababwira ati «Nimukore uko ngiye kubabwira, mukunde mubeho. Ntinya Imana.

Nehemiya 5:15

Naho abatware bambanjirije, bo bakandamizaga rubanda, buri munsi bakabaha amasikeli mirongo ine ya feza azagurwa imigati na divayi; abagaragu babo ndetse na bo bagashikamira imbaga. Ariko jye si ko nabigenjeje, kubera ko natinyaga Imana.

Zaburi 111:10

Intangiriro y’ubwenge ni ugutinya Uhoraho; abagenza batyo bose ni bo inararibonye. Ibisingizo bye bizahoraho iteka ryose.

Abalewi 19:15

Nimuca imanza ntimukaziyobye, ngo mubere umukene cyangwa umukire, ahubwo mujye mukiranura bagenzi banyu mukurikije ubutabera.

Abalewi 19:32

Umutwe wejeje imvi ujye uhaguruka uwubahirize, maze ujye ugirira umukambwe icyubahiro cyinshi. Nugenza utyo ni ho uzaba wubashye Imana yawe. Ndi Uhoraho.

Abalewi 25:17

Ntihazagire rero umuntu wungukira kuri mugenzi we. Bityo, muzatinya Imana yanyu. Ndi Uhoraho Imana yanyu.

Abaroma 12:14

Musabire umugisha ababatoteza, mubasabire umugisha aho kubavuma.

Abaroma 14:13

Ntitukongere rero gucirana imanza; ahubwo twitondere icyabera umuvandimwe intandaro yo kugwa cyangwa gucumura.

1 Abakorinto 10:32

Ntimukagire uwo mutera imbogamizi, yaba Umuyahudi, yaba Umugereki, yaba uwo mu Kiliziya y’Imana.

Ivugururamategeko 27:18

«Arabe ikivume uzayobya impumyi inzira!» Nuko imbaga yose izasubize iti «Amen».

1 Petero 1:17

Niba mwiyambaza Imana nk’Umubyeyi wanyu, Yo itagira aho ibogamira, kandi igacira buri muntu urubanza ikurikije ibikorwa bye, nimugendere mu gitinyiro igihe cyose muri ku isi;

1 Petero 2:17

Nimwubahe abantu bose, mukunde abavandimwe banyu, mutinye Imana kandi muhe umwami icyubahiro.

Ibyahisuwe 2:14

Nyamara mfite icyo nkugayaho: ni uko iwawe hari bamwe bakihambira ku nyigisho za Balamu, wa wundi wagiraga inama Balaki ngo ashuke Abayisraheli, ngo barye inyama zatuwe ibigirwamana, kandi ngo bohoke mu buhabara.