Abalewi 19:10 - Kinyarwanda Bibiliya Ntagatifu

¹⁰ kandi numara gusarura imbuto z’imizabibu yawe, ntuzasubire inyuma ngo uhumbe izasigayemo, ahubwo mujye muzirekera abakene n’abanyamahanga. Ndi Uhoraho Imana yanyu.

Bibiliya Yera

¹⁰ Ntuzahumbe uruzabibu rwawe, ntuzatoragure imbuto ziruhungukiyemo, ubisigire umukene n'umusuhuke w'umunyamahanga. Ndi Uwiteka Imana yanyu.

Bibiliya Ijambo ry'imana D

¹⁰ Nimusarura imizabibu yanyu, ntimugahumbe iyasigaye cyangwa ngo mutoragure iyahungutse. Mujye muyirekera abakene n'abanyamahanga batuye muri mwe. Ndi Uhoraho Imana yanyu.

Bibiliya Ijambo ry'imana

¹⁰ Nimusarura imizabibu yanyu, ntimugahumbe iyasigaye cyangwa ngo mutoragure iyahungutse. Mujye muyirekera abakene n'abanyamahanga batuye muri mwe. Ndi Uhoraho Imana yanyu.

Abalewi 19:10 Iomraidhean Croise

Yesaya 17:6

hazasigara gusa uduhumbano, bimere mbese nk’iyo banyeganyeje umutini, hagasigara imbuto ebyiri cyangwa eshatu zo mu bushorishori, enye cyangwa eshanu zo ku mashami yera. Uwo ni Uhoraho Imana ya Israheli ubivuze.

Yesaya 24:13

Igihugu kirakendereye kimwe n’abagituye, boshye imizeti yahuruweho imbuto, cyangwa imihumbano y’umuzabibu, nyuma y’isarura.

Yeremiya 49:9

Abasaruzi b’imizabibu nibaza iwawe, ntibazagusigira na duke two guhumba. Ibisambo nibiza mu ijoro, bizagutwara ibyo bishoboye byose.

Abalewi 11:44

Ndi Uhoraho Imana yanyu, muzisukure mube abatagatifu nk’uko nanjye ndi umutagatifu. Mwebwe ubwanyu, ntimuzihumanye ku mpamvu ya turiya dusimba tujagata ku butaka.

Abalewi 19:11

Ntuzibe mugenzi wawe, ntuzamubeshye cyangwa ngo umuhende ubwenge.

Abalewi 19:25

Mu mwaka wa gatanu, ni ho muzaba mushobora kuzirya. Nimubigenza mutyo, ni ho umusaruro wanyu uzajya wiyongera. Ndi Uhoraho Imana yanyu.

Abalewi 19:9

Nimusarura imirima yanyu, mu rubibi rwayo mujye muhasiga; ntimuzasubire inyuma ngo mujye guhumba imbuto zasigayeyo,

Abalewi 23:22

Nimusarura imirima yanyu, ku mbibi mujye muhasiga, kandi ntimuzasubire inyuma ngo muhumbe ibyasigayemo. Mujye mubiharira abakene n’abasuhuke. Ndi Uhoraho Imana yanyu.»

Abalewi 25:6

Cyakora ibizaba byimejeje muri uwo mwaka w’isabato uzabirye, wowe n’abo utunze iwawe, ari abagaragu, abagererwa, abashyitsi, mbese abantu bose bazaba bataha mu nzu yawe.

Obadiya 1:5

Mbese abajura n’abasahuzi ba nijoro baje iwawe, wagumana amahoro? Ntibatwara se ibyo babashije byose? Ibisambo se nibigusarurira imizabibu, aho bizagusigira n’utwo uzahumba?

Mika 7:1

Nta bwo ndagowe! Meze nk’abasaruzi bo mu cyi, cyangwa nk’abahumbahumba mu gikorera cy’imizabibu; nyamara nta n’iseri na rimwe ryo kurya, cyangwa akabuto gasigaye mu two nakundaga cyane!

Ivugururamategeko 24:19

Nusarura umurima wawe, ukibagirirwa mu murima umuganda w’amahundo, ntuzasubireyo kuwutwara; uzabe uw’umusuhuke, cyangwa impfubyi, cyangwa umupfakazi, maze Uhoraho Imana yawe aguhere umugisha mu byo ukora byose.

Ivugururamategeko 24:20

Nucugusa igiti cy’umuzeti ukagusha imbuto zeze, ntuzagaruke gusoroma bwa kabiri; izisigaye zizabe iz’umusuhuke cyangwa impfubyi, cyangwa umupfakazi.

Ivugururamategeko 24:21

Nusoroma imbuto z’umuzabibu wawe, ntuzasubiremo guhumba; izisigaye zizabe iz’umusuhuke cyangwa impfubyi cyangwa umupfakazi.

Abacamanza 8:2

Gideyoni arabasubiza ati «Nakoze iki se cyagereranywa n’ibyanyu? Ntimuzi ko uduhumbano tw’imizabibu ya Efurayimu dusumbye kure umusaruro wa Abiyezeri?

Rusi 2:2

Ruta w’Umumowabukazi abwira Nawomi, ati «Ndagira ngo njye mu mirima guhumba ingano inyuma y’umusaruzi uri bunkundire akanyemerera.» Aramusubiza ati «Ngaho genda, mwana wanjye.»