Abalewi 17:16 - Kinyarwanda Bibiliya Ntagatifu

¹⁶ Utazamesa imyambaro ye, maze ngo yiyuhagire, icyaha cye kizamuhama.’»

Bibiliya Yera

¹⁶ Ariko natayimesa ntiyiyuhagire, azagibwaho no gukiranirwa kwe.”

Bibiliya Ijambo ry'imana D

¹⁶ Natamesa imyambaro ye kandi ntiyiyuhagire, azaba akwiriye kubihanirwa.

Bibiliya Ijambo ry'imana

¹⁶ Natamesa imyambaro ye kandi ntiyiyuhagire, azaba akwiriye kubihanirwa.

Abalewi 17:16 Iomraidhean Croise

Yesaya 53:11

Nyuma y’iyo mibabaro yose, azabona urumuri, azanezerwe; namara kumenyekana ko ari intungane, azageza benshi ku butungane. Umugaragu wanjye azakiranura imbaga y’abantu, kuko yikoreye ubwe ibicumuro byabo.

Abalewi 18:1

Uhoraho abwira Musa, ati

Abalewi 19:8

ndetse ahubwo icyaha cyo kuba yandaritse igitambo cy’Uhoraho, cyamuhama. Uwakora ibyo rero, yacibwa mu muryango we.

Abalewi 20:17

Umugabo narongora mushiki we basangiye se cyangwa nyina, maze bombi bakabonana bambaye ubusa, bizaba ari ishyano. Muzakoranya imbaga, maze mubace mu muryango wabo. Uwo mugabo aba yasambanije mushiki we, icyo cyaha cye kiba kigomba kumuhama.

Abalewi 5:1

Iyo barahije umuntu ngo avuge ukuri ariko we akicecekera, kandi ikibi cyakozwe yarakiboneye ubwe cyangwa se yarakibwiwe, maze ntatangaze icyo yamenye, ubwo aba yigeretseho umutwaro w’icyaha cye.

Abalewi 7:18

Nihagira umuntu urenga kuri ibyo, maze ku munsi wa gatatu akarya ku nyama z’igitambo cye cy’ubuhoro, icyo gihe, nta bwo icyo gitambo cyakwakiranwa ishimwe kandi n’uwagituye na we ntiyagishimirwa. Inyama zacyo ziba zanduye; uwaziryaho wese yaba yihamije icyaha.

Yohana 13:8

Petero aramubwira ati «Ntuzigera na rimwe unyoza ibirenge.» Yezu aramusubiza ati «Ndamutse ntakogeje, ntuzagira umugabane hamwe nanjye.»

Abeheburayo 9:28

ni na ko Kristu yatuweho igitambo rimwe rizima kugira ngo avaneho ibyaha by’abantu batabarika, nyuma akazaza ubwa kabiri, bitagifite amahuriro n’icyaha, azaniye uburokorwe abamutegereje bose.

1 Petero 2:24

We wajyanye ibyaha byacu mu mubiri we bwite ku musaraba, kugira ngo nitumara gupfa ku byaha, tubeho mu butungane. Ni We nyir’ibikomere byabakijije.