Abalewi 17:7 - Kinyarwanda Bibiliya Ntagatifu

⁷ Ibyo bizarinda Abayisraheli kongera kubahiriza za ruhaya zirya zibuyera mu butayu, no kuzitura ibitambo bikojeje isoni. Kuva mu gisekuru kugera mu kindi, ibyo bizababera itegeko ridakuka.

Bibiliya Yera

⁷ Ntibakongere ukundi gutambira ibitambo byabo amapfizi y'ihene, ayo basambanisha gusenga. Iryo ribabere itegeko ridakuka mu bihe byabo byose.’

Bibiliya Ijambo ry'imana D

⁷ Bityo Abisiraheli ntibazongera guhemukira Uhoraho baramya ibigirwamana by'ihene, babitambira ibitambo. Bajye bahora bakurikiza ayo mabwiriza, bo n'abazabakomokaho.

Bibiliya Ijambo ry'imana

⁷ Bityo Abisiraheli ntibazongera guhemukira Uhoraho baramya ibigirwamana by'ihene, babitambira ibitambo. Bajye bahora bakurikiza ayo mabwiriza, bo n'abazabakomokaho.

Abalewi 17:7 Iomraidhean Croise

2 Ngoma 11:15

Ahubwo Yerobowamu yishyiriraho abaherezabitambo be ngo baturire ibitambo mu masengero y’ahirengeye, n’imbere y’amashusho y’amasekurume y’ihene n’ay’inyana.

Zaburi 106:37

abahungu babo n’abakobwa babo, babaturaho ibitambo by’ibigirwamana!

Zaburi 106:39

Barihumanyije kubera ibyo bakora, imigenzereze irabandarika;

Iyimukamisiri 22:19

Uzatura ibitambo izindi mana, uretse Uhoraho wenyine, azavumirwe kurimbuka.

Iyimukamisiri 22:20

Ntuzanyunyuze imitsi y’umusuhuke cyangwa ngo umukandamize, kuko namwe mwabaye abasuhuke mu gihugu cya Misiri.

Iyimukamisiri 27:21

Hahore iteka itara ryaka mu ihema ry’ibonaniro. Aroni n’abahungu be bazaryiteho ku buryo rimurika kuva ku mugoroba kugeza mu gitondo imbere y’Uhoraho. Ni itegeko ridakuka mu Bayisraheli, uko ibihe bigenda bisimburana.

Iyimukamisiri 32:8

Ntibatindiganije guteshuka inzira nari narabategetse; bihimbiye ikigirwamana cy’ikimasa, bapfukama imbere yacyo, maze bagitura ibitambo, bavuga ngo ’Israheli, dore imana zawe zakuvanye mu gihugu cya Misiri’»!

Iyimukamisiri 34:15

Uramenye ntuzagirane isezerano n’abatuye icyo gihugu, hato batazagutumira igihe bazaba bakora ibibi basenga ibigirwamana byabo, babitura ibitambo, maze ukarya ku bitambo byabo.

Yeremiya 3:1

Uhoraho avuze atya: Iyo umugabo asenze umugore we bagatandukana, nyuma uwo mugore agashaka undi mugabo, bakongera kubana se? Ubwo se uwo mugore ntaba yarahumanye burundu? Wowe rero wasambanye n’abagabo batagira ingano, none ngo urangarukiye! Uwo ni Uhoraho ubivuze.

Ezekiyeli 23:3

Kuva mu bukumi bwabo, bombi bajya kuba indaya mu gihugu cya Misiri, abantu bakabakirigita, ari na ko bakorakora ku mabere yabo atigeze yonsa.

Ezekiyeli 23:8

Ariko ntiyigera areka uburaya bwe yari yaratangiriye mu Misiri igihe aryamanye n’abantu baho kuva mu bukumi bwe bagakorakora ku mabere ye atigeze yonsa kandi bakamuraruza ibiterashozi byabo.

Abalewi 17:8

Uzongere kandi ubabwire uti ’Umuntu wese wo mu nzu ya Israheli cyangwa umunyamahanga ubatuyemo, natura igitambo gitwikwa cyangwa igitambo kindi,

Abalewi 20:5

jye nzamurakarira we n’abe bose, hanyuma mbace mu muryango wabo. Uwo muntu, hamwe n’abandi bose bazamukurikiza bakayoboka Moleki, nzabaca mu muryango wabo.

Abalewi 3:17

Iryo ni itegeko ridakuka kuri mwebwe, kuva mu gisekuru kugera mu kindi, aho muzaba mutuye hose. Icyitwa ikinure cyose, hamwe n’icyitwa amaraso cyose, ntimuzabirye.»

Yohana 12:31

Ubu igihe cyo gucira isi urubanza kirageze; ubu umutware w’iyi si agiye gusukwa hanze.

Yohana 14:30

Sinkivuganye namwe byinshi, kuko umugenga w’iyi si aje.

1 Abakorinto 10:20

Ashwi da! Kuko ibyo bitambo byabo, atari Imana babitura, ahubwo biturwa Sekibi, kandi sinshaka ko mugirana ubusabane na we.

2 Abakorinto 4:4

n’abemeragato imana y’iyi si yahumye ubwenge, ku buryo batagerwaho n’umucyo w’Inkuru Nziza n’ububengerane bwa Kristu, We buranga nyakuri bw’Imana.

Abefeso 2:2

igihe mwakurikizaga imigenzo y’iyi si, n’Umugenga w’ibyo mu nsi y’ikirere, wa mwuka ukorera mu bagomera Imana . . .

Ivugururamategeko 31:16

Nuko Uhoraho abwira Musa ati «Dore wowe ugiye gupfa, usange abasogokuruza bawe. Uyu muryango uzatangira ube ihabara, wohoke ku mana z’abanyamahanga bari mu gihugu ugiye kwinjiramo; uzampararukwa umene igihango cy’Isezerano nagiranye na wo.

Ivugururamategeko 32:17

batura ibitambo ibishitani bitari Imana nyakuri, batura ibitambo imana zindi batari bazi, imana nshya zadutse vuba, izo abasokuruza banyu batatinyaga.

Ibyahisuwe 9:20

Abantu rero bari basigaye badahitanywe n’ibyo byorezo, ntibisubiraho ngo bareke ibikorwa byabo bibi, bakomeza gusenga ingabo za Sekibi, ibigirwamana bya zahabu cyangwa ibya feza, iby’umuringa, iby’amabuye cyangwa iby’ibiti bidashobora kureba, kumva cyangwa kugenda.