Abalewi 19:13 - Kinyarwanda Bibiliya Ntagatifu

¹³ Ntuzariganye mugenzi wawe cyangwa ngo umwibe; igihembo azaba yakoreye ntuzakirarane utakimuhaye.

Bibiliya Yera

¹³ “Ntugahate mugenzi wawe, ntukamunyage, ibihembo by'umukozi ubikoreye ntukabirarane.

Bibiliya Ijambo ry'imana D

¹³ “Ntimugakandamize bagenzi banyu kandi ntimukabasahure ibyabo. Mujye muha nyakabyizi igihembo cye, ntimukakirarane.

Bibiliya Ijambo ry'imana

¹³ “Ntimugakandamize bagenzi banyu kandi ntimukabasahure ibyabo. Mujye muha nyakabyizi igihembo cye, ntimukakirarane.

Abalewi 19:13 Iomraidhean Croise

Yobu 17:5

Bameze nk’umuntu ugabiza ibye rubanda, kandi abana be bamuhanze amaso.

Yobu 31:39

n’uko nariye ibyo yeze ntishyuye, kandi narishe abayikoragamo, ndabirahiye:

Yobu 7:2

Jyewe rero, nsa n’umucakara wifuza amafu, cyangwa umucancuro uharanira agahembo ke;

Iyimukamisiri 20:15

Ntuzatware umuntu ngo umugire uwawe ku ngufu.

Iyimukamisiri 22:13

Umuntu natira undi itungo, hanyuma rikavunika cyangwa rigapfa nyiraryo atahibereye, azagomba kuririha.

Iyimukamisiri 22:15

Umuntu nagusha mu bishuko umukobwa utarasabwa, maze akaryamana na we, azagomba gutanga inkwano kugira ngo abe umugore we.

Iyimukamisiri 22:21

Ntimuzagirire nabi umupfakazi cyangwa imfubyi.

Iyimukamisiri 22:7

Niba umujura atabonetse, nyir’ukubitswa azajya kurahirira imbere y’Imana, kugira ngo rubanda bamenye ko atari we wibye ibintu bya mugenzi we.

Imigani 20:10

Ingero zitareshya n’iminzani ibeshya, byombi bitera Uhoraho ishozi.

Imigani 22:22

Ntuzambure umukene kuko ari umukene, ntuzahutarize ku rugi utishoboye,

Imigani 3:28

Niba ufite icyo agusaba, ntukamubwire ngo «Genda uzagaruke ejo, ni ho nzaguha.»

Yeremiya 22:13

Aragowe uwubaka inzu ye adakurikiza ubutabera, akagerekeranya amagorofa yayo atita ku butungane, agakoresha abandi ku busa, ntabahe igihembo,

Yeremiya 22:3

Uhoraho aravuze ngo: Nimuharanire ubutabera n’ubutungane, uryamirwa mumukize ingoyi y’umurenganya, ntimukagire uwo mukandamiza cyangwa ngo mugirire nabi umunyamahanga, imfubyi n’umupfakazi; muzirinde kumena aha hantu amaraso y’indacumura.

Ezekiyeli 18:7

ntagire umuntu akandamiza, agasubiza ingwate umubereyemo umwenda, ntagire uburiganya, umushonji akamuha umugati kandi akambika uwambaye ubusa,

Ezekiyeli 22:12

Iwawe kandi barakira amaturo kugira ngo bamene amaraso, uguriza abandi ushaka inyungu kandi ukabaka urwunguko rurengeje urugero, wambura mugenzi wawe ku ngufu, ndetse nanjye ubwanjye uranyibagirwa. Uwo ni Nyagasani Uhoraho ubivuze.

Ezekiyeli 22:29

Abaturage b’igihugu bakabije urugomo n’uburiganya, bararenganya umukene n’umunyabyago, baragirira umunyamahanga urugomo nta burenganzira babifitiye.

Abalewi 25:14

Niba uri umucuruzi, mugenzi wawe akakuguraho ikintu cyangwa ukakimuguraho, uzirinde kumwungukaho. Mbese mwembi ntimuzahendane, muri abavandimwe.

Abalewi 25:17

Ntihazagire rero umuntu wungukira kuri mugenzi we. Bityo, muzatinya Imana yanyu. Ndi Uhoraho Imana yanyu.

Abalewi 6:3

Umuherezabitambo rero azambare ikanzu ye ya hariri n’amakabutura ya hariri, maze ayore ivu rituruka ku gitambo cyakongokeye ku rutambiro, arirunde iruhande rw’urutambiro.

Malaki 3:5

Nzabegera mbacire imanza; nzashinja abapfumu, abasambanyi n’abarahira ibinyoma, nzashinje abacuza abakozi igihembo cyabo, n’abarenganya umupfakazi n’impfubyi, kimwe n’abashikamira umusuhuke, n’abandi bose batanyubaha. Uwo ni Uhoraho, Umugaba w’ingabo, ubivuze.

Matayo 20:8

Bugorobye, nyir’imizabibu abwira umuhingisha, ati ’Hamagara abakozi, ubahe igihembo cyabo, uhere ku baje nyuma, uheruke abaje mbere.’

Mariko 10:19

Uzi amategeko: ntuzice, ntuzasambane, ntuzibe, ntuzahamye ibinyoma, ntuzagirire abandi nabi, urajye wubaha so na nyoko.»

Luka 3:13

Arabasubiza ati «Ntimugasoreshe ibirenze ibyategetswe.»

1 Abatesalonike 4:6

Kandi ntihakagire ucumura ku uwo bava inda imwe, cyangwa ngo amurenganye muri ibyo, kuko Nyagasani azahana abagenza batyo, nk’uko twabibabwiye, tubihanangiriza.

1 Timoteyo 5:18

Koko rero Ibyanditswe biravuga, ngo «Ntuzahambire umunwa w’ikimasa kivungagura ingano», kandi ngo «Umukozi akwiye igihembo cye.».

Yakobo 5:4

Umushahara w’abakozi basaruye imyaka mu mirima yanyu mwarawubahuguje, none ngaha uravuza induru kandi n’imiborogo y’abo bakozi yageze mu matwi ya Nyagasani Umutegetsi w’ingabo.